Mberaand 14:11 - NQAARIIT NE ROOG

¹¹ We nqawna a njanga kalal ke kam Sodoom fa Gomoor fop fo ke lakas we a yaxandoox’ina, cinj kaaga, a ndeta.

Mberaand 14:11 Referans Kwoze

Mberaand 14:21

O maad oxe Sodoom a laya a Abram ee: «Ngela ɓoxotaam wiin es, jang halal fee!»

Mberaand 14:16

A nomtiida kalal ke fop, a nomtiid itam a Lot fee o pog um fo o jeg um fo rew we fa xeet fee.

A cangatin ale 28:51

Xan da muudoor xa siir axe nuun fo ke lanq ke nuun a mbatkaa, boo yaa nu moockaa. Nqaƴankee a nuun bele mbaat biiñ fa nqas mbaat diwliin mbaat xa qeel axe mbaat fo mbote ne, boo yaa da moocandkaa a nuun.

A cangatin ale 28:35

Xan o Yaal oxe a xawit a nuun a ur akaa mbaagkeerna o mbod no kuɓay nuun fo na ñaal nuun, da nqay no cer nuun fop no ke xotitna no nqol mbangdir ne boo no ƭuf ne.

A cangatin ale 28:31

Xan qoox ke nuun a mbarel na kid nuun, too nu ñaamkee teen, xa paam nuun a njaɓeel nu ƭeetaa, too nu ndakinkaand a den, a ked ake nuun a ƥoxotel fañ nuun, too o leng ƴufgiidkee a nuun.

Mberaand 12:5

A xota a Saarayi fee o teem fa Lot fee o ƥiy no ndeɓ um fo kalal ke da njeg’ina fop fo faɗ we da njegit’ina Xaraan. A inooxa soo a ndet no saax le Kanaan. Ye Abramiin a mbadiidna no saax le Kanaan,

Mberaand 14:10

A yulanq alaa Sidiim kaa may’u kas kaa njegna ƭok. O maad oxe Sodoom fo xe Gomoor a ngoda o joor soo a yen taaga. We yoqna a ƈufa farna fo o joong olaa.

Mberaand 14:12

A ndam’a itam a Lot fee o ƥiy no ndeɓ Abram, a njang ke ta jegna fop soo a ndet, yaam oxeene Sodoom a genoogu.