Mberaand 14:10 - NQAARIIT NE ROOG

¹⁰ A yulanq alaa Sidiim kaa may’u kas kaa njegna ƭok. O maad oxe Sodoom fo xe Gomoor a ngoda o joor soo a yen taaga. We yoqna a ƈufa farna fo o joong olaa.

Mberaand 14:10 Referans Kwoze

Mberaand 19:17

Cinj ye goor ɗik we a sutna a den, o leng na den a laya yee: «Ƴufti o ñis of too ba o wiƈaqiloox. Ba o geenoox na xa saawit axene fop. Sagi farna fo xa coong axaa yaam ndik o saŋkoox.»

Mberaand 19:30

Lot fo xa ƥiy xa tew axe ten a inoora Sowaar, soo a ngenik na xa coong axaa, yaam kaa saɗaroogu o yoq Sowaar. Lot a genka kam luf, ten fo xa ƥeem.

Yeremi 48:44

Oxe na ƴufaa diid le xan a yen no gamb le, too oxe na sutooraa no gamb le xan a damtel mbaal ne, yaam o hiid ole um xawkaa a Mowaab oxey a garaa. Mi o Yaal oxe layun.

Esayi 24:18

Oxuu na ƴufaa xa buuq axe no diid le xan a yen kam gamb le, too oxe na sutooriidaa no gamb le xan a damtel mbaal ne, yaam pand ke took xan a mbetoox, soo fer le no lanq ke a yo’noox.

Mberaand 11:3

A layra a ndeer den ee: «Fat i muul, soo ndox a den.» A njiriiñoora a muul ake nen a kac, soo ƭok ke nen sooñ.

A kim a tedu ke 83:10

Wo Roog, fesoori fa den ne fesoorit’oona fo Maamajan we fo ne fesoorit’oona fa Siisera fa Yabin na ƈufnand alaa Qiison.

Yosuwe 8:24

Ye Ii-isra’el we a saŋkitna kam a koƥ-a-ƥor alaa goor we Ay ndaaboogna a den boo o leng yoqatee, a ndalfooxa o ndet na teeru faa, a moocand onqe yoq’ina maaga.

Mberaand 14:3

Weene a mbokat’a a yaj den na yulanq alaa Sidiim, maa o maag o Xanju laa a jangatna ndiiki.

Mberaand 14:9

A siiknoora fa Kedorla’omeer fee o maad Elam fa Tiide’al fee o maad Goyiim fa Amrafel fee o maad Sine’aar fa Aryok fee o maad Elasaar. Maad nahuk a siiknoora fo maad ɓetuk.

Mberaand 14:11

We nqawna a njanga kalal ke kam Sodoom fa Gomoor fop fo ke lakas we a yaxandoox’ina, cinj kaaga, a ndeta.

Mberaand 14:17

Cinj ye Abram a xawna a Kedorla’omeer fo maad we ta yoonit’ina boo a nomtooxiidaa, o maad oxe Sodoom a xetooxiidaan na yulanq alaa Saawe refna ref a yulanq ale no Maad we.

Mberaand 14:21

O maad oxe Sodoom a laya a Abram ee: «Ngela ɓoxotaam wiin es, jang halal fee!»