Mberaand 15:17 - NQAARIIT NE ROOG

¹⁷ Ye njeeƈ ne a mudna, tige a fi’a o niɓaan o ɗomu. Maaga, ndoxan saasu naa na suunaa fo a laalaam fiɗel a ndeefa a ndeer cegel ƭege ke.

Mberaand 15:17 Referans Kwoze

Haahate we 6:21

Malaaka fee no Yaal oxe a letna o loq ole ta pokoox’ina, a cuqtin a tegeƴ ake fo puuru ke. Maaga, fiɗel a naagta jirdit no ɓil laa, a dox a tegeƴ ake fo puuru ke bo dee riw, soo malaaka fee no Yaal oxe a naagin mes.

Yeremi 11:4

Dalnanaam a den daan nuun a koom alaa suttuuma a den no saax laa Misira, a kaleera cawir celem ale, lay ee: Nan-gilooxyo o ñuxur es too mbi fop ke dalnanuuma a nuun, yaaga xan nu ndef xeet es, soo um ref Roog nuun.

1 Caloori ke 21:26

A maxana maaga o Yaal oxe o sadaxand, soo a ɓoxot sadax toxel fo sadax camsa’oor. Cinj kaaga, a xeɗa o Yaal oxe, soo ta jaɓ a qeƭ ale ten, a heblitiid fiɗel na asamaan, ta dox sadax fee took o sadaxand ole.

Esayi 62:1

Yaam o mbeq onqe jeguuma na wo, wo Siyoŋ, maarkiim o don es, yaam o mbeq onqe jeguuma na wo, wo Yeerusaleem, moofkiim fañ o fi dara, boo yaa o cofel of a feeñkaa nen mbeet, soo a muc of a meleƈ nen o jam.

2 Sami’el 22:9

Fo suun a sutoora no ñis um, fiɗel laa na raaɓaa a sutoor no don um, a yoon fo a kaagaañ a sumu jip.

Haahate we 13:20

ƈulfaan a yoɗoora took o sadaxand ole, a sag na asamaan, soo malaaka fee no Yaal oxe a yoɗoorit kam ƈulfaan ne no sadaxand ole. Yaa Manowa fo o teem a nga’na kaaga, a ngunga a lanq.

A cangatin ale 4:20

Nuun o mat, o Yaal oxe kaa dam a nuun o ɓay, a sutit a nuun Misira, o saasnand njelem oleene, ndax nu ndef xeet faa ta jegoodna, ne nu ndeftuuna xaye.

Mberaand 15:10

Abram a janga cegel kaaga fop, a ɗeg a den a ndeer soo a fi o ɗeg oluu refna a jasnoor fo o lakas ole. Kaa koy, ɗeg’ee tiiƭ ke.

A sutax ale 19:18

O joong olaa Sinayi kaa suunoogu naa ta fodeena fop, yaam o Yaal oxe kaa fudoox’u taaga kam fiɗel. Fo suun olaaga kaa yoɗoortoogu nen fo suun ndoxand, too o joong olaa fop kaa sendoogu fa doole.

1 Maad we 18:38

Maaga, o Yaal oxe a fudnitiida na asamaan fiɗel, ta dox sadax fee, xa cuuƭ axe, a ƥil ake boo no lanq ke ndeeƭna ɗuga fee soo a ŋeerin foofi le na ƥaaxaand ale.

A sutax ale 20:18

Xeet faa fop a nanooga ƭuuɗ ke fo a luuƥ ale njiboogna. A nga’ooga itam xa kiiñaand axe fo o joong ole suunoogna. Kaaga a tax’a xeet fee fop a sendaa, a mbod koƭu.