Mberaand 13:16 - NQAARIIT NE ROOG

¹⁶ Xam fi xa taan of a mayit nen pep lanq, a may boo mbaagkaand o lim ne pep lanq a mbaagaandeena o limit.

Mberaand 13:16 Referans Kwoze

A lim ale 23:10

An waagu o lim xa taan axe Yakoob mayitna nen pep lanq? Kaam ee an waagu o lay ne Ii-isra’el we mayitna nen mbuuƴ a mbodna? Yaasam um xonit nen jofu weene, muj es a nand fa fee den!»

Mberaand 28:14

Xa taan of xan a mayit nen pep lanq. Xan a ndal no ke xotitna no batand boo no mudand, fo no ke xotitna no ɓemb-roog o janoon boo no ɓemb-roog o ñamaak. Qeet ke no lanq ke fop no xaa faqaqoorna na wo a mbarke’itkeel.

Mberaand 32:12

Kaam xeɗang o muclaam no ɓay no maag es Esawu. Kaam saɗaraa ndik ta gar a waraam, mi fo rew we mi fo xa ƥiy axe mi.

1 Maad we 3:8

O tag of oxey a ndeer xeet fee wo jiloona, ta mayit neeke boo waagaand o hap, ne’atiim ta limel.

A sutax ale 32:13

Wetandooxi a Abraham fa Isaak fa Isra’el, dag we wo daaɓooxoona wo fa xoox of ee: ‹Xam saqtin xa taan nuun, da mayit nen xa qoor axe na asamaan, coox a den saax le regtuuma, da njegkin boo faw.› »

Mberaand 22:17

xam barke’ong, mayƭand xa taan of, da mayit nen xa qoor axe na asamaan fo nen pep lanq na ƥeeraamb o maag. Xa taan of na mbugko maadooxa took fañ den.

Mberaand 15:5

A ɓisaan tafil faa soo a layin ee: «Limi xa qoor axe, o waagangaa lim a den!» A ɓaata teen ee: «Neene mat xa taan of a mbodkaa!»

Mbeeñil 7:9

Cinj kaaga, ɗeetaam too ga’aam faan maak laa o leng a waag’eerna o lim. Wiin weene kaa inoor na xeet fuu refna, no tim oluu refna, no saax luu refna fo na lak fuu refna. Kaa ngeenoox’u mbaambir gamb no maad le, a njasnoor fo o Mbaal onqe, a ndokoox tikoorik tan, a ndeegoox a naaq ngeec.

Yeremi 33:22

Ne xa qoor axe na asamaan a mbaagaandeena o limit mbaat ne lanq ke no maag ole a mbaagaandeena o eedit, neene um mayƭanditkaa xa taan Dawid fee o tag es fo Leelewi we na ndagooxaxam.»

1 Caloori ke 27:23

Dawid lim’ee we njegna xa kiid qarɓeen ƭik a gar a lanq, yaam o Yaal oxe kaa lay’u yee xan a fi boo Ii-isra’el we a mayit nen xa qoor axe na asamaan.

1 Caloori ke 21:5

A yegna a Dawid ke ta jeg’ina na lim ale: Isra’el a jeg’a goor cuni juni fo goor cuni teemeed waa mbaagna o ndet na xire, soo Yudaa a jeg goor cuni teemeed nahik fo goor cuni qarɓeen ɓetuu ƭik.

1 Maad we 4:20

Wiin we Yudaa fo we Isra’el kaa mayit’u nen pep lanq na ƥeeraamb o maag. Kaa ñaamoogu, a yeraa, a mbelakinooxaa.

Haahate we 6:5

yaam den fo xa siir den fo ƭiif den kaa mbadtiidoogu nen tooroog pagkatar. Den fo keeleemb den kaa may’u boo mbaagaand o lim, too kaa ngaroogu no saax le ndax da mbiitnin.

Haahate we 6:3

A mbanuu Ii-isra’el we a nduuf’ina xa qol axe den, Maamajan we, Aa-amalek we fo molaan lakas we no batand kaa ngaroogu a song a den.

A cangatin ale 1:10

O Yaal oxe Roog nuun a mayƭanda a nuun boo nu mayit xaye nen xa qoor axe na asamaan.

A sutax ale 1:7

Kaa koy, Ii-isra’el we a ndimatira, a mayat bo. A ƥaatooxa too a moƴa o njeg doole. Maaga, a suxa saax le fo wiin.

Mberaand 46:3

Roog a layaan ee: «Mi refu Roog, Roog fee na faap of, ba o saɗar o ret Misira, yaam maaga um fi’itkang o refat xeet fa maak.

Mberaand 35:11

Roog a layaan ee: «Mi refu Roog o Cegu katil oxe. Xam ci’ong xa ƥiy fo xa taan xa mayu. Saax fa xeet fa muum sax xan a mbaqaqoor na wo, maad a sutoor na wo.

Mberaand 28:3

Yaasam Roog o Cegu katil oxe a barke’ong, a saqtinong, a mayƭandong, ndax o refat o taan no qeet mayu.

Mberaand 26:4

Xam mayƭand xa taan of, da mayit nen xa qoor axe na asamaan. Cooxe kene fop, xam ci’in xa taan of, too qeet ke no lanq ke fop na xa taan of a mbarke’itkeel,

Mberaand 21:13

Xam fi itam o ƥiy o ngoor onqe no ceefeer of a ref o taan no xeet fa maak, yaam na wo a faqaqooru.»

Mberaand 18:18

Xan Abraham a ref o taan no xeet fa maak fa njegu doole, too qeet ke no lanq ke fop no ten a mbarke’itkeel.

Mberaand 17:20

No kaa farna na Isma’el koy, nanaaxoong, xam barke’in, ci’in xa taan xa mayu. Xan gelwaar xarɓaxay fo gelwaar ɗik a ngat no ten, too xam fi no ten xeet fa maak.

Mberaand 17:16

Xam barke’in, too xam ci’ong fo ten o ƥiy itam. Xam barke’in too xan a rim qeet mayu, maad no qeet mayu a ngat no ten.»

Mberaand 17:6

Xam ci’ong xa taan xa mayu, qeet mayu a mbaqaqoor na wo, soo maad a sutoor na wo.

Hebre 11:12

Neene o mat xa taan xa maytu nen xa qoor axe na asamaan fo nen pep lanq na ƥeeraamb o maag a ndimte na pexey o koor o leng kut, oxaa mat’atna fa nqon bo.

Mberaand 16:10

Malaaka fee no Yaal oxe a layahinaan ee: «Xam mayƭand xa taan of, boo o leng waagkee o lim a den.»

Mberaand 17:2

Xam dalin ngiɓoor ndeer es fa wo, too xam mayƭand xa taan of.»

2 Maad we 13:23

Kaa koy, o Yaal oxe a yirma a den soo a waasan a den yaam ngiɓoor ne ta dalin’ina fa Abraham fa Isaak fa Yakoob. Bug’ee o moocand a den, too boo xaye deɓee a den maa goƭuuna.

2 Caloori ke 1:9

Ndiiki koy, o Yaal oxe Roog, yaasam a tegit of fa faap es a mbadnoox, wo fee fi’na boo um maadooxaa took xeet faa mayitna nen pep lanq.

Mberaand 32:13

Wo layaxam ee: ‹Xam fi’anong paax, fi xa taan of a mayit nen pep lanq na ƥeeraamb o maag, a may boo mbaagkaand o lim.› »

Ke bindeena no xe ne’eena YOB 5:25

Xan o ga xa taan of a siw, we mbaqaqoorna na wo a mayit nen daaƭ le na koƥ ale.