Mberaand 15:13 - NQAARIIT NE ROOG

¹³ O Yaal oxe a laya a Abram ee: «Yegi fo and ee xa taan of xan a ndef xa kataakoon no saax laa refeerna le den, xan a ndef maaga faɗ, too xan a ñagadileel boo xa kiid teemeed nahik.

Mberaand 15:13 Referans Kwoze

A sutax ale 1:11

Miimisira we a ndoda wiin, da adooxan calel ke no Ii-isra’el we, a ndoxondaa a den calel ƭomu. Neene mat a maxtu teeru ke Pitom fa Ramses, ndax da ndef taga ke Firawon fee, refna o maad Misira, a geeraa o jeg um.

A pi ake 7:17

Ye waxtu fee Roog a war’ina o fadnit a tegit ale ta reg’ina a Abraham a faambnooxna, xeet in a ndimatira, a moƴ o mayaa kam Misira.

Galati 3:17

Keeke um ne’aa: Njofoor naa Roog a fi’na yaaga, waagaand o laaf. Yaaga koy, ke regteena, a ref meen boo a jeg xa kiid teemeed nahik fo xa kiid qarɓeen tadik, waagaand o laaf yaam kebil ke ndeefanuuna.

A paɗax ale 19:34

Fat nu mbesoor fo o gataakoon ole refna fa nuun nen o kentand nuun. Fat nu mbexin nen a qoox nuun. Fat nu mbetandoox ee nu mosa o ndef xa kataakoon no saax laa Misira. Mi refu o Yaal oxe Roog nuun.

Mberaand 17:8

Xam ci’ong, wo fo xa taan of, saax lene refiidoona o gataakoon, saax le Kanaan fop, too xam ref Roog den.»

A cangatin ale 10:19

Yaaga boog, mbexyo xa kataakoon axe, yaam xa kataakoon nu ndeeƭu no saax laa Misira.

A sutax ale 23:9

Ba nu ñagadilaa xa kataakoon axe. Nu anda a paax a qalaat den, yaam nuun fa qoox nuun nu ndeeƭa xa kataakoon no saax laa Misira.»

A sutax ale 22:21

Ba nu toroxandaa ñaaw we mbaat xa baan axe.

Mberaand 15:16

No suk nahkandeer naa xan da nomtooxiid mene, yaam njofaƭar ne no Aa-amori we muukooxafulee.»

Mberaand 47:4

A layahina a Firawon fee yee: «Kaa i ngar nen xa kataakoon no saax le, yaam cegel ke no dag of njegatee sen maa da suufna, biim le kaa ɗom lool no saax laa Kanaan. Ngela ci’i dag of da ngenik no jegel olaa Goseen.»

A sutax ale 1:13

Maaga, Miimisira we kaa ñagadiloogu Ii-isra’el we, a mbi a den faɗ.

A sutax ale 2:24

Ye Roog a nanna xa iin axe den, a wetandooxa ngiɓoor ne ten fa Abraham fa Isaak fa Yakoob.

A sutax ale 3:8

Kaam fudooxiid, ndax um wat a den na xa ƥay axe no Miimisira we, sut a den no saax leeke, ɓis a den no saax faax yaaju laa fo sis fo suum a ndaxritaa, me Kaakanaan we fo Heeheet we fo Aa-amori we fo Peeperisi we fo Hiihiwi we fo Yeeyebus we a ngenna.

A sutax ale 3:10

Ndiiki koy, reti. Mexe lulang maa Firawon fee, too fat o sut Ii-isra’el we ndefna xeet es, no saax laa Misira.»

A sutax ale 3:17

Kaam ee xam sut a nuun Misira, me nu nqijtaa, soo ɓek a nuun kam saax le Kaakanaan we fo Heeheet we fo Aa-amori we fo Peeperisi we fo Hiihiwi we fo Yeeyebus we a ngenna, maa fo sis fo suum a ndaxritaa.›

A cangatin ale 5:15

Fat o wetandoox ee reeƭaa o paɗ no saax laa Misira, soo mi o Yaal oxe Roog of, um suttong maaga fo o ɓay o jegu doole le mi fo a naax es ale letnooxna. Ten taxu mi o Yaal oxe Roog of um heblong o roofand bes fee na ñootnax ale.

A kim a tedu ke 105:42

A wetandooxa fa lay fa tedu um fee ta lay’ina fa Abraham fee o tag um.

A sutax ale 1:14

A toroxandtooga a den calel ƭomu. Kaa maxnooroogu a den ƭok, a muulnooraa a den soo a nqooxnooraa a den kuu waageena o jal na xa qol axe. Kaa seroogu a den calel keene fop.

A lim ale 20:15

Andaa ne daan in a nqaadit’ina Misira, and itam ne i ngenit’ina maaga miñu-miñu fo ne Miimisira we a ñagadiltoogna a in, in fo daan in.