Mberaand 17:8 - NQAARIIT NE ROOG

⁸ Xam ci’ong, wo fo xa taan of, saax lene refiidoona o gataakoon, saax le Kanaan fop, too xam ref Roog den.»

Mberaand 17:8 Referans Kwoze

A paɗax ale 26:12

Xam ñaaƴaa a ndeer nuun, ref Roog nuun, soo nu ndef xeet es.

A kim a tedu ke 105:11

ye ta layna yee: «Xam cooxong lanq ke Kanaan, o jegkin, wo fo xa taan of,

A sutax ale 6:7

Xam jang a nuun, nu ndef xeet es, um ref Roog nuun, too yaaga xan nu and ee mi refu o Yaal oxe Roog nuun, sutna a nuun no calel ƭomu ke Miimisira we a ndoxondna a nuun.

Mberaand 12:7

O Yaal oxe a feeñooxa a Abram, a layin ee: «Saax leeke, xam ci’in xa taan of.» Abram a maxana o Yaal oxe o sadaxand no mbiñ onqe ta feeñoor’uuna.

A cangatin ale 29:13

Refee yee fa nuun doŋ ngiɓoor nene a dalinkeel.

A cangatin ale 26:18

Xaye o Yaal oxe kaa lay a nuun ee nuun ndefu xeet fee ta jegoodna, ne ta laytuuna a nuun, too nu mbara ngay kebil ke ten fop.

A cangatin ale 14:2

Kaa nu ndef xeet faa kesaneena o Yaal oxe Roog nuun. Ten jilu a nuun, ndax nu ndef xeet faa ta jegoodna a ndeer qeet lakas ke no lanq ke fop.»

Mberaand 13:15

Saax le o ga’aa, xam ci’ong o ten, wo fo xa taan of boo faw.

A kim a tedu ke 105:9

Ten refu ngiɓoor ne ten fa Abraham, soo a woornitin a Isaak fo a taaƥ.

A cangatin ale 4:37

Yaam ne ta fex’ina daan nuun taxu ta jil a nuun we xa taan den a cinj den soo a sutit a nuun Misira fa katil fa maak um.

Mberaand 28:4

Yaasam Roog a ci’ong barke fee Abraham, wo fo xa taan of, ndax o jegik saax le refoona o gataakoon, too ta ci’in a Abraham.»

Mberaand 13:17

Inooxi o wid saax le bo ta xet, yaam xam ci’ong o ten.»

2 Sami’el 23:5

Neene mbind es a nandu mbaambir Roog. A dalna fa mi ngiɓoor naa na refkaa boo faw, a saƭik too a woor. Ten na saxnaa a muc es fop fo o bug es fop.

A cangatin ale 32:8

Ye oxe Took-ee-took a lasrandna qeet ke lanq ke, a xaaj xa ƥiy Aadama, a fiisa xa ŋat axe no qeet ke, a coox xeet fuu refna malaaka faa na saytooxan.

A lim ale 25:13

Ngiɓoor neene xan a fi a den saasadax boo faw, ten fo xa taan um, yaam ne ta naalaxama, mi fee Roog um, ndax ta jofoorand Ii-isra’el we fa mi.»

A sutax ale 40:15

Fat o ɗuum a den, dod a den saasadax nen a faap den, da njalanaxam. Na ƭuum aleene, den oo xa taan den oo, xa tanaraat den oo, xan a ndodateel saasadax boo kili.»

Mberaand 48:4

Kaa lay’aam ee: ‹Xam ci’ong xa taan xa mayu, ndax um fi’ong o ref o taan xeet fa maak. Saax leeke, xam ci’in xa taan of da njegkin boo faw.›

Mberaand 23:4

«Kaam refat o gataakoon olaa genatna a ndeer nuun, ci’aamoo a mboy alaa gasuuma o qon oxe mi bo ta waag o mo a kid es.»

Hebre 9:15

Ten taxu Kiristaa a ref o ndok-a-ndeer onqe no ngiɓoor nqas ne refna a tegdinax, ndax we Roog a xoyna a mbaag o ndaaw paax ke na ndefkaa boo faw, too ta reg’un a den. A mbaagaan o ndaaw, yaam Kiristaa a xona, ndax ta wat wiin we no tooñ ke da mbi’’ina ye da ndefna no ngiɓoor eetaand ne.

A kim a tedu ke 103:17

ndaa o mbeq no Yaal oxe kaa ref bo na moos boo moos no we saɗaruuna, soo o cofel um a gen fo xa ƥiy na xa ƥiy den,

A paɗax ale 16:34

Fat keene a ref na nuun kebil ñufkeer boo faw, ndax Ii-isra’el we a njofoorandel fa mi, a njeg a baasan ale no pakaad den fop jaf leng o hiid oluu refna.» Keene fop, o Yaal oxe a hebil’ina a Moyiis, a fi’’e.

A sutax ale 21:6

xan Roog a ref o seede, o yaal um a matandiidin no begax a ndok mbaat na tayil, a yul nof ne no paɗ oxeene fo a tufir. Neene, xan a refat o paɗ um boo faw.

A pi ake 7:5

Roog ci’iran dara kaa ta warna o jeg no saax le mbaat maa ta doonna o jaf um sax. Kaa koy, a regaan ee xan a ci’in o ten, xa taan um a njegkin a cinj um. Yaaga Abraham jeg’ee o ƥiy sax.

Mbeeñil 21:7

Oxe na maafkaa, xan a lamit na mi ci’it neene. Xam ref Roog um, soo ta ref o ƥees.

Mberaand 26:24

No yeng olaaga, o Yaal oxe a feeñooxaan, a layin ee: «Mi refu Roog fee na faap of Abraham. Xam barke’ong soo mayƭand xa taan of yaam o tag es Abraham.»

Mberaand 36:7

Oxuu refna na den kaa jeg’u halal fa mayu boo nqeƈ’atee o mbiñ o leng, too o jegel ole da ndeeƭna dey’atee a den yaam xa siir xa magnoodu xe den.

Mberaand 37:1

Yakoob a dala kam saax le Kanaan me faap um a reeƭna o gataakoon.

A sutax ale 13:11

Yaa o Yaal oxe a rokinkaa a nuun kam saax le no Kaakanaan we, ne ta daaɓoortuuna yee xan a cooxin a nuun, nuun fo daan nuun,

A sutax ale 29:45

Xam gen a ndeer Ii-isra’el we soo ref Roog den.

A sutax ale 32:13

Wetandooxi a Abraham fa Isaak fa Isra’el, dag we wo daaɓooxoona wo fa xoox of ee: ‹Xam saqtin xa taan nuun, da mayit nen xa qoor axe na asamaan, coox a den saax le regtuuma, da njegkin boo faw.› »

A cangatin ale 9:5

Refee muk ee nu njarin mbaat a qeeñ a cofu nuun taxu nu njang saax le den, njegkin. Coxod ne no qeet keene mat fo ke o Yaal oxe Roog nuun a daaɓoox’ina fo daan nuun Abraham fa Isaak fa Yakoob taxu ta raxit a den mbaambir nuun.

Yeremi 25:5

Kaa lul’u a den da lay ee: ‹Mbesyo a cinj boog a ƭat a paaxeer ale nuun fo kañaan ne na pi ake nuun. Maaga, xan nu ngen no saax le o Yaal oxe a ci’na a nuun, nuun fo daan nuun, bo na moos boo moos.

Yeremi 31:1

O Yaal oxe kaa tee: «No camaane kaaga, xam refat Roog fee no ƥasil ke Isra’el fop, too xan a ndefat xeet es.»

Mberaand 35:27

Yakoob a fadiida maa Isaak fee faap um, maaga Mamre kam Kiryat-Arba, refna ref Hebron me Abraham fa Isaak a ndeeƭna xa kataakoon.

A sutax ale 6:4

Dalnaam ngiɓoor fa den, ndax um coox a den saax le Kanaan, saax le da ngenoogna, a ndef teen xa kataakoon.

A paɗax ale 14:34

«Yaa nu ndokkaa no saax laa Kanaan cooxuuma a nuun, ndax nu njegkin, boo feeñluuma naawoos na ndok aluu ta waagna waag o ref no saax le nu njegkaa,

A lim ale 10:29

Moyiis a laya a Hobab fee o ƥiy no seemir um Rewel, o Maamajan oxe yee: «In we ndetaa no mbiñ onqe o Yaal oxe a layna yee: ‹Xam cooxin a nuun.› Gari yoon fa in, too xan o jeg a las no paax ke o Yaal oxe a regna a Isra’el.»

A lim ale 27:12

O Yaal oxe a laya a Moyiis ee: «Ŋaayi took o jul ole Abarim, too horoox saax le um ci’kaa Ii-isra’el we.

A cangatin ale 32:49

«Reti na xa coong axe Abarim no saax le Mowaab jasnoorna fa Yeriko, ŋaay took o joong ole Nebo soo ɗeet saax le Kanaan um ci’kaa Ii-isra’el we da njegkin.

A cangatin ale 34:4

Maaga, o Yaal oxe a layaan ee: «Keene refu saax le daaɓooxuuma fa Abraham fa Isaak fa Yakoob ee xam ci’in xa taan den. Lalaaxoong o ten na kid of, ndaa rokkiro teen.»

Yosuwe 1:2

«Moyiis fee o tag es a xona. Ndiiki koy, wo fa xeet fee Isra’el fop, inooxyo, njoot o xuluɓ ole Yordaan, ndax nu ndok no saax le ci’uuma a nuun.

1 Caloori ke 16:18

ye ta layna yee: «Xam cooxong lanq ke Kanaan, o jegkin, wo fo xa taan of.»

Heseki’el 11:20

ndax da ndeef kebil es, a ngay bargal es soo a mbadin a den. Xan a ndef xeet es soo um ref Roog den.›

Heseki’el 33:24

«Wo fee o ƥiy no kiin, we ngenna no kefatin kene no fiisel ole Isra’el kaa layaa yee: ‹Abraham o leng a reeƭu, too a jaɓa saax le, too in we mayna gañ cooxe saax le, njegkin.›

Sakari 8:8

Xam nomtiid a den, too xan a ngen kam Yeerusaleem. Xan a ndef xeet es, soo um ref Roog den, no ngor fo no cofel. Mi o Yaal oxe Hupna fop layun.»