Mberaand 15:1 - NQAARIIT NE ROOG

¹ Ye keene a faafna, o Yaal oxe a daawna a Abram fa lay um no ƭaaɗ ee: «Abram, ba o saɗar! Mi fa xoox es refu pegoor of, too saɗig of xan a magin tigi.»

Mberaand 15:1 Referans Kwoze

Esayi 41:10

ba o saɗar, yaam mexey fa wo. Ba o firiɓ, yaam mi refu Roog of. Kaam saƭkandang, ƴufgang soo damtang o ɓay o ñamaak es ole ɓonooxna o cofel.

A kim a tedu ke 119:114

Wo refu njaɓnooxand es fo pegoor es, kaam cungaa ke hatna no don of.

A kim a tedu ke 84:11

Ñaal leng no maax ole no Mbind of rek moƴanaxam ñaal juni kaa ndefeena o mbiñ o lakas. Um moof no ndokand ne no Mbind ne Roog es moƴanaxam o gen no ƭiif ke no soxodu we,

Mberaand 26:24

No yeng olaaga, o Yaal oxe a feeñooxaan, a layin ee: «Mi refu Roog fee na faap of Abraham. Xam barke’ong soo mayƭand xa taan of yaam o tag es Abraham.»

Esayi 41:14

O Yaal oxe kaa tee: «Ba o saɗar dara, wo Yakoob fee na xalaataa yee refiro tus, wo yoqatin fooreer le Isra’el, yaam mi na ƴufgang, mi o Tedu xe Isra’el na watkang.

A ƭomatax ake 3:24

O laaw es kaa tee: «O Yaal oxe refu a las es. Ten taxu um yaakaarin.»

YEGIL MBAAX NE YEESU ne Lik a bindtuuna 12:32

«Ba nu mbit dara, o njiir onqe nu ndefna ndef! Yaam a fela a Faap nuun boo ta ci a nuun Maat um.

A kim a tedu ke 5:12

Kaa koy, yaasam fop we na njaɓnooxaa me wo a mbelakinoox, a mbeƈekoox boo kili, yaam ne o saytooxaa a den. Yaasam we mbexna gon of a mbeƈekoox na wo!

A kim a tedu ke 18:2

A laya yee: O Yaal oxe, fexaaxoong. Wo refu doole es.

Ruut 2:12

Yaasam o Yaal oxe a rabdong ke fi’oona! Yaasam saɗig of a magin no Yaal oxe refna Roog fee Isra’el, yaam jaɓnooxiidaa na xa ƥay um.»

YEGIL MBAAX NE YEESU ne Lik a bindtuuna 1:13

Kaa koy, malaaka fee a layaan ee: «Ba o diid Sakari, yaam Roog a jaɓa a qeƭ of. Xan o teef Elisabet a ñoot o ƥiy o ngoor, too fat o ne’in Saŋ.

Esayi 43:5

Ba o diid, yaam mexey fa wo. Xam nomtitiid xa taan of no batand, fokattiidong no mudand.

A kim a tedu ke 142:5

Ɗeetangi na ñamaak es boo ga! Jegee o leng oxaa yegaxama. Jegatiim maa laqooxuuma, a ƭat no leng yongee na mi.

A kim a tedu ke 3:3

A jega mayu waa na layanaxam ee: «Jaratee ta yaakaaraa Roog a muclin.» A  maaf

Mberaand 21:17

Roog a nana xa buuq axe no goor ole. Malaaka fee no Yaal oxe a foda na asamaan, a xoy a Agaar, a layin ee: «Agaar xar oo? Ba o saɗar dara, yaam Roog a nana xa buuq axe no goor ole meene ta refna sax.

YEGIL MBAAX NE YEESU ne Lik a bindtuuna 1:30

Malaaka fee a dakooxaan o lay ee: «Ba o saɗar dara Mari, yaam Roog a ci’aang yirmande.

A kim a tedu ke 58:11

O cofu xe xan a jeg o ɗaay, yaa ta ga’kaa ndabdinax ne Roog took no soxodu we soo a loofaa no fo’oy den.

Mace 8:26

Yeesu a laya a den ee: «Xar taxu nu ndiid? Nuun soo neew o ngim!» Cinj kaaga, a inooxa, a ŋal nqeñ ne fo o maag ole, too fop a naag’ata yereŋ.

Esayi 51:12

«Mi yoo, mi refu oxe na yaalaa a nuun. An refo boo saɗaraa o kiin oxe na xonkaa, o ƥiy Aadama fee muj um a refkaa nen fee no daaƭ le?

A kim a tedu ke 27:1

A kim alaa fogna na ke Dawid oo. O Yaal oxe refu a qoolaand es fo o Muumucil es, an helum o fit? O Yaal oxe refu njaɓnooxand o ñoow es, ndi an um saɗarkaa?

Xa peƭit axe 11:18

Mbef no soxodu xe kaa kasaara’ooxaa, oxe na duufaa o cofel o mat a xottaa teen ndabid mbagkeer.

A kim a tedu ke 91:4

Xan a saytoortong a naf um, o jaɓnooxaa yoora a nafir um. Ngor um kaa ref pegoor fo ƥonax saƭku.

A cangatin ale 31:6

Saƭakinooxyo too saq njambaar. Ba nu saɗar too ba nu send mbaambir den, yaam xan o Yaal oxe Roog nuun fa xoox um a ñaaƴ fa nuun. Xaƴkee a nuun muk too waaskee a nuun.»

Heseki’el 3:4

A layaxam ee: «Wo fee o ƥiy no kiin, reti no mbind Isra’el, too daawin a den fa lay es!

Esayi 44:2

Keeke o Yaal oxe sakoonga, a moolong no fud ya of too a dimle’ang, a layu: Ba o saɗar dara Yakoob, wo fee o tag es, wo Yesurun fee jiluuma,

Esayi 43:1

Ndiiki koy, wo Yakoob, keeke o Yaal oxe sakoonga a layu. Wo Isra’el, oxe bindoonga kaa tee: «Ba o saɗar dara, yaam wataaxoong. Kaam xoyong no gon of, jegatong!

Esayi 35:4

Layyo we a qeeñ den a njaqna yee: «Saƭakinooxyo, ba nu saɗar dara, yaam Roog nuun oxey a garaa, ndax ta rabdinoox, a ɓoxot oxuu refna a pi um. Oxe garaa, ten fa xoox um, ndax ta mucil a nuun.»

A sutax ale 14:13

Moyiis a doona xeet fee yee: «Ba nu ndiid. Moofyo o mbiñ o leng. Xaye xan nu nga ne o Yaal oxe a watitkaa a nuun, yaam Miimisira wene nu nga’aa, xaye nu ngijkataa o nga a den.

Mbeeñil 1:17

Ye ga’anuuma, yenaam na caf um nen kaam xon. A doona o ɓay o ñamaak um took es, too a lay ee: «Ba o diid! Mi refu o eetaand oxe fo o palakaand oxe

Hebre 1:1

Yaa fa yaaga, Roog a lay’a fo daan waa in a caf a mayu fo na xa qos xa mayu na pexey duleer waa,

1 Korint 3:22

ta ref Pool, Apolos fa Kefaas, adna fee, o ñoow ole, fa nqon fee, ke ndiiki fo ke na garaa. Keene fop, nuun njegun,

A pi ake 10:22

A ndoonaan ee: «Korney, o aa-adax no xiixire teemeed luliidu a in. O kiin o paax oo, a saɗar a Roog. Xeet faa no Yaawuur waa fop kaa seede’aa no ten paax. Malaaka Roog yegnun ee ta xoyniidong ndax o gar no mbind um boo ta waag o nan-giloox ke o laykan.»

Xa peƭit axe 30:5

Xa ƭelem axe Roog fop kaa ƭeetlooxel. Kaa ref pegoor no we na njaɓnooxaa no ten.

A kim a tedu ke 84:9

O Yaal oxe Roog fee Hupna fop, nan-gilooxi a qeƭ es, wo Roog fee Yakoob, rungi nof of. A maaf

1 Sami’el 9:9

Sawul a laya o tag oxaa ten ee: «Ke layoona a faaxa lool. Gari i ndet.» Naaga, a ndeta na teeru faa o kiin Roog oxaa a gen’ina. Ye da ŋaayaa na teeru faa, a nqeta fo roog waa ƈeewkoogna. A laamta a den ee: «Ndax o ƭeet oxe xey meen?» (Yaa fa yaaga kam Isra’el, o kiin oxe ga’rikoogna fa Roog kaa layoogu yee: «Fat i ndet maa no ƭeet oxaa», yaam oxe i nqoyaa ndiiki o tuleer Roog, kaa xoyoogel yaaga o ƭeet.)

Heseki’el 11:24

No mbeeñil, Yiif le a gifaxam soo a nomtiidaam Kalde paam no we ƥiseena took o hup doole. Cinj kaaga, mbeeñil ne lal’eema a naaga mes.

1 Caloori ke 28:20

Cinj kaaga, Dawid a ɓaata teen ee: «O ƥees, saƭakinoooxi too jal! Ba o saɗar boog, too ba o diid! O Yaal oxe Roog es xaƴkirang, oxey fa wo too xan a damtong boo yaa calel ke no Mbind ne ten a muukooxkaa.

Heseki’el 1:1

No hiid qarɓeen tadkandeer ole, no ñaal ƥetkandeer ne no nqool o nahkandeer onqe, reeƭaam paam o xuluɓ olaa Kebaar, a ndeer no we ƥis’eena took o hup doole. Asamaan fee a wetooxa, too ga’aam peeñil katu na Roog.

Mace 28:5

Malaaka faa a laya rew we yee: «Nuun o mat, ba nu ndiid, yaam andaam ee Yeesu fee rengeena na kurwaa nu mbaaƭaa.

Esayi 44:8

Ba nu ndiid, too ba nu send. Ndax kaa nannoorinum a nuun soo yegnin a nuun yaaga? Nuun ndefu seede es. Ndax a jega roog fa lakas faa jolna mi? Jegee ɓil jaɓnooxand lakas, mi o mat andinum.»

A lim ale 12:6

A laya a den ee: «Nan-gilooxyo a paax fa lay es! A jegangaa a ndeer nuun o tuleer, no mbeeñax um laltinoorkan, mi o Yaal oxe, lay fo ten no ƭaaɗ.

Mberaand 15:2

Abram a doonaan ee: «O Yaal oxe na refkaa boo faw, xar o ci’kaxam? Mexey retaa too o ƥiy reefiraam, o laalam mbind es a refkaa a Eliyeseer fee genna Damaas.»

Mberaand 15:4

Maaga, o Yaal oxe a daawnaan fa lay um ee: «Oxeene refkee o lam of, ndaa o ƥeef ŋaƈit na refkaa o lam of.»

Mberaand 31:7

Kaa rek, faap nuun kaa ŋastaxam yaam a supta ndabid es boo a caf xarɓaxay, ndaa koy Roog ci’iran ta fi’aam paaxeer.

A lim ale 18:20

O Yaal oxe a layahina a Aaroon ee: «Nu njegkee lam mbaat a las a leng no saax le um ci’kaa Ii-isra’el we da lasrin. Mi fa xoox es na refkaa a las nuun fo lam nuun a ndeer den.»

A lim ale 24:4

Keeke refu ke um layaa, mi fee na nanaa fa lay fee Roog, daawaa peeñax ke no Cegu katil oxe, yenaa leer, soo a kid es a mbetoox.

1 Sami’el 15:10

Maaga, o Yaal oxe a laya a Sami’el a ƭelem akene yee:

2 Sami’el 22:3

Wo refu Roog es, o joong ole um jaɓnooxaa. Wo refu pegoor es, o Muumucil es o mayu katil, ndaɗand mbooru es fo laqooxand es. Wo refu o Muumucil es oxe na muclaxam no wiin fo’oy we.

Mberaand 22:1

Cinj kaaga, Roog a ɗeetlooxa a Abraham, a layin ee: «Abraham!» Abraham a doonin ee: «Oow!»

Mberaand 22:20

Yaa kaaga a faafna, Abraham a yegne yee Milka fee o tew no ndeɓ um Nakoor a rima fa Nakoor

A cangatin ale 18:2

Njegkee lanq a ndeer no Ii-isra’el we, yaam a las den refu yee da njalanaa o Yaal oxe, ne ta laytuuna a den.

2 Maad we 1:15

Malaaka no Yaal oxe a laya a Eliya yee: «Fudooxi, o yoon fo ten too ba o saɗarin.» Eliya a naaga daket, a yoon fo ten maa no maad oxaa.

A kim a tedu ke 3:4

Yaag oo toox de, o Yaal oxe, wo refu pegoor es. Wo refu o ndam es, too kaa o yoɗaa o cok es took.

A kim a tedu ke 115:10

Nuun mbind Aaroon, ƭagyo yaakaar nuun no Yaal oxe, ten fee refna ƈufig nuun fo pegoor nuun.

Esayi 40:10

O Yaal oxe na refkaa boo faw oxey a garaa, a yoon fa katil, too xan o ɓay um a maadoox. Xan a yoontiid tabid um, soo ke ta jalna a adooxanin.

Yeremi 39:17

Wo o mat, xam muclong a koom. Mi o Yaal oxe layun. Ɓoxotkaandee na xa ƥay no wiin we o saɗaraa.