Mberaand 16:15 - NQAARIIT NE ROOG

¹⁵ Agaar a rimana a Abram o ƥiy o ngoor, soo Abram a ne o ƥiy onqe Isma’el.

Mberaand 16:15 Referans Kwoze

Mberaand 25:12

Weeke ndefu xa taan axe Isma’el fee o ƥiy Abraham fa Agaar fee o Miimisira xe reeƭna o ceefeer Saara.

1 Caloori ke 1:28

Xa ƥiy axe Abraham ndefu: Isaak fa Isma’el.

Mberaand 37:27

Ngaryo i njikooxin Ii-isma’el we, ndaa ba i mbartin xa ƥay in, yaam o ndeɓ in a refu, i mbog fo’oy fo leng kut ole!» Fog faap we ten a nan-gilooxaan, too a njaɓa ke ta layna.

Mberaand 28:9

Naaga, Esawu a reta maa Isma’el. A gilgita maaga, fogreerna fo rew we ta jeg’ina, a Mahalaat fee o ƥiy Isma’el fee o ƥiy Abraham, too a ref itam o cigeen Nebayot.

Mberaand 25:9

Isaak fa Isma’el we xa ƥeem a ngasaan no luf naa refna Makpeela kam o qol olaa jasnoorna fa Mamre, too Efron fee o ƥiy Soxar o Heeheet oxe a jeg’un.

Mberaand 17:20

No kaa farna na Isma’el koy, nanaaxoong, xam barke’in, ci’in xa taan xa mayu. Xan gelwaar xarɓaxay fo gelwaar ɗik a ngat no ten, too xam fi no ten xeet fa maak.

Mberaand 17:18

Cinj kaaga, Abraham a laya a Roog ee: «Ey! Yaasam Isma’el a ñoow mbaambir of!»

Mberaand 16:11

Malaaka fee no Yaal oxe a ɓaata teen ee: «Me ta refna o fud saqo. Xan o ñoot o ƥiy o ngoor, too fat o ne’in Isma’el, yaam o Yaal oxe a nana xa iin of.

Mberaand 16:14

Ten taxu a ngas alaaga a ne’el Laxay-Ro’i, tekitna a ngas ale no xe na ñoowaa too a ga’aa. A ngas alaa oxe refa a ndeer Kades fa Bered.

Mberaand 16:16

Abram a jeg’a xa kiid qarɓeen ɓetuu tadik fo xa kiid ɓetaa fo leng ye Agaar a rimanuuna a Isma’el.