Mberaand 12:9 - NQAARIIT NE ROOG

⁹ Abram a dakooxa ref na ñaaƈ, a jagin no ɓemb-roog o ñamaak.

Mberaand 12:9 Referans Kwoze

Mberaand 13:3

A jangoorta no ɓemb-roog o ñamaak, a garaa boo a fadiid Betel, no mbiñ onqe ta eet’ina o sip ƭiif ne ten, ndeer Betel fa Ay,

Mberaand 24:62

Isaak koy a nomtoortiid’a na ngas alaa Laxay-Ro’i, soo a genaa no saax laa no ɓemb-roog o ñamaak.

Mberaand 13:1

Abram a nomtoortiida Misira, a sag no ɓemb-roog o ñamaak ole Kanaan, ten fo o teem fo ke ta jeg’ina fop. Lot a yoona fo ten.

A kim a tedu ke 105:13

Kaa njoqooyooxoogu a ndeer saax fo saax, a ndeer maat fo ngend um.

Mberaand 20:1

Abraham a inoora no jegel olaa ta reeƭna ndax ta ret no ɓemb-roog o ñamaak. A dala ndeer Kades fa Suur. A reta Geraar, a refaa maaga o gataakoon.

A lim ale 13:17

Ye Moyiis a lulaa goor weene, ndax da ngorook saax le Kanaan, a laya a den ee: «Fat nu ndoktin no ɓemb-roog o ñamaak, cinj kaaga nu ŋaay took xa coong axe.

A cangatin ale 1:7

Ndiiki koy, nqotyo a ƭat, ndet na xa coong axaa no Aa-amori we fo xa piisel axe mbidna a den Kaakanaan we a ngenna, ndefna xa saawit axe Yordaan fo o jegel ole na ñaang ake fo le na yulanq ake fo me farna no ɓemb-roog o ñamaak fo na ƥeeraamb ale no maag ole Mediterane. Fat nu suur sax boo na xa coong axaa Libaŋ fo no xuluɓ o maak olaa Ofrat.

Esayi 30:6

«Ke na dalkaa muumeen ke na koƥ-a-ƥor ale no ɓemb-roog o ñamaak: Kaa da nqaañaa saax le no coono ke fo naqad ke, me cogoy tew fo koor a ñoowaa fo a sax fa Niŋki-naŋka fee na yetaa, a suf na xa paam kalal den, soo paax ke da njegna, da sufin no keeleemb, a ƥisin xeet faa jeganeerna a den o njiriiñ o leng.

Mberaand 20:13

Ye Roog a joqooynooraxam maa goƭna mbind faap es, kaam lay a Saara yee: ‹Keeke refu ke um xeɗang. Muu i ndetna fat o lay ee o camin of refum.› »