Mberaand 14:19 - NQAARIIT NE ROOG

¹⁹ A barke’a a Abram ee: «Yaasam Roog fee Took-ee-took sakna asamaan fo lanq a barke a Abram!

Mberaand 14:19 Referans Kwoze

Mberaand 14:22

Abram a doona o maad oxe Sodoom ee: «Mexey jooxaa o Yaal oxe Roog fee Took-ee-took sakna asamaan fo lanq:

Efees 1:3

Yaasam Roog Faap fee no Yaal in Yeesu Kiristaa a simatel! A barke’a a in, in we mbogna fa Kiristaa, ye ta ci’na a in barke-yiif fuu refna na asamaan.

Efees 1:6

Yaaga boog, fat i simat a Roog yaam yirmande um fee ta ci’na a in no fud o letu no Ƥeem onqe ta fexna fex.

Mace 11:25

Na pe akaaga, Yeesu a laya yee: «Faap, mexe gidmang, wo o Yaal asamaan fo lanq, yaam ɗasnaa kene yaal-o-and we fo jegu yiif we, soo feeñlin we moƴna o neew.

A kim a tedu ke 24:1

A kim a tedu laa fogna na ke Dawid oo. O Yaal oxe jegu lanq ke fo ke refna teen fop, a jeg adna fee fo we ngenna teen,

Ruut 3:10

Bowaas a layaan ee: «O ƥees, yaasam o Yaal oxe a barke’ong! O jaf of olene a lalta ngor of no ƥasil no seemir of kupu ke eetoona o fi, yaam waaƭiro maa bugritoona fo mboƥ ne, ta ref rool we mbaat yaal kalal ke.

A pi ake 16:17

O mbindaand onqeene a reefanooga a Pool fa in, too a falalooxaa yee: «Goor weeke faɗ Roog fee Took-ee-took a ndefu! Kaa yegnaa a nuun a ƭat ale na muc ale.»

YEGIL MBAAX NE YEESU ne Lik a bindtuuna 10:21

Na waxtu faaga sax, Yeesu a maya fo o ɗaay no Yiif Tedu le, too a lay ee: «Faap, mexe gidmang, wo o Yaal asamaan fo lanq, yaam ɗasnaa kene yaal-o-and we fo jegu yiif we, soo feeñlin we moƴna o neew. Iyo Faap, neene mat a waagu refit, yaam ten felong.

Mise 6:6

Fa xar um geenoorkaa mbaambir no Yaal oxe, gungtin mbaambir Roog fee Took-ee-took? Ndax sadax toxel um ɓisiidkan, fo nqeel naa njegna o hiid?

A kim a tedu ke 115:16

Asamaan fee asamaan no Yaal oxe yoo, ndaa xa ƥiy Aadama a cooxu lanq ke.

2 Sami’el 2:5

a lulta maaga, ndax ta layanel a den ee: «Yaasam o Yaal oxe a barke a nuun, yaam ne nu lalna a Sawul fee o yaal nuun o paaxel nuun, ngasin.

Mberaand 49:28

Weene ndefu a carind xarɓaxay fo a carind a ƭak ake mbokatoorna, a ndef xeet fee Isra’el, too keene refu ke faap den a layna a den ye ta barke’aa a den. A barke’a a den oxuu refna no xos barke um.

Mberaand 47:10

Yakoob a barke’ahina a Firawon fee, soo a asoor fo ten.

Mberaand 47:7

Yoseef a ɓisiida a Yakoob fee faap um ndax ta simnir fa Firawon fee. Yakoob a barke’a a Firawon fee.

Mberaand 27:4

Fat o jawanaam o ten njaw mbelu ne bugtanuuma, soo ɓisiidaam o ten, um ñaamin, ndax um barke’ong bo um helko fo xonaa.»

Mark 10:16

Cinj kaaga, a ɓopa a den, a doon oxuu refna xa ƥay, soo a barke a den.

A kim a tedu ke 50:10

yaam mi jegu muumeen-a-koƥ ke fop, cegel ke na xa coong axe fop ne da mbodeena a ndefanaam.

Mberaand 24:3

soo um daaɓooxnoorong no Yaal oxe Roog fee na asamaan, Roog fee no lanq ke yee waaƭanitkiro o ƥees o ngoor onqe o tew no Kaakanaan we genuuma a ndeer den.

1 Sami’el 15:13

Sami’el a daba a Sawul, soo Sawul a layin ee: «Yaasam o Yaal oxe a barke’ong! Fadnaam ke o Yaal oxe a hebil’axama fop.»

A cangatin ale 10:14

O Yaal oxe Roog nuun jegu asamaan fee took-ee-took, a jeg lanq ke fo ke refna teen fop.

1 Caloori ke 29:11

O Yaal oxe, wo jegu o magnel fa katil fo o mosel fo o ndam fo o niwel. Fop ke refna na asamaan fo took lanq ke wo jegun, yaam wo refu o maad, o Yaal oxe no pindel ke fop.

2 Caloori ke 31:8

Hiskiya fo kelfa ke a ngara a ƭeetiid a cuum ake soo a simat o Yaal oxe fa Isra’el fee xeet um.

A kim a tedu ke 115:15

Yaasam o Yaal oxe sakna asamaan fo lanq a barke a nuun!