Mberaand 17:13 - NQAARIIT NE ROOG

¹³ Oxe rimeena no mbind of a ware o xuc, ten fo xe jiktoona xaaliis of. O anddiloor ole no ngiɓoor ne na refkaa boo faw no cer nuun a refkaa.

Mberaand 17:13 Referans Kwoze

A sutax ale 12:44

Faɗ we nu njikna, a mbaaga o ñaam teen, kaa koy, fat a soƥ da nqucoox.

Nehemi 5:8

Layaam a den ee: «No pexey ke i njeg’ina, i mbata fog in Yaawuur we njikoox’ina a qoox den qeet ke nen faɗ, ndaa nuun, kaa nu njikooxaa fog nuun, too in sax a njikooxeel!» A naaga cel, njegee dara kaa da ndoonna.

Mberaand 37:36

Maamajan we a ƥisa a Yoseef Misira, soo a njikooxin a Potifaar fee o leng no kelfa ke Firawon too a ref o aa-adax oxe no yeeyetax we.

Mace 18:25

Ye ta jegeerna ndabid, o yaal mbind um a hebla yee ta jikooxel, ten fo o teem fo xa ƥeem fo ke ta jegna fop, ndax ta rabditel o lad olaa.

Nehemi 5:5

Yaag oo toox de, in fo fog in cer leng kut ke i saqu. Xa ƥiy xa koor axe in njektiree fo axe no fog in. Yaqanee koy i ƥoxota xa ƥiy xa koor axe fo xa tew axe in no mbaƭ, too a jega na xa ƥiy xa tew axe in waa ƥoxoteena teen. I njegee pexey lakas, yaam xa qol axe in fo a ƭing taxar biiñ ake in wiin lakas njegatu a den.»

A sutax ale 21:16

Oxuu guuɗna o kiin boo a jikooxin mbaat ta geekin, kaa warel o war.

A sutax ale 21:4

A soƥangaa koy ee o yaal um ci’un o tew, soo o tew oxe a jeg xa ƥiy xa koor mbaat xa tew, o yaal um na jegkaa o tew oxe fo xa ƥiy axe, soo o koor oxe a ret ten doŋ.

A sutax ale 21:2

O leng na nuun a jikangaa o pog o Hebre, a fi’in o paɗ, fat oxeene a faɗooxan boo xa kiid ɓetaa fo leng. No hiid o ɓetuu ɗikandeer olaa koy, a waaga o woktoox na jam too saqankee o yaal um haq fa leng.

Mberaand 39:1

Ii-isma’el we njik’ina a Yoseef a ƥisaan Misira, soo Potifaar fee o leng no kelfa ke no maad oxe too a ref o aa-adax no yeeyetax we no mbind Firawon fee a jikit a Yoseef no Ii-isma’el we ƥisiid’uuna Misira.

Mberaand 37:27

Ngaryo i njikooxin Ii-isma’el we, ndaa ba i mbartin xa ƥay in, yaam o ndeɓ in a refu, i mbog fo’oy fo leng kut ole!» Fog faap we ten a nan-gilooxaan, too a njaɓa ke ta layna.

Mberaand 15:3

Abram a layahina yee: «Ci’iraamo o ndaan o leng, o paɗ oxe rimteena no mbind es naru o ref o lam es.»

Mberaand 14:14

Ndak fo ndak, ye Abram a yegna yee o pog um kaa ɓisel took o hup doole, a fokata goor teemeed tadik fo goor xarɓaxay fo goor ɓetuu daduk no we moƴna o njambaar no dag we ten ndimteena no mbind um, soo a daab maad waaga boo Dan.

Mberaand 9:16

A ñang-ee-ñang ale xan a feeñ na eel ake, um ɗeetan ndax um wetandoox ngiɓoor ne na refkaa boo faw a ndeer Roog fo pindel ke na ñoowaa fop took lanq ke.»

Mberaand 17:7

Xam dam ngiɓoor ne a ndeer es fa wo, damin a ndeer es fo xa taan of axe na ndeefankang, reefandin no suk den. Xan a ref ngiɓoor naa na refkaa boo faw, naa um refkaa Roog of fo Roog na xa taan of.

A paɗax ale 22:11

Kaa koy, o paɗ oxaa o saasadax oxe a jikitna xaaliis fo we ndimteena no mbind um itam, a mbaaga o ñaam no ñaamel ke ten.