Mberaand 13:7 - NQAARIIT NE ROOG

⁷ Nqasir a jega ndeer gaynaak we na xa siir axe Abram fo we na xa siir axe Lot. Na jamaane faaga, Kaakanaan we fo Peeperisi we maad’u o ngenaa saax le.

Mberaand 13:7 Referans Kwoze

Mberaand 26:20

Gaynaak we Geraar a nqasra fo we Isaak, yaam ee ‹In njegu foofi le›. A ne’a a ngas alaaga Esek, yaam ne da nqasir’ina fo ten.

Mberaand 12:6

Abram a xaaña saax le boo no mbiñ onqaa ne’eena Sikeem, a suur boo no ngariñ naa More. Na jamaane faaga Kaakanaan we no saax le a ngenoogu.

Saak 3:16

Me wiin a siisritaa, a mbaaƭaa o njiriiñ a qoox den soom, tus naagee o xenaa maaga, too itam paaxeer mayu maaga a ngataa.

1 Piyeer 2:12

Ndeer gimaƭaru we, saqyo a pesoorooƭ a paax, ndax muu da njambitna a nuun nen waa na mbi’aa paaxeer, da nga a pi a paax ake nuun, too a simat a Roog na bes fee ta xalatooxiidkaa a den.

Saak 4:1

Maafir ke fo qasir ke a ndeer nuun, mam a inooraa? Oxe inooraa na yuxum ake ngenna no ñoxoraa no cer nuun.

Galati 5:20

fo a cuur pangool fo pan. Kaa taxaa itam wiin we a mbaagraƭar, a nqasraa, a mat a qeeñ, a mbuuxanraa, a ngendandooraa, a nqaajooraa, soo a mbi’aa fo mbokatax fo sayooxu.

Mberaand 34:30

Maaga, Yakoob a laya a Simewon fa Lewi yee: «Nu ƥekaxam na qalam fo mbuuxir, ndeer es fo we ngenna no saax le no Kaakanaan we fo Peeperisi we. Mi fa xoox es, wiin mayeer jegum. Xan a mbokatooranaam, a mbaraam soo um saŋkoox fo ƥasil es.»

Tiit 3:3

In itam, wiin ñaku a qoox i ndeeƭu yaaga. Kaa i nanaƭar’u, mo, ndef faɗ a yuxum in fo no kuu na ci’aa a in baneex. Kaa i ñoowoogu no coxod, siisaa, ndef waa njareena o sib, sibraa.

1 Tesalonik 4:12

ndax nu ndef wiin waa a pesoorooƭ den a jofna mbaambir no gimeer we. Neene, nu ngaɗkee a qoox nuun no leng.

Kolos 4:5

A jega waa andoona yee ngimafulee. Kuu nu ndeerna fa den, fat nu ñaaƴnitin fo yiif, mbañ dara no daaw nuun a ref kasaara.

1 Korint 3:3

yaam kaa nu maad o mbesooraa nen wiin adna. Ndax ciisir fo nqasir ndefu a ndeer nuun? Bo ndiik xalaat adna na ɗoxaa a nuun,

Nehemi 5:9

Layahinaam a den ee: «Ke nu mbi’aa faaxee! Kaa nu mbar o ñaaƴ no saɗar a Roog in, ndax qeet ke fañ in mbenkee a in.

A sutax ale 2:17

Ɓaatnee dara, gaynaak we a mbadiida, a ndax a den. Maaga, Moyiis a inooxa, a sedan a den soo a yernan a den cegel ke.

Mberaand 21:25

Kaa koy a xasana a Abimelek yaam a ngas foofi laa faɗ we Abimelek a njaɓit’ina no ten.

Mberaand 10:19

O fiisel ole no Kaakanaan we oxaa xotta Sidoŋ, a sag Geraar boo a damik Gaasa, a puloox a jagin Sodoom, Gomoor, Adma fa Seboyiim boo a damik Lesa.

Mberaand 46:34

fat nu ndoonin ee: ‹In we dag of, gaynaak waa na yaraa cegel i ndefu no kaa xotitna no ndeƥandoong in boo fa ndiik, ne daan in a ndefit’uuna.› Neene, xan nu mbaag o ngen no jegel ole Goseen, yaam Miimisira we kaa sib gaynaak cegel we.»

Xa peƭit axe 20:3

Oxe na ƴufaa nqasir, o ndam oo no ten, fanxoy fee mat kaa jimbooxaa teen.

Mark 3:25

too boo we mbogna mbind a nqaajoorna a ndeer den, xan mbind neene a gef tuƈ, yaam waagkee o geenoox.