Mberaand 14:17 - NQAARIIT NE ROOG

¹⁷ Cinj ye Abram a xawna a Kedorla’omeer fo maad we ta yoonit’ina boo a nomtooxiidaa, o maad oxe Sodoom a xetooxiidaan na yulanq alaa Saawe refna ref a yulanq ale no Maad we.

Mberaand 14:17 Referans Kwoze

2 Sami’el 18:18

Ye Absalom a ñoowaa a sipan’a a xoox um ɓil laa ta wetandoorteel, kam a yulanq ale no maad oxe, yaam kaa lay’u yee: «Jegiim o ƥiy o leng onqaa waageema o wetandooraa.» A ne’ta ɓil laaga a xoox um, too kaa maad o xoyeel boo xaye betandoor ke Absalom.

Hebre 7:1

Melkisedek feene reeƭu o maad na teeru faa Saleem fo o saasadax Roog fee Took-ee-took. Yaa Abraham a nomtooxiidaa na xire faa ta raxit’ina maad waa, Melkisedek a dalfooxa o xetik fo ten, soo a barke’in.

Xa peƭit axe 19:4

Halal kaa gartaa qaariit mayu, o ndool onqe mat a ñakaa xaariit fee ta yoqiɗna sax.

Xa peƭit axe 14:20

O leng bugee xaariitoor fo o ndool, bo no yoon um sax, qaariit ke no yaal halal oxe mat kaa mayaa bo.

1 Sami’el 18:6

Ye xiixire we a ngataa a cinj ye Dawid a warna o Fiifilista xe, rew we a sutoortiida no teeru ke Isra’el fop, a ngimaa a mbecaa, a nqetooxiidaa o maad Sawul fo a ñal, xa soroxole fo a tog.

Haahate we 11:34

Ye Yefta a gataa no mbind um, maaga Mispa, o ƥeem o ndew onqe a xetooxiidaan, a fecaa a yoonandtin a ñal. O ƥiy o leng kut onqeene Yefta a jeg’u, jeg’ee o ƥiy o ngoor mbaat o ƥiy o ndew o lakas.

Mberaand 14:1

A jeg’a jamaane, Amrafel fee o maad Sine’aar, Aryok fee o maad Elasaar, Kedorla’omeer fee o maad Elam fa Tiide’al fee o maad Goyiim,

Mberaand 14:5

Kaa koy, no hiid xarɓaxay fo o hiid o nahkandeer ole, Kedorla’omeer fo maad we mbokatoor’ina fo ten a mbadiida soo a nqawit Reerefa we Asterot-Karnayiim, Susima we, da nqawit a den Ham, Ee-em we, da nqawit a den Saawe-Kiryatayiim,

Mberaand 14:10

A yulanq alaa Sidiim kaa may’u kas kaa njegna ƭok. O maad oxe Sodoom fo xe Gomoor a ngoda o joor soo a yen taaga. We yoqna a ƈufa farna fo o joong olaa.