Mberaand 15:9 - NQAARIIT NE ROOG

⁹ Maaga, o Yaal oxe a layaan ee: «Jangi o nqeel fo fambe fo suk mbaal too oxuu refna na den a jeg xa kiid xa tadaq fo a qodoxoñ fo a nuukuur a teɓ, o ɓoxotaam a den nen sadax.»

Mberaand 15:9 Referans Kwoze

YEGIL MBAAX NE YEESU ne Lik a bindtuuna 2:24

Kebil ke no Yaal oxe a simta itam ee da sadaxit a qoɗoxoñ a ƭak mbaat a nuukuur a teɓ a ƭak.

A paɗax ale 14:30

Cinj kaaga, fat a ɓoxot a leng na qoɗoxoñ ake mbaat a leng na nuukuur a ƭak ake ta jegna,

A paɗax ale 14:22

Fat a waaƭ itam a qoɗoxoñ a ƭak mbaat a nuukuur a ƭak, kuu ta jegna teen rek, a leng ale a ref sadax fa mbaasnoor pakaad, a lakas ale a ref sadax fa ndoxel.

A paɗax ale 9:2

A laya a Aaroon ee: «Xoti o nqoox onqaa na ɓoxotkeel nen sadax fa mbaasnoor pakaad fo suk mbaal laa warna o ref sadax fa ndoxel, a ñak sik den ɗik fop, soo o ɓis a den mbaambir no Yaal oxe.

A paɗax ale 3:6

Boo o kiin a sadaxtaa njegel naa hatna no ged, ta ref ngoor mbaat ndew, nen sadax fa njamsa’oor no Yaal oxe, fat a ref naa jegeerna sik fa leng.

A paɗax ale 3:1

«Boo o kiin a ɓoxotaa o Yaal oxe njegel naa hatna no siir nen sadax fa njamsa’oor, ta ref ngoor mbaat ndew, fat a sadaxit mbaambir no Yaal oxe naa jegeerna sik fa leng.

A paɗax ale 1:14

Boo ci’it um a refna sadax fa ndoxel faa refna ndiiƭ, a wara o ref a qoɗoxoñ mbaat a nuukuur.

Esayi 15:5

Kam es kaa fag yaam Mowaab. We ƥostooxna no ten a ƈufa boo Sowaar fa Eglat-Selisiya. Kaa da ŋaayaa na teeru faa Luhit, a loolaa, soo na ƭat ale Horonayim da njibnaa xa paɗax.

A kim a tedu ke 50:5

«Mbokatanaamoo dag es we ndamooxna na mi, a ngiɓoor fa mi na pexey sadax fee.»

A paɗax ale 12:8

A soƥangaa yee o tew oxeene jegee kaa ta waaƭitna o mbaal, fat a ɓisiid a qoɗoxoñ a ƭak mbaat a nuukuur a ƭak, a leng ale a ref sadax fa ndoxel, a lakas ale a ref sadax fa mbaasnoor pakaad. Fat o saasadax oxe a jofoorandin fa mi, too xan a xool.»

A paɗax ale 9:4

Fat da ƥisiid itam nqoox fo suk mbaal, ndax da sadaxit a den mbaambir no Yaal oxe nen sadax fa njamsa’oor, a yoonandtin sadax tuufe-duufe kaa mbosolteena diwliin, yaam xaye fee xaye sax o Yaal oxe a feeñoox a nuun.»

A paɗax ale 1:10

Boo ci’it um a refna sadax fa ndoxel faa hatna no ged um, ta ref no paal ke mbaat no pambe ke, a wara o ref suk laa jegeerna sik fa leng.

A paɗax ale 1:3

Boo ci’it um a refna sadax fa ndoxel faa hatna no siir um, fat a ref ngoor naa jegeerna sik fa leng. Fat a ɓisin no ndokand ne no Ƭiif ne o Yaal oxe a xetteel, ndax ta fel o Yaal oxe.

Mberaand 22:13

Abraham a wiƈaqilooxa, soo a ga a cinj um suk mbaal laa xa can axe a njomna kam ngol. Abraham a reta, a xot suk mbaal le, a ɓoxotin nen sadax fa ndoxel na seek no ƥeem.

Mberaand 15:8

Abram a doonaan ee: «O Yaal oxe na refkaa boo faw, o anddiloor olum o cooxkaxam ndax um and ee mi na jegkaa saax lene?»

Mberaand 15:10

Abram a janga cegel kaaga fop, a ɗeg a den a ndeer soo a fi o ɗeg oluu refna a jasnoor fo o lakas ole. Kaa koy, ɗeg’ee tiiƭ ke.

A paɗax ale 12:6

Boo pes ke no ƥogdinax um a mbaafna, ta ref no ƥiy o ngoor onqe mbaat no ndew onqe, fat a ɓisiid me no saasadax oxe, no ndokand ne no Ƭiif ne um xetteel, o njuk mbaal onqaa jegna o hiid, ta ref sadax fa ndoxel fo a nuukuur mbaat a qoɗoxoñ, ta ref sadax fa mbaasnoor pakaad.

A kim ale na kim ake 2:12

Piɗ ke a mbeeña kam saax le, waxtu a kim a fad, o ñuxur ole na qoɗoxoñ ale a nannoox kam saax le in.