Mberaand 15:18 - NQAARIIT NE ROOG

¹⁸ A koom o Yaal oxe a dalna ngiɓoor fa Abram ee: «Saax leeke, ci’aanum xa taan of no ke xotitna no xuluɓ olaa Misira boo no xuluɓ o maak olaa refna ref Ofrat,

Mberaand 15:18 Referans Kwoze

Mberaand 12:7

O Yaal oxe a feeñooxa a Abram, a layin ee: «Saax leeke, xam ci’in xa taan of.» Abram a maxana o Yaal oxe o sadaxand no mbiñ onqe ta feeñoor’uuna.

Mberaand 24:7

O Yaal oxe Roog fee na asamaan suttaxama no mbind faap es fo no mbaafaap es, a layaam fo a taaƥ ee: ‹Saax lene xam ci’in xa taan of!› ten fa xoox um xan a heblanong malaaka um ta adooxanong. Maaga boog, o waaƭanitkaa o ƥees o tew.

Mberaand 13:15

Saax le o ga’aa, xam ci’ong o ten, wo fo xa taan of boo faw.

Esayi 27:12

A koom, xan o Yaal oxe a bac xa yaƥ axe, no kaa xotitna no xuluɓ ole Ofrat boo na ƈufnand alaa Misira, soo nuun Ii-isra’el we, nu ngiseel o leng o leng.

Nehemi 9:8

Ga’aa yee xeeñ um a damooxa na wo, too dalnaa fo ten ngiɓoor, regin ee xan o coox xa taan um saax le no Kaakanaan we, Heeheet we, Aa-amori we, Peeperisi we, Yeeyebus we fo Giigirgasi we. Fadnaa a tegit of, yaam kaa o jof.

A cangatin ale 11:24

O mbiñ onquu xa caf axe nuun a ndakna, xan nu njegkin. O ŋat ole nuun xan a xotit na koƥ-a-ƥor alaa no ɓemb-roog o ñamaak boo na xa coong axaa Libaŋ no ɓemb-roog o janoon fo no xuluɓ olaa Ofrat no batand boo no maag olaa Mediterane no mudand.

A lim ale 34:5

Fat a jangit Asmon, a wirlooxahin farna fa ƈufnand alaa Misira, ndax ta saltik no maag olaa Mediterane.

Hebre 13:20

Roog a xontooxnoora o Yaal in Yeesu a ndeer no xon we. O ten refu o kaynaak o maak oxe na gayaa paal um, yaam ne ta ɓoxotooxna nen sadax na pexey fo’oy um. Fo’oy leene o mat sinju ngiɓoor mbooru ne faafkeerna. Yaasam Roog fee mayna fa jam a ci a nuun doole faa nu mbi’taa paax, ndax nu mbadin ke ta bugna. Yaasam ta fi na in ke feluuna na pexey Yeesu Kiristaa. Kaam ee, yaasam o Yaal oxe Yeesu a ɓoxotel o ndam boo faw. Amiini.

Yeremi 32:40

Xam dalin fa den ngiɓoor naa na refkaa boo faw, neene feskatiim a den a cinj, ndaa xam fi’an a den paax, ɓek na qeeñ den o saɗaraam, ndax saytoorkatee fa mi.

2 Caloori ke 9:26

Salomo doon’u o ɓay no maad we fop nqotitna no xuluɓ olaa Ofrat, a gar no ŋat ole no saax le no Fiifilista we boo no ŋat olaa Misira.

A cangatin ale 34:4

Maaga, o Yaal oxe a layaan ee: «Keene refu saax le daaɓooxuuma fa Abraham fa Isaak fa Yakoob ee xam ci’in xa taan den. Lalaaxoong o ten na kid of, ndaa rokkiro teen.»

A sutax ale 23:23

Boo malaaka es a adooxanna a nuun, ndax ta ɗox a nuun maa no Aa-amori waa, maa no Heeheet waa, maa no Peeperisi waa, maa no Kaakanaan waa, maa no Hiihiwi waa fo maa no Yeeyebus waa, xam saŋik qeet keene.

Mberaand 26:4

Xam mayƭand xa taan of, da mayit nen xa qoor axe na asamaan. Cooxe kene fop, xam ci’in xa taan of, too qeet ke no lanq ke fop na xa taan of a mbarke’itkeel,

A kim a tedu ke 105:11

ye ta layna yee: «Xam cooxong lanq ke Kanaan, o jegkin, wo fo xa taan of,

Yosuwe 15:4

A suura boo Asmon, a xetik fo a ƈufnand alaa Misira soo a saltik no maag olaa Mediterane. Keene refu me o ŋat ole na carind ale Yudaa a reefna no ɓemb-roog o ñamaak.

A cangatin ale 7:1

«Yaa o Yaal oxe Roog nuun a rokinkaa a nuun no saax le nu njangkaa ndax nu njegkin, xan a rax mbaambir nuun qeet mayu keeke: Heeheet we, Giigirgasi we, Aa-amori we, Kaakanaan we, Peeperisi we, Hiihiwi we fo Yeeyebus we, da ndef qeet ɓetuu ƭik kaa moƴna o may a nuun, a moƴ o njeg a nuun doole.

Mberaand 50:24

Yoseef a laya fog faap we ten ee: «Andaam ee ndiiki um dab daan es. Kaa koy, a woora yee xan Roog a ƴufgiid a nuun, soo a sut a nuun no saax lene, a ɓis a nuun no saax le ta daaɓooxna yee xan a ci’in a Abraham fa Isaak fa Yakoob.»

Mberaand 35:12

Xam ci’ong saax le ci’uuma a Abraham fa Isaak, too xam ci’in xa taan of.»

Mberaand 28:4

Yaasam Roog a ci’ong barke fee Abraham, wo fo xa taan of, ndax o jegik saax le refoona o gataakoon, too ta ci’in a Abraham.»

A sutax ale 34:11

Mbootooxyo o ƭap ke um hebilkaa a nuun xaye. Xam rax mbaambir nuun Aa-amori we, Kaakanaan we, Heeheet we, Peeperisi we, Hiihiwi we fo Yeeyebus we.

A sutax ale 6:4

Dalnaam ngiɓoor fa den, ndax um coox a den saax le Kanaan, saax le da ngenoogna, a ndef teen xa kataakoon.

A sutax ale 3:8

Kaam fudooxiid, ndax um wat a den na xa ƥay axe no Miimisira we, sut a den no saax leeke, ɓis a den no saax faax yaaju laa fo sis fo suum a ndaxritaa, me Kaakanaan we fo Heeheet we fo Aa-amori we fo Peeperisi we fo Hiihiwi we fo Yeeyebus we a ngenna.

1 Caloori ke 5:9

No batand naa, a ngena boo me a koƥ-a-ƥor alaa retna boo no xuluɓ ole Ofrat a feritna, yaam kaa njeg’u xa siir fo a ked a mayu kam o jegel oleene na xoyeel Galaad.

2 Sami’el 23:5

Neene mbind es a nandu mbaambir Roog. A dalna fa mi ngiɓoor naa na refkaa boo faw, a saƭik too a woor. Ten na saxnaa a muc es fop fo o bug es fop.

Mberaand 2:14

A kal a tadkandeer ale ne’e Tigere, ten sagu no batand naa Asuur. A kal a nahkandeer ale koy refu Ofrat.

Esayi 55:3

Ndungyo nof nuun too ngar me mi. Nan-gilooxyo, too xan xa laaw nuun a ñoow. Xam dalin fa nuun ngiɓoor naa na refkaa boo faw, ci a nuun yirmande es, ne regtit’anuuma a Dawid.

2 Sami’el 8:3

Dawid a xawa a Hadadeseer fee maadooxoogna Cooba kam Araam too a ref o ƥiy Rehob, ye oxeene a bugna o jangatin o jegel ole no xuluɓ ole Ofrat.

A pi ake 7:5

Roog ci’iran dara kaa ta warna o jeg no saax le mbaat maa ta doonna o jaf um sax. Kaa koy, a regaan ee xan a ci’in o ten, xa taan um a njegkin a cinj um. Yaaga Abraham jeg’ee o ƥiy sax.

Mbeeñil 9:14

O ñuxur ole a hebla malaaka ɓetuu fa lengandeer fee saqna a luuƥ ale yee: «Wokti malaaka nahik ke ngumeena paam o xuluɓ ole Ofrat.»

A sutax ale 6:8

Xam rokin a nuun no saax le regtuuma, daaɓooxuuma o coox a Abraham fa Isaak fa Yakoob. Xam ci’in a nuun, nu njegkin. Mi yoo, mi o Yaal oxe.»

A sutax ale 13:11

Yaa o Yaal oxe a rokinkaa a nuun kam saax le no Kaakanaan we, ne ta daaɓoortuuna yee xan a cooxin a nuun, nuun fo daan nuun,

A sutax ale 32:13

Wetandooxi a Abraham fa Isaak fa Isra’el, dag we wo daaɓooxoona wo fa xoox of ee: ‹Xam saqtin xa taan nuun, da mayit nen xa qoor axe na asamaan, coox a den saax le regtuuma, da njegkin boo faw.› »

A cangatin ale 12:20

Yaa o Yaal oxe Roog nuun a ɗaaykaa xa ŋat axe nuun, ne ta regtuuna a nuun, soo o sooɓel a tegeƴ a tax nu lay ee: ‹Kaa i sooɓel a tegeƴ.› Xan nu mbaag o ñaam a tegeƴ, ne nu sooɓteena o ten.

A cangatin ale 19:8

Xan o Yaal oxe Roog nuun a ɗaay xa ŋat axe no saax nuun, ne ta daaɓoortuuna. Xan a ci a nuun saax le fop ta daaɓoox’ina fo daan nuun ee xan a ci’in a nuun,

2 Caloori ke 7:8

Naaga, Salomo a roofanda xew faaga boo ñaal ɓetuu ƭik, a yoon fo Ii-isra’el we fop. Mbokatax maak a inoortiid’a no saax le fop, ke xotitna no ndokand naa Hamat no ɓemb-roog o janoon boo na ƈufnand alaa Misira no ɓemb-roog o ñamaak.

2 Caloori ke 8:7

A maad’a o jegaa kam saax le Isra’el Heeheet, Aa-amori, Peeperisi, Hiihiwi fo Yeeyebus. Weene fop koy, ndeeƭee Ii-isra’el.

Esdaraas 4:20

A jeg’a kam Yeerusaleem maad jegu doole waa maadooxoogna no jegel ole no mudand ne no xuluɓ ole Ofrat fop too a ndabdoogel a bateer, juuti fo a ñaaƈ.

A sutax ale 2:24

Ye Roog a nanna xa iin axe den, a wetandooxa ngiɓoor ne ten fa Abraham fa Isaak fa Yakoob.

A sutax ale 34:24

Xam rax qeet ke mbaambir nuun, riƈat xa ŋat axe, too o leng jeemkee o jaɓ saax nuun na caf a tadak akeene nu ŋaaykaa no hiid oluu watna, ndax nu ngeenoox mbaambir es, mi fee o Yaal oxe Roog nuun.

A paɗax ale 26:42

xam wetandoox ngiɓoor ne mi dalnuuma fa Yakoob fa Isaak fa Abraham, we daan den, wetandoox itam a tegit ale mi no kaa farna no saax den.

A paɗax ale 26:45

Xam wetandoox a den, wetandoox itam ngiɓoor ne dalnuuma fo daan den yaaga, ye suttuuma a den no saax laa Misira mbaambir qeet lakas ke, ndax um ref Roog den. Mi refu o Yaal oxe.»

Yosuwe 13:3

a xotit na ƈufnand alaa Siihoor no ŋat olaa Misira boo no ŋat olaa Ekron no ɓemb-roog o janoon, ɗeeteena nen o jeg no Kaakanaan we, too gelwaar ɓetuk we no Fiifilista we a ngen teen. Weene ndefu oxe Gaasa, oxe Asdod, oxe Askalon, oxe Gaat fo xe Ekron. A jega itam o fiisel ole no Aa-awi we

1 Maad we 5:1

Salomo doon’u o ɓay no maat ke fop nqotitna no xuluɓ olaa Ofrat, a gar no saax le no Fiifilista we boo no ŋat olaa Misira. Maad we no maat keene fop a ƥisiidooga a Salomo ci’it, a ƥoxotoox no ten no ñoow o ñis um fop.

1 Caloori ke 16:16

Ten refu ngiɓoor ne ten fa Abraham, soo a woornitin a Isaak fo a taaƥ.

Yeremi 32:22

Ci’aa a den saax lene, daaɓoox’oona fo daan in ee xan o ci’in a den, saax laa fo sis fo suum a ndaxritaa.