Mberaand 17:21 - NQAARIIT NE ROOG

²¹ Kaa koy, no ke farna no ngiɓoor es xam damin fa Isaak fee o jegkaa fa Saara na waxtu feeke mbaan.»

Mberaand 17:21 Referans Kwoze

Galati 3:29

Kiristaa a jegangaa a nuun koy, xa taan Abraham nu ndefu, too yaaga xan nu lam ke Abraham a regeena.

Mberaand 18:10

O leng na den a laya yee: «Mbaan na waxtu feeke deŋ, xam nomtooxiid me wo, too xam soƥ Saara fee o teef a jeg o ƥiy o ngoor.» Saara koy, kaa fod’u no ndokand ne no ƭiif ne ten reeƭna cinj ne Abraham, a nan-gilooxaa.

Hebre 11:9

O ngim tax’u ta jaɓ o ñoowaa nen o gataakoon no saax laa Roog a reg’uuna. Kam ƭiif a genoogu nen a Isaak fa Yakoob we ndaaw’ina ndegit leng neene na Roog.

O leetar ole Pool a bindna GIMU WE NGENNA ROM 9:9

Yaam Roog kaa reg’u a Abraham, a layin ee: «Na waxtu fene deŋ mbaan, xam nomtooxiid me wo, too xam soƥ Saara a jeg o ƥiy o ngoor.»

A pi ake 1:7

Yeesu a doona a den ee: «Refee yee nuun mbaru o and camaane ke fo baxtu ke Faap fee a geennitna sañ-sañ um.

YEGIL MBAAX NE YEESU ne Lik a bindtuuna 1:72

Neene o mat a yirmitu daan we in, a wetandoox ngiɓoor tedu ne ten,

YEGIL MBAAX NE YEESU ne Lik a bindtuuna 1:55

ne ta layit’uuna daan we in, ta ref Abraham fo xa taan um boo kili.»

Ke bindeena no xe ne’eena YOB 14:13

Cey! O ɗasin’angaam kam jaaniif rek, muuraam teen boo yaa fuux le wo a ɓooskaa, soo o dalnanaam waxtu faa o wetandooxkaxam!

A sutax ale 3:6

Maaga, a ɓaata teen ee: «Mi refu Roog fee na faap of, ref Roog fee Abraham fa Roog fee Isaak fa Roog fee Yakoob.» Moyiis a muurooxa, yaam kaa saɗaroogu o ɗeet a Roog.

A sutax ale 2:24

Ye Roog a nanna xa iin axe den, a wetandooxa ngiɓoor ne ten fa Abraham fa Isaak fa Yakoob.

Mberaand 46:1

Isra’el a xota a ƭat, ten fo ke ta jegna fop. A fadiida Beer-Seeba, soo a ɓoxot a Roog fee na faap um Isaak sadax.

Mberaand 48:15

A barke’a a Yoseef ee: «Yaasam Roog fee Abraham fa Isaak, we daan es a ñaaƴoogna mbaambir um, yaasam Roog fee na gayaxam no kaa xotitna no ñaal naa rimeema boo xaye,

Mberaand 17:19

Roog a doonaan ee: «Ha’aa! Xan Saara fee o teef a rimanong o ƥiy o ngoor too fat o ne’in Isaak. Xam dam ngiɓoor es fo ten, damin itam ndeer es fo xaa faqaqoorna no ten. Xan a ref ngiɓoor naa na refkaa boo faw ndeer es fo xa taan um.

Mberaand 18:14

Ndax a jega kaa xoxna o Yaal oxe. Xam nomtooxiid meen na waxtu feeke mbaan, too xam soƥ Saara a jeg o ƥiy o ngoor.»

Mberaand 21:1

O Yaal oxe a wetandooxa ke ta reg’ina a Saara, a fi’antin o ten ne ta layit’uuna.