Mberaand 13:13 - NQAARIIT NE ROOG

¹³ Wiin we ngen’ina Sodoom koy wiin faaxeer a ndeeƭu, soo a tooñaa o Yaal oxe.

Mberaand 13:13 Referans Kwoze

2 Piyeer 2:10

We na ndeefaa paaxeer ke cer den a yaawaa, Roog a moƴkaa o xaw, den we saɗareerna katil um. Jaajangin maamaaɓ weene mbitee dara. Kaa nduqwaƭar, too saɗaree o mben we njegna o ndam na asamaan sax.

Yudaa 1:7

Mbetandooxyo itam a Sodoom fa Gomoor fo teeru lakas ke mbidna a den, andoona yee kaa ndeɓoox’u no caasaay, a seeqaa nen malaaka keene. A qaw ale no fiɗel le na refkaa boo faw a dala took den. Neene a ndefata a lalgand ale cooxeena wiin we fop.

O leetar ole Pool a bindna GIMU WE NGENNA ROM 1:27

Neene itam goor we yoonatee fo rew we, a njooroox na buge-buge fa njaaxaan a ndeer den, o koor fo o koor a saasaayraa, boo a ndaawaa na qoox den a qaw ale helna no fanxoy den.

Yeremi 23:24

Ndax o kiin a waaga o ɗas maa laqooxna boo ga’kinum? Ndax mayiim asamaan fee fo lanq ke?» O Yaal oxe layun.

Hebre 4:13

Jegee muk oxaa waagna o ɗas a Roog. Ke ta sakna fop kaa naag duŋ ee fuc mbaambir a kid um. Xan i njangtooxin ke i mbi’na fop.

Mace 9:13

Njangikyo ke fa lay fene a tekitna: ‹Yirmande moƴanaxam sadax.› Xoyiidiim wiin jofu we, ndaa baabakaad we.»

Mberaand 18:20

O Yaal oxe a laya a Abraham ee: «Ƭomatax ne took Sodoom fa Gomoor a ɗoma tigi, too bakaad den a magna lool!

YEGIL MBAAX NE YEESU ne Saŋ a bindtuuna 9:31

I anda toox de yee Roog naagee o jaɓaa a qeƭ no paabakaad, ndaa oxuu na niwan, a fi’aa ke ta bugna, a naagaan o jaɓanaa.

Mace 9:10

Yaa Yeesu a refna kam mbind Mace, waa mbogna no we ndabdinooxoogna juuti fo baabakaad lakas mayu a ngara. Yeesu fo daalbe um a ndeera fa den, a ñaamaa.

Esayi 1:9

Boo o Yaal oxe Hupna fop a wuusan’eerna a in yoqatin, nen a Sodoom i ndefkoogu, nand fa Gomoor.

2 Maad we 21:6

A reta sax boo a dox o ƥeem o ngoor nen sadax, a ɗeetaa, a ñango’aa soo a dalin waa na ƈufginooxaa xon we fo maɗag. Kaa moƴ’u moƴ o fi’aa kaa faaxeerna na kid no Yaal oxe, a fuuxnooran.

1 Sami’el 15:18

O Yaal oxe a jooxaang a ƭat ale, ye ta layoonga yee: ‹Reti saŋik baabakaad weene ndefna ndef Aa-amalek we, o ñoxoraa fa den boo yaa o moocandkaa a den.›

Mberaand 38:7

Eer fee refna taaw Yudaa koy kaa soxod’u lool na kid no Yaal oxe. Ten taxu, o Yaal oxe a waraan.

Mberaand 15:16

No suk nahkandeer naa xan da nomtooxiid mene, yaam njofaƭar ne no Aa-amori we muukooxafulee.»

Mberaand 10:9

O qaaxawlax o maak a reeƭu mbaambir no Yaal oxe. Ten taxu ta layeel ee «nen a Nimrood, o qaaxawlax o maak oxe mbaambir no Yaal oxe».

Mberaand 6:11

Wiin we kaa laawoox’u mbaambir Roog, lanq ke a may fo a pi a yednu.

YEGIL MBAAX NE YEESU ne Saŋ a bindtuuna 9:24

Farisiya waa a ndakooxa o nqoy o koor oxe fuul’ina, soo a layin ee: «Waraa o ne’aa barke Roog, yaam i anda yee oxe wodandoonga o paabakaad oo.»

Mberaand 39:9

Ten fa xoox um sax hupatiraam no mbind nene, too fañtiraam dara bo ta yoqaa wo, yaam o teem refo. Nam waagum boog o fi’it paaxeer nandu neene, soo tooñ a Roog?»

A lim ale 32:23

Kaa koy, nu mbi’angee neene, xan nu mbakaad no Yaal oxe, too xan nu nga’in, fat nu andin a paax.

Mberaand 19:13

yaam xan i yaq teeru fene. Paaxeer ke no we ngenna teen a magna lool mbaambir no Yaal oxe. Ten taxu o Yaal oxe a luliid a in, ndax i yaqin pic.»

1 Sami’el 2:17

Neene, xa ƥiy axe Eeli a tooñooga o Yaal oxe tooñ maak, yaam niw’ee sadax ke ƥoxotoogeena o Yaal oxe.

Yeremi 23:14

Ke ga’uuma no duleer we Yeerusaleem koy moƴu o sednoox. Kaa seeqaa, a ngen na xa maaƥ, a saƭakinaa we na mbi’aa paaxeer, ndax o leng feskee kañaan um a cinj. Den fop kaa nandaam nen wiin we Sodoom, we ngenna Yeerusaleem a nandaam nen we Gomoor.»