Mberaand 14:5 - NQAARIIT NE ROOG

⁵ Kaa koy, no hiid xarɓaxay fo o hiid o nahkandeer ole, Kedorla’omeer fo maad we mbokatoor’ina fo ten a mbadiida soo a nqawit Reerefa we Asterot-Karnayiim, Susima we, da nqawit a den Ham, Ee-em we, da nqawit a den Saawe-Kiryatayiim,

Mberaand 14:5 Referans Kwoze

A cangatin ale 3:11

Oog fee o maad Basan doŋ yoq’u no Reerefa we. Kees njelem ne ta gastik’eena oxaa Raba no saax le no Aa-amon we boo ndiik, too o cigdel um a fi’a xa noonoong ɓetaa nahaq, soo o yaajel ole a fi xa noonoong xa nahaq no noonoong no kiin.

A cangatin ale 1:4

Keene a xewa a cinj ye ta xawna a Siihon fee o maad no Aa-amori we, gen’ina Hesebon, fa Oog fee o maad oxe Basan maadooxanoogna teeru ke Astarot fa Edari.

Mberaand 15:20

fo le no Heeheet we fo le no Peeperisi we fo le no Reerefa we

A cangatin ale 3:22

Ba nu saɗar a den, yaam o Yaal oxe Roog nuun fa xoox um na ñoxorankaa a nuun.› »

Yeremi 48:23

took Kiryatayim, Bet-Gamul fa Bet-Me’on,

Yeremi 48:1

Ke yegniteena na Mowaab. Keeke o Yaal oxe Roog fee Isra’el Hupna fop a layu: «Sabab took Nebo, yaam a gefe! Kiryatayim a seda ɓot, a jaɓel. Teeru fa njegu saŋe ne took o joong ole a seda, a diid ƭomu.

Esayi 17:5

Xan a nand nen sañ bele naa o saasaxad oxe a pokna, ndax ta saxad xa yaƥ axe. Xan a nand nen yaa xa yaƥ axe a ngisaatooxeel na xa saawit axe no Reerefa we.

A kim a tedu ke 106:22

comlaand no saax laa Xaam, a pi a saɗarnooxu na Kal alaa no xeet laa.

A kim a tedu ke 105:27

A mbadna a ndeer no Miimisira we xa anddiloor axe ta yegnit’ina, comlaand ke ten no saax laa Xaam.

A kim a tedu ke 105:23

Maaga, Isra’el a gara Misira, kaam ee Yakoob a dalka no saax laa Xaam.

A kim a tedu ke 78:51

A warnoora taaw koor ke no ƥasil ke no Miimisira we, qaaƴoor ke na xa taan axe Xaam.

1 Caloori ke 14:9

Fiifilista we a ngara boo na yulanq alaa no Reerefa we soo a njaɓin.

1 Caloori ke 11:15

Bes, goor daduk waa mbog’ina no aa-adax qarɓeen tadik we a soƥiida a Dawid no luf naa Adulaam, a soƥ faan no Fiifilista a ndal na yulanq alaa no Reerefa we.

1 Caloori ke 4:40

A nga’a maaga xa kayand xa paax xa neepu, saax yaaju, a yaaɗoox too a ɓuuɓ. We ngenoogna teen yaaga na xa taan axe Xaam a mbog’u.

2 Sami’el 23:13

Na waxtu fee na saxad ale, goor daduk waa mbog’ina na yaj ale no xiixire qarɓeen tadik we a ngara, a soƥiid a Dawid no luf naa Adulaam, a soƥ faan no Fiifilista a ndal na yulanq alaa no Reerefa waa.

2 Sami’el 5:22

Fiifilista we a songiidahina soo a pictoor na yulanq alaa no Reerefa waa.

2 Sami’el 5:18

Fiifilista we a ngara boo na yulanq alaa no Reerefa we soo a pictoor maaga.

Yosuwe 13:31

Genwal fee no jegel ole Galaad, teeru fee Astarot fa fee Edari ndeeƭna teeru no maad ke Oog fee o maad Basan a coox’e a qaw ake na genwal fee na xa taan axe Makiir fee o ƥiy Manaase.

Yosuwe 13:19

Kiryatayim, Sibma, Seret-Sahar refna na pudnand ale no joong ole laqa o maag o Xanju le,

Yosuwe 13:12

Basan kaa fog’u no maat ne no maad Oog fee maadooxoogna kam Astarot fo kam Edari, too a ref o leng no yoqatin we no Reerefa we Moyiis a xaw’ina soo a jaɓ xa cegel axe den.

Yosuwe 12:4

O maad o lakas oxe reeƭu Oog, a ref o leng no yoqatin we no Reerefa we too a maadooxanoogu a Basan soo a gen’u Astarot fa Edari.

A cangatin ale 3:20

boo yaa o Yaal oxe a ci’kaa fog nuun a ñootnax, ne ta ci’tuuna a nuun, da ndaaw, den itam, saax le o Yaal oxe Roog nuun a ci’na a den no mudand ne Yordaan, cinj kaaga, nu nomtooxiid mene, oxuu refna na nuun no lanq ke ci’anuuma.›

Mberaand 14:4

Kaa ƥoxotoox’u na Kedorla’omeer boo xa kiid xarɓaxay fo xa kiid xa ƭaq, soo no hiid xarɓaxay fo o hiid o dadkandeer ole da siiknoor fo ten.

A lim ale 32:37

Xa taan axe Ruben a maxatina a Hesebon fa Eleyale fa Kiryatayim

A cangatin ale 3:13

Coox’aam genwal fee na carind ale Manaase ke yoqna na Galaad fo maat ne Oog fop kam Basan, refna ref o fiisel ole Argob fop fa Basan fop na nqoyeel saax le no Reerefa we.

Yosuwe 9:10

fo fop ke ta fi’na maad ɗik we no Aa-amori we no batand ne Yordaan, Siihon fee o maad Hesebon fa Oog fee o maad Basan genoogna Astarot.