Mberaand 14:14 - NQAARIIT NE ROOG

¹⁴ Ndak fo ndak, ye Abram a yegna yee o pog um kaa ɓisel took o hup doole, a fokata goor teemeed tadik fo goor xarɓaxay fo goor ɓetuu daduk no we moƴna o njambaar no dag we ten ndimteena no mbind um, soo a daab maad waaga boo Dan.

Mberaand 14:14 Referans Kwoze

Haahate we 18:29

A ne’ta teeru fee a Dan reeƭna o taan den too a ref o ƥiy Yakoob, ndaa teeru fee Layiis a ne’’e yaaga.

Mberaand 15:3

Abram a layahina yee: «Ci’iraamo o ndaan o leng, o paɗ oxe rimteena no mbind es naru o ref o lam es.»

O baawaare xe 2:7

Waaƭaam faɗ goor fo rew, too jegaam waa ndimteena no mbind es. Jegaam xa siir fo a ked bo ta dey sik, kupu ke we adooxaxama Yeerusaleem fop a njeg’ina.

A cangatin ale 34:1

Moyiis a inoora na xa saawit axaa Mowaab, a ŋaay took o joong olaa Nebo, no jul olaa Pisga, jasnoorna fa Yeriko. O Yaal oxe a lalaan saax le fop, ke xotitna Galaad boo Dan no ɓemb-roog o janoon,

Mberaand 17:27

Neene, goor we no mbind um fop ndimeena maaga mbaat faɗ we ndimteena maaga mbaat we njikteena xaaliis no saax jan a nqucooxandoora fo ten.

Mberaand 17:12

No suk nuu refna, oxuu rimeena na nuun too a ref o koor, fat a xucel yaa bes um a dakooxiidna, ta ref oxaa rimeena no mbind of mbaat oxaa jikteena xaaliis mbaat o gataakoon olaa fogeerna na xa taan of.

Mberaand 12:5

A xota a Saarayi fee o teem fa Lot fee o ƥiy no ndeɓ um fo kalal ke da njeg’ina fop fo faɗ we da njegit’ina Xaraan. A inooxa soo a ndet no saax le Kanaan. Ye Abramiin a mbadiidna no saax le Kanaan,

1Saŋ 2:18

Xa teɓandoong es, waxtu fa mbalakaand fee yoo. Ne nu nanitna yee o Mbodandoor-Kiristaa xe garaa, a jega ndiiki sax fo Mbodandoor-Kiristaa fo mayu. No keene i andtu yee waxtu fa mbalakaand fee a fadiida.

A kim a tedu ke 68:12

O Yaal oxe kaa cooxtaa o ñuxur, soo a yaj no rew a cegee hap a ndaawnitik o nan o felu le yee:

Haahate we 20:1

Ii-isra’el we fop a mbokatoora, a ndef leng, mbaambir no Yaal oxe kam Mispa. A inoora muu refna, xotitna Dan, no ɓemb-roog o janoon, boo Beer-Seeba, no ɓemb-roog o ñamaak, fo saax laa Galaad, no batand.

Mberaand 23:6

«Yaal mbind, nan-gilooxi a in! Kaa o ref o kelwaar Roog a ndeer in. Gasi o qon oxe wo kam a mboy aluu feloonga, ale o jilankaa a xoox of. O leng na in xañkirang a mboy um, maa gasoona o qon oxe wo.»

Mberaand 18:19

Feek kaam jil a Abraham, ndax ta hebil xa ƥeem fo wiin mbind um da ngayaa a ƭat ale no Yaal oxe, a ndeefaa a ƭat fo o cofel, xam fadnanin a tegit ake fi’ananuuma.»

Mberaand 13:8

Abram a laya a Lot ee: «Ngela baa sufaaloor a ƭelem a jeg ndeer es fa wo mbaat ndeer gaynaak es fo we wo, yaam fog i ndefu.

Mberaand 12:16

Abram o mat a dalne a paax yaam o tew oxe. A cooxe a ked fo xa siir fo xa paam fo faɗ goor fo rew fo xa paam xa tew fo keeleemb.

Xa peƭit axe 17:17

No kuu ta waagna ref, xaariit naagee hodaa, o pog a ƴufgaa kam naqad ke.

Mberaand 14:12

A ndam’a itam a Lot fee o ƥiy no ndeɓ Abram, a njang ke ta jegna fop soo a ndet, yaam oxeene Sodoom a genoogu.

Mberaand 14:16

A nomtiida kalal ke fop, a nomtiid itam a Lot fee o pog um fo o jeg um fo rew we fa xeet fee.

Mberaand 17:23

Abraham a janga a Isma’el fee o ƥeem, fop we ndimteena no mbind um fo we ta jikit’ina xaaliis um, goor we no mbind um fop daal, a xuc a den no ñaal leng kut ne Roog a heblit’uuna o ten.

1 Maad we 15:20

Ben-Hadad a jaɓa fa lay faaga no maad Aasa. A dalfooxa o lul aa-adax we no xiixire we ten kam Isra’el, soo da songik teeru ke Isra’el. A njaɓa a Iyon, Dan, Abel-Bet-Maaka fo o fiisel ole Neftali fop boo no maag o maas olaa Genesaret.

Yeremi 41:12

A nqota goor we den fop, a ndet a songik a Isma’el. A ndaawtaan paam a mbeel a maak alaa Gibe’on.

1 Sami’el 30:19

O leng yoqand’ee na xa caaƈ axe fo no maak we, na xa ƥiy xa koor axe fo xa tew axe, too ñak’ee dara no ke da njangalit’ina na den. Dawid a jangatin’a fop.