Mberaand 18:12 - NQAARIIT NE ROOG

¹² Saara a jala taa kam um, a lay ee: «Waagaam o nogoy boo nand neeke, o kor es itam a nogoy! Ndax xam moofat felakinooxaa?»

Mberaand 18:12 Referans Kwoze

1 Piyeer 3:6

nen a Saara fee nanan’ina a Abraham, too a xoyoogun o yaal um. Na Saara, nu ndefata xa taan um, yaa nu mbi’aa paax fo yaa nu nqaƴeerna diid leng a jom’and a nuun.

Mberaand 17:17

Abraham a gunga a lanq, a jal, soo a lay taa no yiif um ee: «Mam o ƥiy a reefkaa o cegu xa kiid teemeed? Mee ndax Saara fa xoox um, oxe na xa kiid qarɓeen ɓetuu nahik! Ndax xan a ñootat?»

Mberaand 18:13

Maaga, o Yaal oxe a laya a Abraham ee: «Xar taxu Saara a jalaa, a lay ee ndax no ndigil waagataam o jeg o ƥiy mi feeke nogoyna boo ƴut?

Efees 5:33

Kaa koy, a wara na nuun itam: O kor oxuu refna a wara o fex o teem, ne ta fexitna a xoox um, too o tew oxuu refna itam a wara o niw o kor um.

A kim a tedu ke 126:2

Maaga, kaa i njalooxoogu yaam o ɗaay, ɗelem in a soroxole’aa, soo ta layeel a ndeer qeet ke yee: «O Yaal oxe a fi’ana a den tig maak.»

A kim a tedu ke 45:11

Ndoog, rungi nof of, ɗeet too nan-giloox a paax. Weecti xeet of fo mbind faap of.

Haahate we 19:26

Farna fo nqes ne, o tew oxe a gara a yen na carind ale no mbind ne no koor oxe, me o kor um a reeƭna, a yoq maaga boo neen a feedu.

2 Maad we 4:16

Eliise a laya o tew oxe yee: «Neeke mbaan, xan a soƥ o waxooxaa o ƥiy o ngoor.» O tew oxe a doonaan ee: «Ha’aa, o yaal es, wo fee o kiin Roog, ba o pirtaam a liim, mi fee o ceefeer of.»