Mberaand 15:15 - NQAARIIT NE ROOG

¹⁵ Wo o mat, xan o dab daan of na jam, gasel a cinj yaa nogoyoona nogoy mbelu.

Mberaand 15:15 Referans Kwoze

Ke bindeena no xe ne’eena YOB 5:26

Xan o ɗisel xa puum soo xonkaa, ne ngaaf a saxadteel na waxtu um.

2 Caloori ke 34:28

Xam dabnoorong daan of, o gasel na yelem na mboy of, too ga’kiro taamaala fee um ɓisiidkaa no mbiñ onqene fo took we ngenna teen.› » We lul’eena a ndeta, a njangtoox o maad oxe o doonanqol oleene.

A lim ale 27:13

Xan o ga’in, cinj kaaga, o dab daan of nen a Aaroon fee o maag of,

Dañel 12:13

Ndiiki koy, wo Dañel, reti na jam boo yaa muukandoong ne a garkaa. Xan o ñootnoox too xan o inoox, jang a las of no muukandoong adna.› »

A pi ake 13:36

Dawid a fi’a ke o Yaal oxe a bugna na jamaane um. Cinj kaaga, a xona, a gasel paam daan waa ten, too a fota.

O baawaare xe 12:7

boo cer ke a ngelko fo nomtooxaa no lanq ke da ngat’ina, soo o ñoow ole a nomtoox maa Roog fee ci’it’uuna.

Ke bindeena no xe ne’eena YOB 42:17

Yob a ñoow’a boo a deyƭoox soo a xonkaa.

1 Caloori ke 29:28

Dawid a xona ye ta nogoyna tigi, too a may’a halal fo o ndam. O ƥeem Salomo a rondandaan no maat naa.

Haahate we 2:10

Cinj kaaga, suk naaga fop a ndaba daan den itam, soo suk lakas naa andeerna o Yaal oxe, ne’atiim ke ta fi’anna a Isra’el, a ndeefan a den.

Mberaand 49:29

Cinj kaaga, a hebla a den ee: «Yaa um dabkaa daan es, fat nu ngaskaam maa no daan es no luf naa refna no qol olaa Efron o Heeheet oxe.

A lim ale 20:24

«No miñeer, xan Aaroon a dab daan um. Rokkee no saax le um ci’kaa Ii-isra’el we, yaam kaa nu nanaƭaranit kebil es Meriba me foofi le a balit’ina.

Mberaand 35:29

A xona a cinj ye ta nogoyna tigi, a dab daan um, soo Esawu fa Yakoob we xa ƥeem a ngasin.

Mace 22:32

‹Mi refu Roog fee Abraham fa Roog fee Isaak fa Roog fee Yakoob.› Roog refee Roog fee no xon we, ndaa Roog fee no ñoow we.»

O baawaare xe 6:3

O koor a jeg’angaa xa ƥiy teemeed soo a doon teen a xuuɗ-o-ñis, kuu xa yeng axe no ñoow um a mayna may fop oo, too jegee ne feluuna mbaat o gasanqol o faax, kaam ee o fud o watu moƴun o ɗaay.

A kim a tedu ke 37:37

Horooxi o kiin oxe ñakna ƥanjel, ɗeet a paax o booru xe, yaam o kiin jam muj fa mbaax rek a jegaa,

1 Caloori ke 23:1

Ye Dawid a nogoyna tigi, a dalna o ƥeem Salomo o maad kam Isra’el.

Mberaand 50:13

Xa ƥiy axe ten a ƥisaan no saax laa Kanaan, soo a ngasin no luf naa no ɓil laa kam o qol olaa refna Makpeela paam Mamre. Abraham jikit’u o qol olaaga na Efron, o Heeheet oxe, ta refat o jeg um olaa ta fi’na poy.

Mberaand 49:31

Maaga mat Abraham fa Saara fee o teem a ngase, Isaak fa Rebeka fee o teem a ngasel maaga, too maaga gasum a Leya.

Mberaand 23:19

Cinj kaaga, Abraham a gasa a Saara fee o teem no luf naa no qol olaa refna Makpeela jasnoorna fa Mamre refna Hebron no saax le Kanaan.

Mberaand 23:4

«Kaam refat o gataakoon olaa genatna a ndeer nuun, ci’aamoo a mboy alaa gasuuma o qon oxe mi bo ta waag o mo a kid es.»

Mberaand 47:30

Yaa um dabkaa daan es, fat o sutit o dal ole mi Misira, gaskaam maa no daan es.» Yoseef a doonaan ee: «Xam fi’anong ke layoona.»

A cangatin ale 31:16

O Yaal oxe a laya a Moyiis ee: «Ndiiki, xan o dab daan of, too xan xeet feeke a inoox, a ngore’aƭar na mi, a ƭeg ngiɓoor es fa den. Xan a mbaasaam, a mbaɗooxaa roog lakas ke kam saax le da ndokkaa.

A kim a tedu ke 49:19

Kaa kañooxaa no ñoow um, a niweel, yaam ne fop um a ñaaƴna.