Mberaand 15:8 - NQAARIIT NE ROOG

⁸ Abram a doonaan ee: «O Yaal oxe na refkaa boo faw, o anddiloor olum o cooxkaxam ndax um and ee mi na jegkaa saax lene?»

Mberaand 15:8 Referans Kwoze

YEGIL MBAAX NE YEESU ne Lik a bindtuuna 1:18

Sakari a laya malaaka fee yee: «Nam um anditkaa keene? Kaam nogoy, too o tees itam a maaka.»

YEGIL MBAAX NE YEESU ne Lik a bindtuuna 1:34

Maaga, Mari a laya malaaka fee yee: «Nam keene a waagu o jegit, too andiim adna?»

Esayi 7:11

«Xeɗi o Yaal oxe Roog of ta ci’ong o anddiloor olaa inoorna jaaniif mbaat na asamaan.»

2 Maad we 20:8

Hiskiya a laamta a Esayi yee: «O anddiloor olum na woorinkaxam ee xan o Yaal oxe a wodandaam bo um waag o retahin a lakra no Mbind naa no Yaal oxe?»

A kim a tedu ke 86:17

Lalaam o anddiloor olaa malaxama. Wo o Yaal oxe, fat we sibaxama a sed, yaa da nga’kaa yee muclaxamo too yaalaam!

Mberaand 15:9

Maaga, o Yaal oxe a layaan ee: «Jangi o nqeel fo fambe fo suk mbaal too oxuu refna na den a jeg xa kiid xa tadaq fo a qodoxoñ fo a nuukuur a teɓ, o ɓoxotaam a den nen sadax.»

Mberaand 28:4

Yaasam Roog a ci’ong barke fee Abraham, wo fo xa taan of, ndax o jegik saax le refoona o gataakoon, too ta ci’in a Abraham.»

Mberaand 50:24

Yoseef a laya fog faap we ten ee: «Andaam ee ndiiki um dab daan es. Kaa koy, a woora yee xan Roog a ƴufgiid a nuun, soo a sut a nuun no saax lene, a ɓis a nuun no saax le ta daaɓooxna yee xan a ci’in a Abraham fa Isaak fa Yakoob.»

Yeremi 34:18

Kelfa ke Yudaa fo ke Yeerusaleem, cawdiin ke, saasadax we fa xeet fee no saax le fop a ndalin’a fa mi ngiɓoor neene, a ƭeg o xeel a ndeer soo a ndeef ndeer xa ƭeg axe ten. Kaa koy, cinj kaaga, a ƭapa ngiɓoor ne too mbadnee ke dalneena teen.