Mberaand 17:1 - NQAARIIT NE ROOG

¹ Ye Abram a jegna xa kiid qarɓeen ɓetuu nahik fo xa kiid ɓetaa nahaq, o Yaal oxe a feeñooxaan, a layin ee: «Mi refu Roog o Cegu katil oxe. Ñaaƴti o cofel mbaambir es boog!

Mberaand 17:1 Referans Kwoze

Filip 4:13

Waagaam fop yaam oxe na dif’axam.

Efees 3:20

Na pexey katil ne na jalaa na in, Roog a jega sañ-sañ faa ta fi’taa kili kupu ke i nqeɗaa mbaat i nqalaatan sax.

Mberaand 6:9

Keeke refu a kon ake na xa taan axe Nowe. Nowe kaa reeƭu o kiin o cofu o cegee ŋañel na jamaane um, too a ñaaƴooga fa Roog.

YEGIL MBAAX NE YEESU ne Lik a bindtuuna 1:6

Den ɗik fop a njof’a mbaambir Roog, a ndeefaa kebil ke fo bargal ke no Yaal oxe ne waritna.

A kim a tedu ke 116:9

Kaam ñaaƴaa mbaambir no Yaal oxe took lanq ke no ñoow we.

Mace 5:48

Fat nu ñak sik boog ne Faap nuun fee na asamaan a ñakitna sik.»

Esayi 38:3

Kaa layoogu yee: «Ey, o Yaal oxe, wetandooxi yee ñaaƴaam mbaambir of fo ngor fo kam fa letu, too ke feloonga rek fi’oogum.» Cinj kaaga, xa kooniit um a yuura, ta naag ɓusiid a lool.

Ke bindeena no xe ne’eena YOB 1:1

Kam saax laa Uus, a jeg’a o koor o ne’e Yob. O koor oxeene kaa woor’u too a jof. Kaa saɗar’u a Roog soo a wootooxaa paaxeer.

Mberaand 18:14

Ndax a jega kaa xoxna o Yaal oxe. Xam nomtooxiid meen na waxtu feeke mbaan, too xam soƥ Saara a jeg o ƥiy o ngoor.»

A cangatin ale 18:13

Nuun o mat, fat nu ndamoox no Yaal oxe Roog nuun soom.

Mace 19:26

Yeesu a ɗeeta a den, too a lay a den ee: «Wiin we mbaagiran, ndaa Roog o mat, dara xoxiran.»

Yeremi 32:17

‹Ey, o Yaal oxe na refkaa boo faw, wo saktu asamaan fo lanq katil magnu of fo o ɓay o jegu doole le wo. Dara xoxirang.

Mberaand 28:3

Yaasam Roog o Cegu katil oxe a barke’ong, a saqtinong, a mayƭandong, ndax o refat o taan no qeet mayu.

2 Maad we 20:3

«Ey, o Yaal oxe, wetandooxi yee ñaaƴaam mbaambir of fo ngor fo kam fa letu, too ke feloonga rek fi’oogum.» Cinj kaaga, xa kooniit um a yuura, ta naag ɓusiid a lool.

1 Maad we 3:6

Salomo a doonaan ee: «Lalaa o tag of Dawid fee faap es o paaxel of, yaam ne ta ñaaƴoogna mbaambir of fo o woor fo o cofel fo a ƭat. Xañino o paaxel o maak oleene too fi’aa boo o leng na xa ƥeem a moof no uum-maamaad le ten, ne i nga’tuuna xaye.

Mise 6:8

Ha’aa! Woxe kiin, andnooree ke faaxna. Ke o Yaal oxe a bugna na wo refu yee o ñaaƴin a ƭat, fadin o mbeq soo ñaaƴaa fa Roog of kam a neewandax.

Mberaand 35:11

Roog a layaan ee: «Mi refu Roog o Cegu katil oxe. Xam ci’ong xa ƥiy fo xa taan xa mayu. Saax fa xeet fa muum sax xan a mbaqaqoor na wo, maad a sutoor na wo.

Hebre 7:25

Ten taxu, ndiiki Yeesu a waaga o mucil boo faw we na matiidaa a Roog na pexey um, yaam oxe ñoowaa boo xaye, ndax ta xeɗanaa a den a Roog.

Hebre 12:28

Fat i ngidim a Roog boog, yaam i ndaawa maat naa waageerna o yen. Fat i lal a Roog o ngidim onqeene, ten refu i ndagooran naa feluuna. Fat i niwin itam, too njeg no ten caƭar.

A pi ake 24:16

Ten taxu mi itam oo, um jeemaa kili o jeg yiif dalu laa jegeerna ƥanjel mbaambir Roog fo mbaambir no wiin we.

Mberaand 48:15

A barke’a a Yoseef ee: «Yaasam Roog fee Abraham fa Isaak, we daan es a ñaaƴoogna mbaambir um, yaasam Roog fee na gayaxam no kaa xotitna no ñaal naa rimeema boo xaye,

Mberaand 12:1

O Yaal oxe a laya a Abram ee: «Inooxi no saax of, kaam ee o inoox no mbaafaap of, waas mbind faap of, too ret no saax lakas le um lalkang.

Mberaand 5:24

Henok a ñaaƴa fa Roog, cinj kaaga, a naaga mes yaam Roog a yoɗin.

A pi ake 23:1

Pool a naaga jak a kid waa mbog’ina no Mal maak naa, too a lay a den ee: «Fog we, fo yiif dalu ñaaƴtum mbaambir no Yaal oxe boo na bes fee xaye.»

A kim a tedu ke 115:3

Roog in oxaay na asamaan, a fi’aa fop ke ta bugna.

Ke bindeena no xe ne’eena YOB 11:7

Ndax foogaa moos ee waagaa o ɓaal o yaajel ole Roog, fagiɗ o magnel ole no Cegu katil oxe?

1 Maad we 2:4

Yaaga, a woora yee xan o Yaal oxe a fadin a tegit um fa mi, ye ta layna yee: ‹Boo xa taan of a ngayna a pesoorooƭ den, a ñaaƴaa fo o woor mbaambir es na qeeñ den fop fo na xa laaw den fop, ñakkiro muk o leng na den oxaa rondandoonga took uum-maamaad le Isra’el.›

A cangatin ale 10:17

O Yaal oxe Roog nuun refu Roog fee no roog ke, o Yaal oxe no yaal we, Roog fa maak fa njegu doole fa saɗarnooxu fee naageerna o samtirandaa wiin we too jaɓee gerel.

A lim ale 11:23

O Yaal oxe a doona a Moyiis ee: «Ndax a jega kaa xoxaxama? Ndiiki o ga, ndax ke layoonga xan a jeg mbaat jegkee.»

A sutax ale 6:3

Feeñooxaam a Abraham fa Isaak fa Yakoob nen a ‹ROOG O CEGU-KATIL OXE›, ndaa koy, andnooriim a den ke gon es le refna ‹O YAAL OXE› a tekitna.

Mberaand 18:1

O Yaal oxe a feeñooxa a Abraham no kariñ kaa Mamre, a soƥ ta moof paam ndokand ne no ƭiif um njoloor o mbuc. Neeke a feeñoorit’un.

Mberaand 12:7

O Yaal oxe a feeñooxa a Abram, a layin ee: «Saax leeke, xam ci’in xa taan of.» Abram a maxana o Yaal oxe o sadaxand no mbiñ onqe ta feeñoor’uuna.

1 Maad we 8:25

Ndiiki koy, o Yaal oxe Roog fee Isra’el, fadnanahini a Dawid fee faap es refna o tag of ke reg’anoona yee: ‹Boo xa taan of a ndamooxna na mi ne fi’tanoona wo fa xoox of, ñakkiro muk mbaambir es o leng na den oxaa rondandoonga, a moof no uum-maamaad le Isra’el.›

Mberaand 16:16

Abram a jeg’a xa kiid qarɓeen ɓetuu tadik fo xa kiid ɓetaa fo leng ye Agaar a rimanuuna a Isma’el.

Mberaand 5:22

Cinj o rimel ole Metuseela, Henok a ñaaƴa fa Roog xa kiid teemeed tadik, a jeg’a xa ƥiy xa koor fo xa ƥiy xa tew.

Mberaand 24:40

soo ta doonaam ee: ‹O Yaal oxe reefuuma o bug ole ten, xan a heblanong malaaka um, soo a feland a ñaaƈ ale wo. Xan o waaƭanit o ƥees o ngoor onqe o tew no mbaafaap es.

Mberaand 26:2

O Yaal oxe a feeñooxa a Isaak, a layin ee: «Ba o ret Misira. Moofi no saax le um laykang.

Mberaand 43:14

Yaasam Roog o Cegu katil oxe a fi boo o koor oxeene a jeg o liir na nuun, soo a xaƴ o pog faap oxe nuun fa Bensame da nomtooxiid fa nuun! Mi o mat, a soƥangaa yee kaam war o xaajel fo xa ƥees, fat um xaajel fa den.»

Mberaand 46:3

Roog a layaan ee: «Mi refu Roog, Roog fee na faap of, ba o saɗar o ret Misira, yaam maaga um fi’itkang o refat xeet fa maak.

A cangatin ale 30:20

Mbexyo o Yaal oxe Roog nuun, nanan o ñuxur um soo ndamoox no ten, yaam no keene o ñoow nuun fo o xuuɗ-o-ñis nuun a ngaɗooxu, too neene nu mbaagkaa o ngenit kam saax le o Yaal oxe a daaɓooxna fo daan nuun Abraham fa Isaak fa Yakoob ee xan a ci’in a den.»

A kim a tedu ke 25:14

O Yaal oxe kaa feeñlaa we saɗaruuna kunpa um soo a aqatinaa a den ngiɓoor um.

Mberaand 48:3

Yakoob a laya a Yoseef ee: «Roog o Cegu katil oxe a feeñoor’axam Luus no saax laa Kanaan, soo a barke’aam.

A lim ale 24:16

Keeke refu ke um layaa, mi fee na nanaa fa lay fee Roog, ref oxe andna yuuƥ ke no xe Took-ee-took, daawaa peeñax ke no Cegu katil oxe, yenaa leer, soo a kid es a mbetoox.

Xa peƭit axe 10:9

Oxe na fi’aa qoolu kaa ñaaƴaa fo o woor, oxe genna na luq-luq o mat xan a mos o weej.