Mberaand 14:20 - NQAARIIT NE ROOG

²⁰ Tedaanga a hela Roog fee Took-ee-took! Ten fee ɓoxotna fañ we wo na xa ƥay of.» Maaga, Abram a cooxaan a seek xarɓaxayandeer ale no ke ta jegna fop.

Mberaand 14:20 Referans Kwoze

Mberaand 28:22

Ɓil wetandoor leeke sipuuma na refkaa mbind Roog ne. Xam coox o Yaal oxe a seek xarɓaxayandeer ale no fop ke ta ci’kaxam.»

Malaki 3:10

Naangyo ƥisiidaa a seek xarɓaxayandeer a teyu sik no Mbind es, ndax ñaamel a jegaa teen kili. Ƭeetloorangaamoo neene, mi o Yaal oxe Hupna fop, boo nga, ndax suqtankiim a nuun pand ke na asamaan soo mayƭand a nuun fo paax ƥor.

YEGIL MBAAX NE YEESU ne Lik a bindtuuna 18:12

Naagaam o hooraa a caf a ƭak bes fa dakooxiidu fuu refna, cooxtaa a seek xarɓaxayandeer ale na halal es.›

Mberaand 24:27

a lay ee: «O Yaal oxe Roog fee no yaal mbind es Abraham a hela o simatel, ten fee xañeerna o yaal mbind es o paaxel um fo ngor um. Mi fa xoox es sax o Yaal oxe a ɗoxiidaxam boo no mbind ne no fog we no yaal mbind es!»

Efees 1:3

Yaasam Roog Faap fee no Yaal in Yeesu Kiristaa a simatel! A barke’a a in, in we mbogna fa Kiristaa, ye ta ci’na a in barke-yiif fuu refna na asamaan.

O leetar ole Pool a bindna GIMU WE NGENNA ROM 15:16

boo um ref o caajal Kiristaa Yeesu me no we ndefeerna Yaawuur. Kaam fadnaa calel tedu, yaa um waare’aa Yegil mbaax ne Roog, ndax qeet ke ndefeerna Yaawuur a ndef sadax faa felna a Roog, sadax fa ñaku sik na pexey Yiif Tedu le.

Malaki 3:8

um doon a nuun ee: Ndax o kiin a waaga o guuɗ a Roog? Yaag oo toox de, kaa nu nguuɗaxam soo laamtaa yee: «Xar i nguuɗang?» Na seek xarɓaxayandeer ake fo no sadax ke nu ƥoxotaxam o mat nu nguuɗtaxam.

Amos 4:4

«A soƥangaa yee bakaad nu mbosooxu, xar yaqanu nu ndet Betel. Kaam ee, nu ndet mbakaadtik Gilgal, ta moƴ o faaxaƭar feek ten nu mbugu. Sadaxityo nqes nuu refna, cooxaa a Roog a seek xarɓaxayandeer ale no ñaal ndadkandeer nuu refna.

A kim a tedu ke 144:1

A kim alaa fogna na ke Dawid oo. A simat a hela o Yaal oxe refna ɓil es, ten fee na aqatinaa xa ƥay es a ñoq, a jangnaa qol es xire.

A kim a tedu ke 68:19

Wo o Yaal oxe Roog, ŋaayaa took-ee-took, ndax o gen maaga, ɓisloox we ndameena, daaw wiin nen ci’it, bo no we siiknoor’ina fa wo sax.

A kim a tedu ke 44:3

Raxaa qeet mayu, ndax o dalin daan in, saŋik qeet mayu, ndax o xayand a den.

Nehemi 13:12

Maaga, Yaawuur we fop a ƥisiida a seek xarɓaxayandeer ale na bele fee, na biiñ fa nqas fee fo na diwliin fee kam fo ndok-o-mbulanq ne.

Nehemi 10:37

soo ƥoxot teen taaw koor ke in fo ke no cegel ke in, ne ta bindteena no kebil ke. Xan i ƥisiid itam kam Mbind ne Roog in taaw ke na xa siir axe in fo ke na ked ake, ndax i ƥoxot a den saasadax we na mbadnaa o far den kam Mbind ne Roog in.

2 Caloori ke 31:12

A ɓisiida teen fo ngor ke watnoogeena fo a seek xarɓaxayandeer ake fo tig tedu ke. Konaniya fee o Leelewi a dode a topatooxan soo Simey fee o pog um a ɗikandin.

Yosuwe 10:42

A xawa maad weene, a jaɓ a saax ake den na inax a leng kut ale ta inooxanna a den, yaam o Yaal oxe Roog fee Isra’el ñoxoranoogu Ii-isra’el we.

A cangatin ale 14:28

Kaa koy, no muukandoong ne no hiid o dadkandeer oluu refna fat nu sut a seek xarɓaxayandeer ale no ke nu mbarke’teena no hiid olaaga, soo nu nqaƴin no teeru ke nuun.

A cangatin ale 14:23

Cinj kaaga, fat nu ndet no mbiñ onqe o Yaal oxe Roog nuun a jilkaa ndax gon um a ƴufginooreel teen. Maaga o mat mbaambir no Yaal oxe nu ñaamitkaa a seek xarɓaxayandeer ake na bele fee nuun, na biiñ fa nqas fee nuun, na diwliin fee nuun fo itam taaw ke no naak ke fo paal ke fo pambe ke nuun. Neene, xan nu aqatoox o saɗar o Yaal oxe Roog nuun no ñoow nuun fop.

A cangatin ale 12:17

Nu mbaree ñaamit no pind nuun a seek xarɓaxayandeer ake na bele fee fo ake na biiñ fa nqas fee fo ake na diwliin fee mbaat taaw ke na xa siir axe fo na ked ake nuun mbaat sadax fuu ta waagna waag o ref, yaa ta refna fa mbadnir a tegit mbaat ci’it o fud o letu.

A lim ale 28:26

«Na Xew fee no pes ɓetuu ƭik takooxiidu ke, yaa nu ƥoxotiidkaa o Yaal oxe sadax tuufe-duufe ke na eeteel o saxad, fat nu njeg o xet o tedu. Nu njalkee teen dara.

Mberaand 9:26

A layahina yee: «O Yaal oxe Roog fee Seem a hela o simatel. Yaasam Kanaan a ref o paɗ Seem!

Mberaand 14:21

O maad oxe Sodoom a laya a Abram ee: «Ngela ɓoxotaam wiin es, jang halal fee!»

A sutax ale 18:10

Maaga, Yetro a laya yee: «Yaasam o Yaal oxe a simatel, ten oxe watna a nuun na xa ƥay axe no Miimisira we fo no ɓay Firawon fee, a wat xeet um na sañ-sañ fee no Miimisira we!

Mberaand 47:24

Boo a saxad alaa a fadna na jam koy, fat nu coox a Firawon fee a seek a ƥetkandeer ale, soo njang a seek a nahak a lakas ake, ndax nu nduuf teen xa qol axe soo ñoowaa teen, nuun fo pind nuun fo xa ƥiy nuun.»

Mberaand 47:26

Yoseef a dalna kaaga nen wargal faa na maadaa boo xaye no lanq ke Misira. A seek a ƥetkandeer aluu refna, Firawon fee na jegkan. Lanq ke no saasadax we soom Firawon fee a jeg’eeru.

2 Sami’el 18:28

Ye Ahimaas a fadiidna, a laya o maad oxe yee: «Daali maad, jook.» A dalfooxa naag giriƥriƥ, a gung mbaambir o maad oxe, a lay ee: «O Yaal oxe Roog of a hela o simatel, ten fee ɓoxotna na xa ƥay of, wo o maad oxe o yaal es, we siiknoor’ina fa wo.»