Mberaand 13:8 - NQAARIIT NE ROOG

⁸ Abram a laya a Lot ee: «Ngela baa sufaaloor a ƭelem a jeg ndeer es fa wo mbaat ndeer gaynaak es fo we wo, yaam fog i ndefu.

Mberaand 13:8 Referans Kwoze

A pi ake 7:26

No feet olaa, Moyiis a xeta fo Ii-isra’el ɗik waa na ñoxoraa, too a jeemooga hate a den. Moyiis a laya a den ee: ‹Qaariit es, mee ndax fog nu ndefu, xar taxu nu toroxandraa koy?›

A kim a tedu ke 133:1

A kim no ñaañaaƴ we yoo, a fog na ke Dawid. Ndaw paaxu too a fel, yaa fog we a nanoorna!

2 Piyeer 1:7

no damoox na Roog ole nuun nu nqaariitooraa a ndeer nuun, soo no nqaariitoor ne nuun o mbeq.

1 Piyeer 4:8

Eetyo mbexir a paax a ndeer nuun, yaam o mbeq onqe kaa muuraa pakaad mayu.

1 Piyeer 3:8

Ndiiki koy, njegyo nuun fop xalaat fa leng kut, too mbog o liir. Njegyo a ndeer nuun o mbeq fa yirmande fo a neewandax.

O leetar ole Pool a bindna GIMU WE NGENNA ROM 12:10

Mbexiryo a ndeer nuun ne o fog a mbexritaa. Niwiryo, too sawar teen.

Xa peƭit axe 20:3

Oxe na ƴufaa nqasir, o ndam oo no ten, fanxoy fee mat kaa jimbooxaa teen.

Xa peƭit axe 15:1

O doonanqol o ɓuuɓu kaa ɓoosdandaa fuux, fa lay fa ñexetu mat a umban.

Mberaand 45:24

Cinj kaaga, a xaƴa fog faap we ten da ndet. A maƭooxa a den ee baa nqasir na ƭat ale.

1Saŋ 4:7

Fog es we fexuuma, fat i mbexir, yaam o mbeq, na Roog a inooru. Oxuu jegna o mbeq, Roog rimun, too a anda a Roog.

1 Piyeer 2:17

Niwyo wiin we fop, mbex o fog ole no gimu we, saɗar a Roog, too niw o maad oxe.

1 Piyeer 1:22

Ne nu nananna ndigil ne, nu nqoolanda xa laaw nuun, ndax nu mbex tigi we nu mbogitna o ngim. Mbexiryo a paax boog a ndeer nuun fo xeeñ letu.

Hebre 13:1

Ngenyo no mbexraa a ndeer nuun nen waa ndefna fog na Kiristaa!

Hebre 12:14

Ngoorgoorlooxyo, ndax nu ndef na jam fo wiin we fop, too o ñoow nuun a ted, yaam oxuu o ñoow um a tedeerna, jasnoorkee fo o Yaal oxe.

1 Tesalonik 4:9

Soxla’ee nu mbindel kaa farna no ne nu mbarna o mbexrit a ndeer nuun, yaam nu njangtaan na Roog.

Filip 2:14

Kuu nu mbi’aa, baa jeg a ƭomatax mbaat a caageej,

Mace 5:9

We na sakaa jam a ƭaaya, yaam xan Roog a xoy a den xa ƥeem!

Xa peƭit axe 15:18

Oxe matna xeeñ kaa oraa qasir, oxe niidna fuux o mat kaa xafaa ndaawir.

A sutax ale 2:13

No feet olaa, a sutooxa, a ga Hebre ɗik waa na nqasraa, too a laya oxe tooñ’ina yee: «Xar taxu o xawaa o kend of?»

Mberaand 13:9

Saax le fop oxey mbaambir of! Retani a xoox of boog. O xotangaa na janoon, um xot na ñamaak, o xot na ñamaak, um xot na janoon.»

Mberaand 46:34

fat nu ndoonin ee: ‹In we dag of, gaynaak waa na yaraa cegel i ndefu no kaa xotitna no ndeƥandoong in boo fa ndiik, ne daan in a ndefit’uuna.› Neene, xan nu mbaag o ngen no jegel ole Goseen, yaam Miimisira we kaa sib gaynaak cegel we.»

Mberaand 14:14

Ndak fo ndak, ye Abram a yegna yee o pog um kaa ɓisel took o hup doole, a fokata goor teemeed tadik fo goor xarɓaxay fo goor ɓetuu daduk no we moƴna o njambaar no dag we ten ndimteena no mbind um, soo a daab maad waaga boo Dan.

Haahate we 9:26

Gaal fee o ƥiy Ebed a yoona fo goor fog um da ndeef Sikeem, too kelfa ke na teeru fee a ngooloox’aan.