Mberaand 15:7 - NQAARIIT NE ROOG

⁷ O Yaal oxe a layahinaan ee: «Mi refu o Yaal oxe suttoonga na teeru faa Uur fee no Kaakalde we ndax um ci’ong saax lene o jegkin.»

Mberaand 15:7 Referans Kwoze

Mberaand 12:1

O Yaal oxe a laya a Abram ee: «Inooxi no saax of, kaam ee o inoox no mbaafaap of, waas mbind faap of, too ret no saax lakas le um lalkang.

O leetar ole Pool a bindna GIMU WE NGENNA ROM 4:13

Yaaga boog, refee yee yaam ne Abraham a reefna kebil ke taxu Roog a regin lam ne na adna fee, ten fo xa taan um. Roog kaa reg’un o ten yaam o cofel ole na pexey o ngim um.

A kim a tedu ke 105:44

A cooxa a den lanq ke na saax ake, da muudoor jale no qeet lakas ke,

A kim a tedu ke 105:42

A wetandooxa fa lay fa tedu um fee ta lay’ina fa Abraham fee o tag um.

A kim a tedu ke 105:11

ye ta layna yee: «Xam cooxong lanq ke Kanaan, o jegkin, wo fo xa taan of,

Mberaand 12:7

O Yaal oxe a feeñooxa a Abram, a layin ee: «Saax leeke, xam ci’in xa taan of.» Abram a maxana o Yaal oxe o sadaxand no mbiñ onqe ta feeñoor’uuna.

Mberaand 28:4

Yaasam Roog a ci’ong barke fee Abraham, wo fo xa taan of, ndax o jegik saax le refoona o gataakoon, too ta ci’in a Abraham.»

Mberaand 50:24

Yoseef a laya fog faap we ten ee: «Andaam ee ndiiki um dab daan es. Kaa koy, a woora yee xan Roog a ƴufgiid a nuun, soo a sut a nuun no saax lene, a ɓis a nuun no saax le ta daaɓooxna yee xan a ci’in a Abraham fa Isaak fa Yakoob.»

A cangatin ale 9:5

Refee muk ee nu njarin mbaat a qeeñ a cofu nuun taxu nu njang saax le den, njegkin. Coxod ne no qeet keene mat fo ke o Yaal oxe Roog nuun a daaɓoox’ina fo daan nuun Abraham fa Isaak fa Yakoob taxu ta raxit a den mbaambir nuun.

A sutax ale 32:13

Wetandooxi a Abraham fa Isaak fa Isra’el, dag we wo daaɓooxoona wo fa xoox of ee: ‹Xam saqtin xa taan nuun, da mayit nen xa qoor axe na asamaan, coox a den saax le regtuuma, da njegkin boo faw.› »

A lim ale 33:53

Fat nu njaɓ saax le soo ngen teen, yaam ci’aanum a nuun, ndax nu njegkin.

A cangatin ale 3:18

Na jamaane faaga, lay’aam a nuun ee: ‹O Yaal oxe Roog nuun a ɓoxota a nuun saax lene, ndax nu njegkin. Ndiiki koy, nuun goor we mbaagna o ndet na xire fop, mbapooxanyo a ñoq, njoot a Yordaan soo adooxan fog nuun Ii-isra’el we.