Mberaand 17:7 - NQAARIIT NE ROOG

⁷ Xam dam ngiɓoor ne a ndeer es fa wo, damin a ndeer es fo xa taan of axe na ndeefankang, reefandin no suk den. Xan a ref ngiɓoor naa na refkaa boo faw, naa um refkaa Roog of fo Roog na xa taan of.

Mberaand 17:7 Referans Kwoze

Mberaand 26:24

No yeng olaaga, o Yaal oxe a feeñooxaan, a layin ee: «Mi refu Roog fee na faap of Abraham. Xam barke’ong soo mayƭand xa taan of yaam o tag es Abraham.»

A pi ake 2:39

Yaam a tegit ale, nuun njegun, nuun fo xa ƥiy nuun. We o Yaal oxe Roog in a xoykaa fop itam too a ngoƭ, a mboga teen.»

Mberaand 15:18

A koom o Yaal oxe a dalna ngiɓoor fa Abram ee: «Saax leeke, ci’aanum xa taan of no ke xotitna no xuluɓ olaa Misira boo no xuluɓ o maak olaa refna ref Ofrat,

Hebre 8:10

A doona teen ee: Keeke refu ngiɓoor ne um dalnatinkaa fa xeet fee Isra’el cinj ñaal keene: Xam ɓek kebil es kam a yiif den, bind a den kam a qeeñ den. Xam ref Roog den, da ndefat xeet es.

Hebre 11:16

Kaa koy, no ndigil, kaa yaakaaroogu mbaafaap naa moƴna o faax, ta ref ne refna na asamaan. Ten taxu, Roog naagee o jegaa gaci fa leng yaa ta xoyeena Roog fee den, yaam o ten fa xoox um o mat jagandanu a den teeru feene.

A paɗax ale 26:12

Xam ñaaƴaa a ndeer nuun, ref Roog nuun, soo nu ndef xeet es.

Mberaand 28:13

O Yaal oxe koy, kaa geenoox’u paam um, soo a layaa yee: «Mi refu o Yaal oxe Roog fee no taan of Abraham, Roog fee Isaak. Lanq ke wondooxoona, xam ci’ong a den, wo fo xa taan of.

O leetar ole Pool a bindna GIMU WE NGENNA ROM 9:4

Weene ndefu Ii-isra’el we, too Roog a fi a den xa ƥeem. A feeñla a den o ndam onqe ten, a dalin fa den kiɓoor ke ten, a coox a den kebil ke fo a tegit ake ten, soo a andnoor a den ne ta wareena o faɗoorit.

Mark 10:14

Yaa Yeesu a ga’na kaaga, a ɗom’aan, too a laya daalbe we ten ee: «Nqaƴyo xa teɓandoong axe da ngar me mi. Ba nu mbañit a den, yaam we nandna fa den njegu Maat ne Roog.

Mace 22:32

‹Mi refu Roog fee Abraham fa Roog fee Isaak fa Roog fee Yakoob.› Roog refee Roog fee no xon we, ndaa Roog fee no ñoow we.»

Mise 7:20

Xan o lal xa taan axe Yakoob ngor of, feeñil we mbaqaqoorna na Abraham o mbeq of, ne daaɓoortanoona fo daan in no camaane kaa yaaga.

Heseki’el 28:26

Xan a ngen teen fo o woor, a max pind, a njimb a ƭing taxar biiñ. Xan a ngen teen fo o woor, yaa um fadinkaa kate es took no fop we mbidna a den, a nqeefaa a den. Maaga, xan da and ee mi refu o Yaal oxe Roog den.»

A sutax ale 6:4

Dalnaam ngiɓoor fa den, ndax um coox a den saax le Kanaan, saax le da ngenoogna, a ndef teen xa kataakoon.

A sutax ale 3:15

Roog a layahina a Moyiis ee: «Fat o lay Ii-isra’el we yee: ‹O Yaal oxe refna Roog fee no daan we nuun, a ref Roog fee Abraham fa Roog fee Isaak fa Roog fee Yakoob, luliidaxam me nuun.› Keene refu gon es bo na moos boo moos. Kaam ee keene refu gon le um bugko xoyeel no suk nuu refna.

A sutax ale 3:6

Maaga, a ɓaata teen ee: «Mi refu Roog fee na faap of, ref Roog fee Abraham fa Roog fee Isaak fa Roog fee Yakoob.» Moyiis a muurooxa, yaam kaa saɗaroogu o ɗeet a Roog.

Efees 2:2

Kaa nu ndeefanoogu boog o ñoowooƭ ole na adna fene, nananaa oxe kelfa’na cini ke ndefna ndeer asamaan fa lanq. Ndiiki, yiif faaxeer leene kaa jalaa no wiin we nananeerna a Roog.

A kim a tedu ke 81:10

Ba o jeg muk a roog fa lakas faa refeerna mi, too ba o gung mbaambir roog fa njan.

Mberaand 6:18

Kaa koy, xam dalin fa wo ngiɓoor. Fat o rok na kaal ale, wo fo xa ƥeef fo o teef fo rew den.

Mberaand 17:13

Oxe rimeena no mbind of a ware o xuc, ten fo xe jiktoona xaaliis of. O anddiloor ole no ngiɓoor ne na refkaa boo faw no cer nuun a refkaa.

Mberaand 17:19

Roog a doonaan ee: «Ha’aa! Xan Saara fee o teef a rimanong o ƥiy o ngoor too fat o ne’in Isaak. Xam dam ngiɓoor es fo ten, damin itam ndeer es fo xaa faqaqoorna no ten. Xan a ref ngiɓoor naa na refkaa boo faw ndeer es fo xa taan um.

A sutax ale 6:7

Xam jang a nuun, nu ndef xeet es, um ref Roog nuun, too yaaga xan nu and ee mi refu o Yaal oxe Roog nuun, sutna a nuun no calel ƭomu ke Miimisira we a ndoxondna a nuun.

A paɗax ale 11:45

Mi refu o Yaal oxe sutitna a nuun no saax laa Misira, ndax um ref Roog nuun. Fat nu ted boog, yaam kaam ted.

A paɗax ale 25:38

Mi refu o Yaal oxe Roog nuun, sutitna a nuun no saax laa Misira, ndax um ci a nuun saax le Kanaan soo ref Roog nuun.»

A paɗax ale 26:9

Xam geleeroox farna fa nuun, ci a nuun ƥasil, dam ngiɓoor es fa nuun.

A paɗax ale 26:45

Xam wetandoox a den, wetandoox itam ngiɓoor ne dalnuuma fo daan den yaaga, ye suttuuma a den no saax laa Misira mbaambir qeet lakas ke, ndax um ref Roog den. Mi refu o Yaal oxe.»

A cangatin ale 29:13

Refee yee fa nuun doŋ ngiɓoor nene a dalinkeel.

Haahate we 2:1

Malaaka fee no Yaal oxe a inooriida Gilgal a gar Bokiim, a lay Ii-isra’el we yee: «Suttaam a nuun Misira, ɗoxiid a nuun no saax le reg’uuma daan nuun fo a taaƥ. Layaam ee: ‹Ɗegkiim ngiɓoor es fa nuun boo muk,

Esayi 61:8

«Mi o Yaal oxe, a ƭat rek bugum soo sib ƭegax fo njofaƭar. Xam saɗig a nuun fo o cofel soo dalin fa nuun ngiɓoor naa na refkaa boo faw.

Yeremi 31:1

O Yaal oxe kaa tee: «No camaane kaaga, xam refat Roog fee no ƥasil ke Isra’el fop, too xan a ndefat xeet es.»

Mberaand 9:16

A ñang-ee-ñang ale xan a feeñ na eel ake, um ɗeetan ndax um wetandoox ngiɓoor ne na refkaa boo faw a ndeer Roog fo pindel ke na ñoowaa fop took lanq ke.»

A paɗax ale 26:44

Yaag oo toox de, deɓkiim a den, yaa da laqooxkaa no saax le no fañ den. Feskiim a den a cinj, mbaskiraam, warkiim a den too ɗegkiim ngiɓoor es fa den, yaam mi refu o Yaal oxe Roog den.

2 Sami’el 7:24

Dalnaa a Isra’el fee xeet of, ndax ta ref xeet faa jegoodoona boo kili, soo wo o Yaal oxe o ref Roog um.

1 Caloori ke 16:13

nuun we mbaqaqoorna na Isra’el fee o tag um, xa taan Yakoob axe ta jilna.

1 Caloori ke 16:14

Ten refu o Yaal oxe Roog in, kate um a langaamoox lanq ke fop.