Mberaand 18:10 - NQAARIIT NE ROOG

¹⁰ O leng na den a laya yee: «Mbaan na waxtu feeke deŋ, xam nomtooxiid me wo, too xam soƥ Saara fee o teef a jeg o ƥiy o ngoor.» Saara koy, kaa fod’u no ndokand ne no ƭiif ne ten reeƭna cinj ne Abraham, a nan-gilooxaa.

Mberaand 18:10 Referans Kwoze

Mberaand 21:2

Saara a roka o fud, soo a ñoot o ƥiy o ngoor na waxtu fee ta hapeena ne Roog a layit’uuna. A soƥa koy Abraham a nogoy tigi.

Mberaand 17:21

Kaa koy, no ke farna no ngiɓoor es xam damin fa Isaak fee o jegkaa fa Saara na waxtu feeke mbaan.»

Mberaand 17:19

Roog a doonaan ee: «Ha’aa! Xan Saara fee o teef a rimanong o ƥiy o ngoor too fat o ne’in Isaak. Xam dam ngiɓoor es fo ten, damin itam ndeer es fo xaa faqaqoorna no ten. Xan a ref ngiɓoor naa na refkaa boo faw ndeer es fo xa taan um.

Mberaand 17:16

Xam barke’in, too xam ci’ong fo ten o ƥiy itam. Xam barke’in too xan a rim qeet mayu, maad no qeet mayu a ngat no ten.»

Galati 4:28

Yaaga koy fog es, xa teɓandoong Roog nu ndefu no ndegit ne, ne Isaak a refit’uuna.

Galati 4:23

O ƥiy onqe Abraham a jeg’ina fo o teem, kaa gar’u, ndax ke Roog a regit’ina a fadnoox. Kaa koy, o ƥiy onqe o paɗ oxe a rim’ina, jektir’ee dara fo lakas we ndimeena na adna fee.

YEGIL MBAAX NE YEESU ne Lik a bindtuuna 1:13

Kaa koy, malaaka fee a layaan ee: «Ba o diid Sakari, yaam Roog a jaɓa a qeƭ of. Xan o teef Elisabet a ñoot o ƥiy o ngoor, too fat o ne’in Saŋ.

Mberaand 16:10

Malaaka fee no Yaal oxe a layahinaan ee: «Xam mayƭand xa taan of, boo o leng waagkee o lim a den.»

Mberaand 18:9

Maaga a laamtaan ee: «Taa Saara fee o teef?» A doona a den ee: «Oxaay kam ƭiif naa!»

Mberaand 21:1

O Yaal oxe a wetandooxa ke ta reg’ina a Saara, a fi’antin o ten ne ta layit’uuna.