Mberaand 13:14 - NQAARIIT NE ROOG

¹⁴ Cinj ye Lot a xaajoorna fa Abram, o Yaal oxe a laya a Abram ee: «Meene fodoona fod, ƴooklooxi, ɗeet farna fo ɓemb-roog o janoon fo no ɓemb-roog o ñamaak, farna fo batand fo no mudand.

Mberaand 13:14 Referans Kwoze

Esayi 49:18

Deɓi a kid of me widoonga too horoox a paax. Fop owe mbokatoora, a ngaraa me wo. Ne ta wooritna yee mexe ñoowaa, mi o Yaal oxe, neene a woortu yee xan a ndef na wo nen kumooxel kaa na mosandooreel. Xan o hiɓoor fa den ne o kulook a rokoortaa ceq um.

A cangatin ale 3:27

Ŋaayi no jul ole no joong ole Pisga, o ɗeet no mudand fo no ɓemb-roog o janoon fo no ɓemb-roog o ñamaak fo no batand. Horooxeen a paax, yaam jootkiro a Yordaan fene.

Esayi 60:4

Ɗeeti a paax me widoonga. Den oo wene a mbokatoora fop soo a ngaraa me wo. Xa ƥiy xa koor axe wo yoo weene a inoortiidaa koƭu, a yoon fo xa ƥeef xa tew axe ngadooxeena.

Mberaand 28:14

Xa taan of xan a mayit nen pep lanq. Xan a ndal no ke xotitna no batand boo no mudand, fo no ke xotitna no ɓemb-roog o janoon boo no ɓemb-roog o ñamaak. Qeet ke no lanq ke fop no xaa faqaqoorna na wo a mbarke’itkeel.

Mberaand 13:10

Lot a ƴooklooxa, a ga joor fee no xuluɓ ole Yordaan a xuƥ sap. Yaaga o Yaal oxe yaqafulee a Sodoom fa Gomoor, a ret’a boo Sowaar a nand nen a ƭing no Yaal oxe, nen saax laa Misira.

A cangatin ale 34:1

Moyiis a inoora na xa saawit axaa Mowaab, a ŋaay took o joong olaa Nebo, no jul olaa Pisga, jasnoorna fa Yeriko. O Yaal oxe a lalaan saax le fop, ke xotitna Galaad boo Dan no ɓemb-roog o janoon,