Mberaand 13:18 - NQAARIIT NE ROOG

¹⁸ Maaga, Abram a ɗisa ƭiif ke ten, a geniid no kariñ ke Mamre paam Hebron, a maxan o Yaal oxe maaga o sadaxand.

Mberaand 13:18 Referans Kwoze

Mberaand 35:27

Yakoob a fadiida maa Isaak fee faap um, maaga Mamre kam Kiryat-Arba, refna ref Hebron me Abraham fa Isaak a ndeeƭna xa kataakoon.

Mberaand 18:1

O Yaal oxe a feeñooxa a Abraham no kariñ kaa Mamre, a soƥ ta moof paam ndokand ne no ƭiif um njoloor o mbuc. Neeke a feeñoorit’un.

Mberaand 14:13

O leng oxaa ɓostooxna a gara, a yegnin a Abram o Hebre xe genoogna no kariñ kaa Mamre. Mamre o Aa-amori a reeƭu, a ref o pog Eskol fa Aneer we nqaariitoor’ina fa Abram.

Mberaand 8:20

Nowe a maxana o Yaal oxe o sadaxand, a xot no muumeen qoolu ke fop fo no tiiƭ qoolu ke soo a ɓoxot sadax toxel took o sadaxand ole.

A kim a tedu ke 16:8

Kaam jasnooraa fo o Yaal oxe kili. A fodangaam na ñamaak, tolofkiim muk.

1 Timote 2:8

Yaaga boog, kaam bug boo goor we a nqeɗaa muu da ndefna ndef, da ndekaa xa ƥay xa qoolu, too a mbaas fuux fo a qalaat a paaxeer.

A lim ale 13:22

A ndokta no ɓemb-roog o ñamaak ole no saax le soo a ndet boo Hebron maa Ahiman fa Sesay fa Talmay we ndeeƭna xa taan Anak, a ngen’ina. Sinjaan ne Hebron a adoorit’a ne Cowaan fee Misira xa kiid ɓetaa ƭaq.

Mberaand 37:14

Isra’el a layaan ee: «Reti ɗeetik fog faap we wo ndax njiree fo ndax tig damee ged laa. Cinj kaaga, o gar layaam.» Neene a lultun ta inoor na yulanq alaa Hebron, soo Yoseef a ret Sikeem.

Mberaand 13:4

me ta max’ina o sadaxand yaaga. Abram a ƴufginoora gon le no Yaal oxe no mbiñ onqaaga.

Yosuwe 14:13

Yosuwe a dalfooxa o barke a Kaleb fee o ƥiy Yefune soo a cooxin a Hebron.

Mberaand 23:2

Saara a xonta Kiryat-Arba na xoyeel a xoy Hebron no saax le Kanaan. Abraham a xaaraandaan soo a ñaawooxin.

Hebre 11:9

O ngim tax’u ta jaɓ o ñoowaa nen o gataakoon no saax laa Roog a reg’uuna. Kam ƭiif a genoogu nen a Isaak fa Yakoob we ndaaw’ina ndegit leng neene na Roog.

Mberaand 22:9

Ye da mbadiidna no mbiñ onqe Roog a layuuna, Abraham a fi’a o sadaxand, soo a doon xa cuuƭ axe took fee. Cinj kaaga, a dura a Isaak fee o ƥeem, soo a doonin took xa cuuƭ axe no sadaxand ole.

Mberaand 26:25

Isaak a maxa maaga o sadaxand, a ƴufginoor gon le no Yaal oxe, soo a sip maaga ƭiif um. Dag we ten a mbaqahina maaga a ngas.

Yosuwe 15:13

Kaleb fee o ƥiy Yefune a cooxe a qaaj no fiisel ole Yudaa, ne o Yaal oxe a heblit’uuna a Yosuwe. A daawa a Kiryat-Arba, teeru fee ne’it’eena a Arba fee o taan no Aa-anak we. Teeru feene kaa ne’el ndiiki Hebron.

2 Sami’el 2:1

Cinj kaaga, Dawid a laamta o Yaal oxe yee: «Ndax bugaa um ret na teeru fa leng no teeru ke Yudaa?» O Yaal oxe a doonaan ee: «Reti!» Dawid a ɓaataan o laamit ee: «Na teeru fum um retkaa?» O Yaal oxe a doonaan ee: «Na teeru faa Hebron.»