Mberaand 17:10 - NQAARIIT NE ROOG

¹⁰ Neeke nu ngayitkaa ngiɓoor ne a ndeer es fa nuun fo xa taan of: Oxuu refna o koor a ndeer nuun, fat a xucoox.

Mberaand 17:10 Referans Kwoze

A pi ake 7:8

Maaga, Roog a dalna fa Abraham ngiɓoor, nquc ne a ref o anddiloor um. Neene mat Abraham a xuctu a Isaak fee o ƥeem no ñaal ɓetuu ndadkandeer ne a cinj o rimel um, Isaak a xuc a Yakoob, Yakoob a xuc daan xarɓaxay fo daan ɗik waa.

Filip 3:3

We nqucooxna tigi ndefu in we na mbaɗoortaa a Roog Yiif le ten, in we a tagas in a refna na Kiristaa Yeesu, in weeke ndooneerna yaakaar in no cer.

O leetar ole Pool a bindna GIMU WE NGENNA ROM 3:30

Yaam Roog fa leng soom jegu, ta ref oxe na jofanditkaa we nqucooxna o ngim onqe, a jofanditkaa we nqucooxeerna itam o ngim onqe.

Yosuwe 5:2

Na jamaane faaga, o Yaal oxe a laya a Yosuwe yee: «Sexni capil a ƥil, ndax o xuc suk nqas ne no Ii-isra’el weeke.»

Mberaand 17:11

Nquc ne na refkaa o anddiloor ole a ndeer es fa nuun.

Efees 2:11

Nuun we ndefeerna Yaawuur, nuun o mat we Yaawuur we a nqoyaa xa kaat, soo koy a ne’ooxaa we nqucooxna yaam Roog – keene koy no cer rek a ndayu, a ref o ñaas, o ɓay no kiin a fi’in – nuun boog, fat nu mbetandoox ke nu ndeeƭna yaaga.

Galati 6:12

We andoona yee kaa mbaaƭaa o mbaagir fo wiin we, na seraa a nuun nquc. Keene da mbi’aa fop, kaa mbañaa wiin we a ñaatland a den, yaam ne da ngoolooxna a Kiristaa fee rengeena na kurwaa.

A cangatin ale 30:6

Xan o Yaal oxe Roog nuun a xuc a qeeñ nuun fo ake na xa taan nuun, too xan nu mbex o Yaal oxe Roog nuun na qeeñ nuun fop fo na xa laaw nuun fop. Neene, xan nu ñoow,

Galati 3:28

Jegatee njektir ndeer o Yaawuur fo o tefee o Yaawuur, ndeer o paɗ fa jaambuur, ndeer o koor fo o tew, yaam nuun fop, o leng nu ndefu na Kiristaa Yeesu.

O leetar ole Pool a bindna GIMU WE NGENNA ROM 3:28

I anda yee, o kiin, na pexey o ngim a joftu mbaambir Roog, ndaa refee yaam ne ta reefaa ke kebil ke a simitna.

O leetar ole Pool a bindna GIMU WE NGENNA ROM 3:25

Ten o mat Roog a jilu, ndax no we na ngimkaa, fo’oy um a ref sadax fee na ñufaa a qaw ale Roog yaam pakaad ke. Roog a fi’aan, ndax ta waag o lalit o cofel um, yaam ne andoona yee kaa maad’u o muñaa pakaad ke mbi’’eena yaaga.

O leetar ole Pool a bindna GIMU WE NGENNA ROM 2:28

O Yaawuur tigi refee oxe nandna fo ten, nquc tigi itam refee ke waageena o ga no cer ke.

YEGIL MBAAX NE YEESU ne Saŋ a bindtuuna 7:22

Moyiis a cooxa a nuun nquc – refee koy sax ee no ten a inooru, ndaa no daan maak we – soo nu nqucnaa na bes fee na ñootnax ale.

Yeremi 4:4

Nqucooxanyo o Yaal oxe, nqucoox na qeeñ nuun, nuun wiin we Yudaa fo nuun we ngenna Yeerusaleem, ndik fuux es a biltoox nen fiɗel, a doxaa too waagkaand o ñuf yaam a pi a paaxeer ake nuun.»

Yosuwe 5:4

Yosuwe a war’a o xuc a den, yaam goor Ii-isra’el we ndimit’eena kam a koƥ-a-ƥor alaa fop cinj a sutax alaa den Misira nquc’aand. Goor we na xeet fee fop sutoor’ina Misira a nqucoox’a, ndaa we mbad’ina o ndet na xire fop kaa nqonit’u na ƭat ale kam a koƥ-a-ƥor alaa.

A cangatin ale 10:16

Nqucooxyo na qeeñ nuun boog too mbaas o saƭik xoox.

A sutax ale 12:48

Boo o gataakoon olaa refna no mbind of a bugaxama o roofandan a Colandax ale, o koor oxuu fogna no ƥasil um a ware o xuc. Maaga, xan a waag o matiid, a fog na toofand ale na Colandax ale, too xan a nandat fo xaa fogna na xeet fee Isra’el. O qucooxeer o mat fogkee teen.

A sutax ale 4:25

Sipora a janga o ƥil o mbeelu, a ɗeg o sool no ƥeem, a deɓin na caf Moyiis, a lay ee: «Kaa o ref na mi o kor fo’oy.»

Mberaand 34:15

I mbaagee o njaɓan a nuun keene, a refangee boog kaa nu mbi nen a in, nqucoox, goor we a ndeer nuun fop a nqucoox.

Mberaand 17:23

Abraham a janga a Isma’el fee o ƥeem, fop we ndimteena no mbind um fo we ta jikit’ina xaaliis um, goor we no mbind um fop daal, a xuc a den no ñaal leng kut ne Roog a heblit’uuna o ten.

Mberaand 17:27

Neene, goor we no mbind um fop ndimeena maaga mbaat faɗ we ndimteena maaga mbaat we njikteena xaaliis no saax jan a nqucooxandoora fo ten.

Mberaand 21:4

Abraham a xuca a Isaak fee o ƥeem ye ta jegna bes fa ndakooxiidu, ne Roog a heblit’uuna o ten.

Mberaand 34:22

Kaa koy, wiin weeke njaɓkee o ngen fa in, ndax i ndef xeet fa leng kut a refangee kaa goor we in fop a nqucoox, ne da nqucooxna den fa qoox den.