Mberaand 17:16 - NQAARIIT NE ROOG

¹⁶ Xam barke’in, too xam ci’ong fo ten o ƥiy itam. Xam barke’in too xan a rim qeet mayu, maad no qeet mayu a ngat no ten.»

Mberaand 17:16 Referans Kwoze

Mberaand 35:11

Roog a layaan ee: «Mi refu Roog o Cegu katil oxe. Xam ci’ong xa ƥiy fo xa taan xa mayu. Saax fa xeet fa muum sax xan a mbaqaqoor na wo, maad a sutoor na wo.

Esayi 49:23

Xan o jeg lingeer kaa na numnanang xa teɓandoong of fo maad waa na saqkaa a den. Xan a ngung mbaambir of, a metaa fo ut ole na caf of. Maaga, xan o and ee mi refu o Yaal oxe, too we yaakaaraxama sedkee muk.»

Mberaand 17:6

Xam ci’ong xa taan xa mayu, qeet mayu a mbaqaqoor na wo, soo maad a sutoor na wo.

1 Piyeer 3:6

nen a Saara fee nanan’ina a Abraham, too a xoyoogun o yaal um. Na Saara, nu ndefata xa taan um, yaa nu mbi’aa paax fo yaa nu nqaƴeerna diid leng a jom’and a nuun.

O leetar ole Pool a bindna GIMU WE NGENNA ROM 9:9

Yaam Roog kaa reg’u a Abraham, a layin ee: «Na waxtu fene deŋ mbaan, xam nomtooxiid me wo, too xam soƥ Saara a jeg o ƥiy o ngoor.»

Mberaand 24:60

A salana a Rebeka yee: «O cigeen in, yaasam o ref ya no cuni-cuni, xa taan of a ngarit fañ den took.»

Mberaand 12:2

Xam sutit na wo xeet fa maak, too xam barke’ong. Xam fi’ong o yaal gon maak, too a cur barke tigi o refkaa.

Mberaand 1:28

Roog a barke’a a den soo a lay a den ee: «Ndimikyo, mayƭand lanq ke, ke ta saqna fop a ref no ɓay nuun: Liƥ ke no maag ole, tiiƭ ke na asamaan fo muumeen ke na ñoowaa took lanq ke, fop no ɓay nuun a ndefkaa.»

Galati 4:23

O ƥiy onqe Abraham a jeg’ina fo o teem, kaa gar’u, ndax ke Roog a regit’ina a fadnoox. Kaa koy, o ƥiy onqe o paɗ oxe a rim’ina, jektir’ee dara fo lakas we ndimeena na adna fee.

Mberaand 17:15

Roog a laya a Abraham ee: «Saarayi fee o teef ne’kataand Saarayi ndaa Saara a ne’kateel.

Mberaand 17:19

Roog a doonaan ee: «Ha’aa! Xan Saara fee o teef a rimanong o ƥiy o ngoor too fat o ne’in Isaak. Xam dam ngiɓoor es fo ten, damin itam ndeer es fo xaa faqaqoorna no ten. Xan a ref ngiɓoor naa na refkaa boo faw ndeer es fo xa taan um.

Mberaand 21:1

O Yaal oxe a wetandooxa ke ta reg’ina a Saara, a fi’antin o ten ne ta layit’uuna.

Mberaand 25:23

O Yaal oxe a layaan ee: «Qeet ƭik ndefu no fud of. Xan qeet ƭik ke a nqaajoor yaa da sutoorkaa na wo. Fa leng no qeet keene xan moƴ o jeg doole fa lakas fee, too oxe na eetkeel o rim xan a ɓoxotoox no ƭikandeer oxe.»

Mberaand 36:31

Weeke ndefu maad we maadooxna kam saax laa Edoom, yaaga Isra’el jegafulee o maad.

Mberaand 15:4

Maaga, o Yaal oxe a daawnaan fa lay um ee: «Oxeene refkee o lam of, ndaa o ƥeef ŋaƈit na refkaa o lam of.»