Mberaand 14:12 - NQAARIIT NE ROOG

¹² A ndam’a itam a Lot fee o ƥiy no ndeɓ Abram, a njang ke ta jegna fop soo a ndet, yaam oxeene Sodoom a genoogu.

Mberaand 14:12 Referans Kwoze

Mberaand 12:5

A xota a Saarayi fee o teem fa Lot fee o ƥiy no ndeɓ um fo kalal ke da njeg’ina fop fo faɗ we da njegit’ina Xaraan. A inooxa soo a ndet no saax le Kanaan. Ye Abramiin a mbadiidna no saax le Kanaan,

Mbeeñil 3:19

Mi o mat, kaam yaraa we fexuuma. Jaflaxi boog, too fes pakaad of a cinj.

Mberaand 11:27

Keeke ndefu a kon ake na xa taan axe Teerax: Teerax rimu a Abram, Nakoor fa Haran, soo Haran a rim a Lot.

Mbeeñil 18:4

Cinj kaaga, nanaam o ñuxur o lakas a inoortiid na asamaan, a lay ee: «Nuun xeet es, sutooxyo teen, ndax nu mbogkee no pakaad ke ten, soo njeg a las no taamaala ke naruuna o ndal,

Ke bindeena no xe ne’eena YOB 9:23

Boo o njakad a jegna soo a war caambuur ndak fo ndak, kaa jalaa naqad den.

A lim ale 16:26

A laya mbokatax ne yee: «Ndiƈatooxyo ƭiif ke no wiin soxodu wene, too ba nu nduq dara no ke da njegna, yaam ndik pakaad ke den a mbarnoor a nuun.»

Mberaand 14:11

We nqawna a njanga kalal ke kam Sodoom fa Gomoor fop fo ke lakas we a yaxandoox’ina, cinj kaaga, a ndeta.

Mberaand 14:14

Ndak fo ndak, ye Abram a yegna yee o pog um kaa ɓisel took o hup doole, a fokata goor teemeed tadik fo goor xarɓaxay fo goor ɓetuu daduk no we moƴna o njambaar no dag we ten ndimteena no mbind um, soo a daab maad waaga boo Dan.

Mberaand 14:16

A nomtiida kalal ke fop, a nomtiid itam a Lot fee o pog um fo o jeg um fo rew we fa xeet fee.

Mberaand 11:31

Teerax a xota a Abram fee o ƥeem fa Lot fee o ndaan um fa Saarayi fee o seemir um refna o tew Abram. Den fop a inoora Uur fee no Kaakalde we, ndax da ndet no saax laa Kanaan. A mbadiida Xaraan, soo a ngenaa maaga.