Mberaand 13:5 - NQAARIIT NE ROOG

⁵ Lot fee yoonoogna fa Abram a jeg’a itam a ked fo xa siir fo ƭiif.

Mberaand 13:5 Referans Kwoze

Yeremi 49:29

Fat ƭiif ke den fo cegel ke den, coor ke den fo tikoorik ke den fop a njaɓel! Fat keeleemb ke den a ƥisel, soo da mbalalooxeel ee: ‹Diid le xey muu refna!›

Mberaand 25:27

Xa koor axe a maak’a. Esawu a reeƭa o ƭana tigi kam a koƥ ale, Yakoob o mat a ref o kiin o ƥuuɓu, a yoqaa kam ƭiif ke.

Mberaand 4:20

Aada rimu a Yabal fee refna o taan no molaan we na ngayaa xa siir.

Mberaand 12:5

A xota a Saarayi fee o teem fa Lot fee o ƥiy no ndeɓ um fo kalal ke da njeg’ina fop fo faɗ we da njegit’ina Xaraan. A inooxa soo a ndet no saax le Kanaan. Ye Abramiin a mbadiidna no saax le Kanaan,

Mberaand 13:6

Saax le da ndeeƭna deyee a den ndax da mbokatoor yaam o jeg ole den kaa may’u boo mbaag’ee ndef o mbiñ o leng.

Mberaand 12:4

Abram a reta, ne o Yaal oxe a layit’uuna o ten, soo Lot a yoon fo ten. Abram a jeg’a xa kiid qarɓeen ɓetuu ƭik fo xa kiid xa ƥetaq ye ta inoorna Xaraan.