Mberaand 12:8 - NQAARIIT NE ROOG

⁸ Cinj kaaga, a ɗisa ƭiif ke ten, ndax ta ret na xa coong axaa no batand naa Betel. A sipa ƭiif um ndeer Betel refna no mudand fa Ay refna no batand. A maxana o Yaal oxe maaga o sadaxand, soo a ƴufginoor gon le no Yaal oxe.

Mberaand 12:8 Referans Kwoze

Nehemi 11:31

We mbogna na carind ale Bensame a ngenooga Geba, Mikmas, Aya, Betel fo ke widuuna,

Mberaand 4:26

Set itam a rima o ƥiy o ngoor, soo a ne’in Enos. No kaa xotitna maaga, gon le no Yaal oxe a reefu a ƴufginooreel.

Mberaand 21:33

Abraham a jimba purndu kam Beer-Seeba. A ƴufginoora gon le no Yaal oxe Roog fee na refkaa boo faw.

1 Korint 1:2

In we simnaa a nuun, nuun mbokatax ne no gimu we ngenna kam teeru fee Korint fop, nuun we Yeesu Kiristaa a tedlandna, a xoy a nuun, ndax nu mbog no ten, simnaa itam fop we na ƈufginooraa gon no Yaal in Yeesu Kiristaa fo muu da mbaagna o ndef.

Mberaand 28:19

A ne’a o mbiñ onqaaga Betel, ndaa Luus a ne’’e eetaand.

Mberaand 13:4

me ta max’ina o sadaxand yaaga. Abram a ƴufginoora gon le no Yaal oxe no mbiñ onqaaga.

A pi ake 2:21

A koom, oxuu ƴufginoorna gon le no Yaal oxe, xan a muc.›

Esayi 10:28

O pañ oxe xan a fadiid Ayat, a xaƴ njogol um Mikmas a cinj ye ta reefna Migron.

A kim a tedu ke 116:4

Kaa koy, ƴufginooraam gon le no Yaal oxe yee: «Wo o Yaal oxe, mucli o laaw es!»

Yosuwe 18:22

Bet-Araba, Semarayim, Betel,

Yosuwe 8:17

O koor o leng yoq’ee kam Ay. A ndaaba Ii-isra’el we, a nqaƴ teeru faa boo jegatee waa nqoxtuuna.

Yosuwe 8:3

Yosuwe a inooxa fo xiixire we fop, ndax ta songik teeru fee Ay. A jila xiixire cuni qarɓeen tadik waa ndefna cambaar ƥor, a hebil a den o yeng,

Yosuwe 7:2

Yosuwe a lulta goor Yeriko, ndax da ngorook teeru fee Ay refna no batand naa Betel paam Bet-Awen. Ye weene a ngorooxuuna,

Mberaand 35:3

Xan i inoox, ndet Betel. Xam maxan maaga o sadaxand a Roog fee ƴufig’axama a koom alaa fa naqad es too a reeƭu fa mi na ñaaƈ ale mi.»

Hebre 11:9

O ngim tax’u ta jaɓ o ñoowaa nen o gataakoon no saax laa Roog a reg’uuna. Kam ƭiif a genoogu nen a Isaak fa Yakoob we ndaaw’ina ndegit leng neene na Roog.

Mberaand 8:20

Nowe a maxana o Yaal oxe o sadaxand, a xot no muumeen qoolu ke fop fo no tiiƭ qoolu ke soo a ɓoxot sadax toxel took o sadaxand ole.

Mberaand 13:3

A jangoorta no ɓemb-roog o ñamaak, a garaa boo a fadiid Betel, no mbiñ onqe ta eet’ina o sip ƭiif ne ten, ndeer Betel fa Ay,

Mberaand 13:18

Maaga, Abram a ɗisa ƭiif ke ten, a geniid no kariñ ke Mamre paam Hebron, a maxan o Yaal oxe maaga o sadaxand.

Mberaand 22:9

Ye da mbadiidna no mbiñ onqe Roog a layuuna, Abraham a fi’a o sadaxand, soo a doon xa cuuƭ axe took fee. Cinj kaaga, a dura a Isaak fee o ƥeem, soo a doonin took xa cuuƭ axe no sadaxand ole.

Mberaand 26:25

Isaak a maxa maaga o sadaxand, a ƴufginoor gon le no Yaal oxe, soo a sip maaga ƭiif um. Dag we ten a mbaqahina maaga a ngas.

Yosuwe 8:9

Yosuwe a hebla a den da ndet. A ndeta, a ƥeng no mudand naa Ay ndeer um fa Betel. Yosuwe o mat fo we yoqna no xiixire we a mbe’a no saŋe naa.

Yosuwe 8:12

Yosuwe a jila ngap goor cuni ƥetik soo a hebil a den da ndet, a ƥeng no mudand naa na teeru faa Ay, ndeer um fa Betel.

1 Sami’el 30:27

Dawid a lulta ci’it no maak we Betel fo no we Ramot garitna no ɓemb-roog o ñamaak fo no we Yaatir

Mberaand 31:25

Laban boog a daawa a Yakoob. Yakoob kaa sip’u ƭiif um no joong olaa, Laban fo fog um itam a sip ƭiif den no joong olaa Galaad.

Mberaand 33:20

A maxa taaga o sadaxand, soo a ne’in El-Elohe-Isra’el.

Mberaand 35:7

A maxa o sadaxand, soo a ne o mbiñ onqaaga El-Betel, yaam maaga Roog a feeñoor’un ye ta ƴufaa o maag um.

A sutax ale 17:15

Moyiis a maxa o sadaxand too a ne’aan: «O Yaal oxe refu a laay es.»

Yosuwe 8:30

Maaga, Yosuwe a maxana o Yaal oxe Roog fee Isra’el o sadaxand took o joong olaa Ebal.

Yosuwe 22:10

Ye da mbadiidna na coonand ale Yordaan too a maad’u o ndefaa kam saax le Kanaan, a maxa maaga o sadaxand o ga’nooxu.

Haahate we 6:24

Gedeyon a maxana maaga o Yaal oxe o sadaxand, a ne’in «O Yaal oxe refu jam». Boo xaye o sadaxand olaaga a maada Ofra fee a qaw ale Abiyeseer a njegna.