Mberaand 14:8 - NQAARIIT NE ROOG

⁸ Maaga, o maad oxe Sodoom, oxe Gomoor, oxe Adma, oxe Seboyiim fo xe Bela refna ref Sowaar a mbokatoora soo a njagandooxanit a ñoq ale na yulanq alaa Sidiim.

Mberaand 14:8 Referans Kwoze

Mberaand 19:22

Kaa koy, ñofi jaɓnook maaga, yaam fi’kiim dara a refangee kaa o fad.» Ten taxu teeru faaga a ne’el Sowaar.

Mberaand 19:20

Ga’i teeru fene a mata lool, ndax um jaɓnook maaga, too jaakee dara. Ey, um waag’angaa o ƴuf boo daɗik maaga.»

Mberaand 13:10

Lot a ƴooklooxa, a ga joor fee no xuluɓ ole Yordaan a xuƥ sap. Yaaga o Yaal oxe yaqafulee a Sodoom fa Gomoor, a ret’a boo Sowaar a nand nen a ƭing no Yaal oxe, nen saax laa Misira.

Mberaand 14:10

A yulanq alaa Sidiim kaa may’u kas kaa njegna ƭok. O maad oxe Sodoom fo xe Gomoor a ngoda o joor soo a yen taaga. We yoqna a ƈufa farna fo o joong olaa.

Mberaand 10:19

O fiisel ole no Kaakanaan we oxaa xotta Sidoŋ, a sag Geraar boo a damik Gaasa, a puloox a jagin Sodoom, Gomoor, Adma fa Seboyiim boo a damik Lesa.

Mberaand 14:9

A siiknoora fa Kedorla’omeer fee o maad Elam fa Tiide’al fee o maad Goyiim fa Amrafel fee o maad Sine’aar fa Aryok fee o maad Elasaar. Maad nahuk a siiknoora fo maad ɓetuk.

Hoose 11:8

«Wo Efrayim, nam waagoong o xaƴit? Kaam ee wo Isra’el, ndax xam ɓoxotong moos? Nam waagoong o doonit ke doonuuma a Adma, fi’ong ke fi’uuma a Seboyiim? Kam es neegiran, um may muut fa yirmande.