Mberaand 13:10 - NQAARIIT NE ROOG

¹⁰ Lot a ƴooklooxa, a ga joor fee no xuluɓ ole Yordaan a xuƥ sap. Yaaga o Yaal oxe yaqafulee a Sodoom fa Gomoor, a ret’a boo Sowaar a nand nen a ƭing no Yaal oxe, nen saax laa Misira.

Mberaand 13:10 Referans Kwoze

A cangatin ale 34:3

me farna no ɓemb-roog o ñamaak fo a coonand ale no xuluɓ ole Yordaan, a yulanq ale xotitna Yeriko, teeru fee no keec ke, boo Sowaar.

Esayi 51:3

O Yaal oxe xan a yaal a Siyoŋ, a yaal yaqatin ke ten fop. Xan a fi boo o mbiñ onqeene fesna a pec a nandat nen a Edeen, o tan oleene a nandat nen a ƭing ale no Yaal oxe. Baneex fo o ɗaay xan a ngen teen, a tagas fo fangax a kim a niwir a njibit teen.

Mberaand 14:8

Maaga, o maad oxe Sodoom, oxe Gomoor, oxe Adma, oxe Seboyiim fo xe Bela refna ref Sowaar a mbokatoora soo a njagandooxanit a ñoq ale na yulanq alaa Sidiim.

Yowel 2:3

Fiɗel laa na raaɓaa adooxanun, soo aal laa na sooynaa a fodin a cinj. Saax le kaa ref mbaambir um nen a ƭing ale Edeen, soo a suurangaa, ta ref nen a koƥ-a-ƥor alaa naagna halit, too dara daɗee a den.

Mberaand 14:2

a mbokatoora, a nqire’ik fa Beera fee o maad Sodoom fa Birsa fee o maad Gomoor fa Sinab fee o maad Adma fa Semebeer fee o maad Seboyiim fo o maad oxe no saax le Bela refna ref saax le na xoyeel Sowaar.

Heseki’el 28:13

Kaa o reeƭu kam Edeen, a ƭing ale Roog. Kaa o muuroox’u fo a ƥil a cafeñu akuu ndefna: sarduwaan, topaas, jamaa, kirisolit, onik, yaspe, safiir, eskarbuukle, emerod fa wurus. A ñal ake wo fo a liit ake wo, wo a ndefan’u, a njagandan’el bes fee sakee’oona.

1 Maad we 7:46

No njanaaw o maad oxe a jawnit’u a den na xa saawit axaa Yordaan ndeer Sukot fa Sartan.

Heseki’el 31:8

Taxar seedar ke na ƭing ale Roog yookoogiran, pilaawo ke mbodir’ee fo a naaq ake ten, too taxar palataan ke nand’ee fa xa laag axe ten. Ndaxar leng na ƭing ale Roog fodir’ee fo ten o mosel.

Yeremi 48:34

Xa buuq axe no we Hesebon a njiba boo Eleyale. O ñuxur den a nannooxa boo Yahas, a xotit Sowaar boo Horonayim, boo Eglat-Selisiya. Poofi ke Nimrim sax a ŋiisa.

Esayi 15:5

Kam es kaa fag yaam Mowaab. We ƥostooxna no ten a ƈufa boo Sowaar fa Eglat-Selisiya. Kaa da ŋaayaa na teeru faa Luhit, a loolaa, soo na ƭat ale Horonayim da njibnaa xa paɗax.

A kim a tedu ke 107:34

lanq qaaɗu ke, ta supit a den o tan yaam kañaan no we ngen’ina teen.

Mberaand 6:2

xa ƥiy xa koor axe Roog a nga’a yee xa ƥiy xa tew axe no wiin we a mosa lool, a ndalfooxa o njil na xa ƥiy xa tew axeene rew, a ngilig a den.

Mberaand 3:6

O tew oxe a ga’a yee xa tim axe no ndaxar ne kaa mos bo too a yaawnoox, ne’atiim da mbaag o cooxit yiif. A dalfooxa o woq na xa tim axe, a moɗ, soo a ci o kor oxe ten reeƭna paam um ta moɗ itam.

Mberaand 11:27

Keeke ndefu a kon ake na xa taan axe Teerax: Teerax rimu a Abram, Nakoor fa Haran, soo Haran a rim a Lot.

Mberaand 13:9

Saax le fop oxey mbaambir of! Retani a xoox of boog. O xotangaa na janoon, um xot na ñamaak, o xot na ñamaak, um xot na janoon.»

Mberaand 13:11

Lot a jilana a xoox um boog joor fee no xuluɓ ole Yordaan fop, soo a xot farna fo batand. Neene a nqaajoortu a ndeer den.

Mberaand 47:6

saax le Misira yoo xeene, dalni a faap of fo fog faap we wo no mbiñ onqe moƴna o faax no saax le. Fat a ngen boog no jegel olaa Goseen, too a soƥangaa yee a jega na den waa mbaagna o saq xa siir axe mi, dalni a den da saqin.»

Ke bindeena no xe ne’eena YOB 40:23

O koroŋ ole a jegangaa doole yoo, firɓandkiran. A ƈufnand ake a laxaaɓangaan sax oo, taxkee ta jaaxiɗ.

Heseki’el 16:46

O maag of o tew oxe gartoonga no ɓemb-roog o janoon refu Samari fo xa ƥeem xa tew, soo o ndeɓ of o ndew onqe gartoonga no ɓemb-roog o ñamaak a ref a Sodoom fo xa ƥeem xa tew.

Heseki’el 16:49

Keeke refu tooñ ne Sodoom fee o ndeɓ of o ndew: Kaa magnandoox’u, a ñaam kupu, a yaadoox, ten fo xa ƥeem xa tew, too dif’oogee xa ƥay no toroxu xe fo o ndool onqe.

Heseki’el 31:9

Kaam mosandit’un a naaq a mayu ke ten, boo taxar ke Edeen fop, kam a ƭing ale Roog a siisan.»

Heseki’el 47:18

O ŋat ole no batand xan a xotit no mbiñ onqe refna ndeer Damaas fa Hawran, a joon fo o xuluɓ ole Yordaan, ndeer o jegel ole Galaad fo saax le Isra’el, soo a ret boo Tamaar no maag o Xanju le. Keene na refkaa o saax ole no batand.