Mberaand 15:2 - NQAARIIT NE ROOG

² Abram a doonaan ee: «O Yaal oxe na refkaa boo faw, xar o ci’kaxam? Mexey retaa too o ƥiy reefiraam, o laalam mbind es a refkaa a Eliyeseer fee genna Damaas.»

Mberaand 15:2 Referans Kwoze

A pi ake 7:5

Roog ci’iran dara kaa ta warna o jeg no saax le mbaat maa ta doonna o jaf um sax. Kaa koy, a regaan ee xan a ci’in o ten, xa taan um a njegkin a cinj um. Yaaga Abraham jeg’ee o ƥiy sax.

Mberaand 25:21

Isaak a xeɗooxana o teem me no Yaal oxe yaam ne ta reeƭna o timar. O Yaal oxe a jaɓa a qeƭ um, soo Rebeka a rok o fud.

Esayi 56:5

xam ci a den kam tabax ke no Mbind ne mi a seek fo gon laa moƴna xa ƥiy xa koor fo xa tew. Xam coox a den gon laa ñufkateerna boo muk.

Xa peƭit axe 17:2

Surga fa njegu yiif kaa kelfa’aa o ƥiy o ngoor onqe na gaci’nooraa too xan a jeg a las no lam ne na xa ƥiy axe.

A kim a tedu ke 127:3

Xa ƥiy kaa ndef ci’it no Yaal oxe, o rim ole hatna no laaw ke a ref barke fa ngatu no ten.

1 Sami’el 1:11

A regta too a lay ee: «O Yaal oxe, wo fee Hupna fop, a soƥangaa yee a kid of a ndoonooxa took es, mi fee naqadilooxna, ƴufgaam. O weecangiraam, mi fee o ceefeer of, ci’aam o ƥiy o ngoor, yaaga xam kesanong o ten no ñoow o ñis um fop, too ruusooxkee boo muk.»

Mberaand 44:1

Yoseef a hebla a jawdiin fee no mbind um ee: «Soɗi xa saaku xe no wiin weene ñoowir boo podnaa da mbaagna o yip, soo o fi xaaliis fee no xuu refna no don ole no saaku um.

Mberaand 43:19

A matiida a jawdiin fee no mbind Yoseef, a laytin na carind ale no mbind ne yee:

Mberaand 24:10

O tag oxe a xota keeleemb xarɓaxay no keeleemb ke no yaal mbind um, soo a ret no saax laa Mesopotami na teeru faa Nakoor. A ɓislooxa itam halal fa mayu na halal fee no yaal mbind um. A inooxa, a ret.

Xa peƭit axe 13:12

Yaakaar miñu kaa ɗomaa xeeñ, o bug ole fadnooxna mat a ref ndaxar o ñoow.

Mberaand 39:9

Ten fa xoox um sax hupatiraam no mbind nene, too fañtiraam dara bo ta yoqaa wo, yaam o teem refo. Nam waagum boog o fi’it paaxeer nandu neene, soo tooñ a Roog?»

Mberaand 24:2

Abraham a laya o tag oxe ten moƴ’ina o miñ no mbind um, too a topatooxaa o jeg ole ten ee: «Dooni o ɓay of ɗuga a ñaal es,

Mberaand 14:15

A xaaja a yaj ale ten, ndax ta song maad weene o yeng, ten fo dag we ten. A xawa a den, soo a daabaa a den boo Hoba fee garitna no ɓemb-roog o janoon ole Damaas.

Mberaand 15:1

Ye keene a faafna, o Yaal oxe a daawna a Abram fa lay um no ƭaaɗ ee: «Abram, ba o saɗar! Mi fa xoox es refu pegoor of, too saɗig of xan a magin tigi.»

Mberaand 15:3

Abram a layahina yee: «Ci’iraamo o ndaan o leng, o paɗ oxe rimteena no mbind es naru o ref o lam es.»

Esayi 17:1

Ke na dalkaa a Damaas: Te paam rek, Damaas limitkataand no teeru ke, yaam xan a refat ƭaaq ƥor.

Yeremi 49:23

Ke yegniteena na Damaas: «Hamat fa Arpad a seda ɓot, yaam a yega o nan o faaxeer. Kaa sendaa yaam a njaq, nen o maag o jumbu laa waageerna o riim.

Ruut 2:6

O tag oxe yetooxoogna saasaxad we a doonaan ee: «O toog o Moomowaab oxe yooniidna fa Nowemi ye ta gataa Mowaab oo.