Mberaand 18:14 - NQAARIIT NE ROOG

¹⁴ Ndax a jega kaa xoxna o Yaal oxe. Xam nomtooxiid meen na waxtu feeke mbaan, too xam soƥ Saara a jeg o ƥiy o ngoor.»

Mberaand 18:14 Referans Kwoze

YEGIL MBAAX NE YEESU ne Lik a bindtuuna 1:37

yaam dara xoxee a Roog.»

Mace 19:26

Yeesu a ɗeeta a den, too a lay a den ee: «Wiin we mbaagiran, ndaa Roog o mat, dara xoxiran.»

Mark 10:27

Yeesu a ɗeeta a den, too a lay ee: «Wiin we mbaagiran, ndaa Roog a waagaan, yaam dara xoxiran.»

Yeremi 32:27

«Andaa yee mi refu o Yaal oxe, Roog fee no pindeef ke fop. Ndax a jega kaa xoxaxama?

Efees 3:20

Na pexey katil ne na jalaa na in, Roog a jega sañ-sañ faa ta fi’taa kili kupu ke i nqeɗaa mbaat i nqalaatan sax.

Ke bindeena no xe ne’eena YOB 42:2

Andataam ee waagaa fop, too ke yuuɓoona xoxirang o fadnel.

Filip 4:13

Waagaam fop yaam oxe na dif’axam.

Yeremi 32:17

‹Ey, o Yaal oxe na refkaa boo faw, wo saktu asamaan fo lanq katil magnu of fo o ɓay o jegu doole le wo. Dara xoxirang.

O leetar ole Pool a bindna GIMU WE NGENNA ROM 4:21

A woor’aan ee Roog a jega katil naa ta fadnitna ke ta regitna.

A lim ale 11:23

O Yaal oxe a doona a Moyiis ee: «Ndax a jega kaa xoxaxama? Ndiiki o ga, ndax ke layoonga xan a jeg mbaat jegkee.»

2 Maad we 4:16

Eliise a laya o tew oxe yee: «Neeke mbaan, xan a soƥ o waxooxaa o ƥiy o ngoor.» O tew oxe a doonaan ee: «Ha’aa, o yaal es, wo fee o kiin Roog, ba o pirtaam a liim, mi fee o ceefeer of.»

A cangatin ale 7:21

Ba nu send mbaambir den, yaam o Yaal oxe Roog nuun oxey a ndeer nuun, Roog fa maak fa saɗarnooxu fee.

Mace 14:31

Ndak fo ndak, Yeesu a letna o ɓay um, a damin, too a layin ee: «Wo soo neew o ngim! Xar taxu o gimaƭar?»

Sakari 8:6

Keene a waagooxangee na kid no we yoqna na xeet fee ndiiki sax oo, xan a waagoox na mi. Mi o Yaal oxe Hupna fop layun.

Mise 7:18

Ndax a jega Roog faa nandna fa wo? Kaa o waasantaa tooñ ne, too naagiro xawaa njofaƭar ne no we yoqna na xeet of fee jegoodoona. Naagiro damaa fuux of boo kili, yaam kaa o sawar no yirim a in.

A kim a tedu ke 95:3

yaam o Yaal oxe refu Roog fa maak fee, o maad o maak oxe garitna roog ke fop took.

A cangatin ale 30:3

yaaga, xan o Yaal oxe Roog nuun a yirim a nuun, a supit o roxanqol nuun soo a fokattiid a nuun ahin a ndeer qeet ke ta pasar’ina a nuun fop.

Mberaand 18:10

O leng na den a laya yee: «Mbaan na waxtu feeke deŋ, xam nomtooxiid me wo, too xam soƥ Saara fee o teef a jeg o ƥiy o ngoor.» Saara koy, kaa fod’u no ndokand ne no ƭiif ne ten reeƭna cinj ne Abraham, a nan-gilooxaa.

YEGIL MBAAX NE YEESU ne Lik a bindtuuna 1:13

Kaa koy, malaaka fee a layaan ee: «Ba o diid Sakari, yaam Roog a jaɓa a qeƭ of. Xan o teef Elisabet a ñoot o ƥiy o ngoor, too fat o ne’in Saŋ.

Ke bindeena no xe ne’eena YOB 36:5

Roog a jega katil, naagee deɓaa o leng. O jeg-yiif um jegee hap.

Mberaand 17:21

Kaa koy, no ke farna no ngiɓoor es xam damin fa Isaak fee o jegkaa fa Saara na waxtu feeke mbaan.»

Hebre 11:19

Abraham a xalaata yee Roog a jega sañ-sañ faa ta xontooxnooritna oxaa xonna. Neene, Abraham a daawatin’a a Isaak nen o qontooxu.

YEGIL MBAAX NE YEESU ne Lik a bindtuuna 8:50

Yaa Yeesu a nanna kaaga, a doonaan ee: «Ba o diid, gimi rek, too xan a wod.»

1 Sami’el 14:6

Yoonatan a laya o tag oxe saqoogna ƥonax ke ten ee: «Gariidi i ndet boo no daland olaa na qucooxar akeene. Xeƈa xan o Yaal oxe a farit a in, yaam dara waagiran o yaqan ta ci’it o ndam wiin we maya mayeer.»

Filip 3:21

Ten feene o mat na supitkaa cer neewu doole ke in, da nandat fo cer o ndam um, a fi’tin sañ-sañ fee ta jegna boo a waag o garit fop took.

YEGIL MBAAX NE YEESU ne Lik a bindtuuna 1:18

Sakari a laya malaaka fee yee: «Nam um anditkaa keene? Kaam nogoy, too o tees itam a maaka.»

Mace 3:9

Ba nu mboog ee nu mbaaga o lay na yiif nuun ee: ‹Abraham refu o taan in.› Mexe layaa a nuun ee Roog a waaga o fi a kac akeeke xa taan Abraham.

A kim a tedu ke 93:1

O Yaal oxe refu o maad, kaa rokoox o magnel, a humnoox doole. Lanq ke kaa saƭik koŋ boog too sendkee muk.

A kim a tedu ke 90:13

O Yaal oxe, kaa o xurulooxkaa a in neeke boo a mban? Nomtooxiidi, yirim a in, in we dag of!

Mberaand 18:13

Maaga, o Yaal oxe a laya a Abraham ee: «Xar taxu Saara a jalaa, a lay ee ndax no ndigil waagataam o jeg o ƥiy mi feeke nogoyna boo ƴut?

Mberaand 18:15

Saara a xaña yaam diid, a lay ee: «Jaliim de!» O Yaal oxe a doonaan ee: «Jalaa kañ!»

Mberaand 21:1

O Yaal oxe a wetandooxa ke ta reg’ina a Saara, a fi’antin o ten ne ta layit’uuna.

Mberaand 21:2

Saara a roka o fud, soo a ñoot o ƥiy o ngoor na waxtu fee ta hapeena ne Roog a layit’uuna. A soƥa koy Abraham a nogoy tigi.

Esayi 50:2

Ye garuuma, xar taxu soƥiim meen o leng? Ye xoyuuma, xar taxu jaaɓaandeem? Ndax o ɓay es a raƥa raƥ boo waagee o mucil? Ndax kaa jegiim doole faa wattuuma? Aca i ndet boog! Kaam weernitaa o maag ole fa lay es, supit xa quluɓ axe a koƥ-a-ƥor boo liƥ ke a nqonaa fo a koɗom yaam ne foofi a ñakna soo a mbotaa.

Dañel 6:20

Yaa mbeet naa a leeliidaa, o maad oxe a inooxa, a siipan maa cogoy kaa a mbegeena.

Mberaand 17:16

Xam barke’in, too xam ci’ong fo ten o ƥiy itam. Xam barke’in too xan a rim qeet mayu, maad no qeet mayu a ngat no ten.»

Haahate we 13:3

Malaaka fee no Yaal oxe a feeñooxa o tew oxeene, a layin ee: «Andaam ee o timar refo too jegiro o ƥiy, ndaa xan o ref fo fud, ñoot o ƥiy o ngoor.