Mberaand 12:7 - NQAARIIT NE ROOG

⁷ O Yaal oxe a feeñooxa a Abram, a layin ee: «Saax leeke, xam ci’in xa taan of.» Abram a maxana o Yaal oxe o sadaxand no mbiñ onqe ta feeñoor’uuna.

Mberaand 12:7 Referans Kwoze

Galati 3:16

Ke regteena koy, Abraham fo o ndaan um njegun, yaam a Pind a Tedu ke layee yee «fo xa taan um» nen yaa ta jeg’ina xa taan xa mayu, ndaa o leng kut a ne’oogu, ye ta layna yee «fo o ndaan of», ta ref Kiristaa.

Mberaand 17:8

Xam ci’ong, wo fo xa taan of, saax lene refiidoona o gataakoon, saax le Kanaan fop, too xam ref Roog den.»

Mberaand 17:1

Ye Abram a jegna xa kiid qarɓeen ɓetuu nahik fo xa kiid ɓetaa nahaq, o Yaal oxe a feeñooxaan, a layin ee: «Mi refu Roog o Cegu katil oxe. Ñaaƴti o cofel mbaambir es boog!

Mberaand 18:1

O Yaal oxe a feeñooxa a Abraham no kariñ kaa Mamre, a soƥ ta moof paam ndokand ne no ƭiif um njoloor o mbuc. Neeke a feeñoorit’un.

Mberaand 13:15

Saax le o ga’aa, xam ci’ong o ten, wo fo xa taan of boo faw.

Mberaand 13:4

me ta max’ina o sadaxand yaaga. Abram a ƴufginoora gon le no Yaal oxe no mbiñ onqaaga.

Mberaand 13:18

Maaga, Abram a ɗisa ƭiif ke ten, a geniid no kariñ ke Mamre paam Hebron, a maxan o Yaal oxe maaga o sadaxand.

A sutax ale 33:1

O Yaal oxe a laya a Moyiis ee: «Inooxyo mene too nqot a ƭat, wo fa xeet fee sutoona saax le Misira. Ndetyo no saax le daaɓooxuuma yee xam cooxin xa taan Abraham fa Isaak fa Yakoob.

Mberaand 32:30

Yakoob a laamtaan ee: «Nam ne’ee koy?» O koor oxe a doonaan ee: «Xar o laamtaa no gon es?» Cinj kaaga, a barke’taan maaga.

Mberaand 26:25

Isaak a maxa maaga o sadaxand, a ƴufginoor gon le no Yaal oxe, soo a sip maaga ƭiif um. Dag we ten a mbaqahina maaga a ngas.

A lim ale 32:11

‹O leng no goor we sutoorna Misira too a njeg xa kiid qarɓeen ƭik a jof took, ga’kee saax le reguuma fo a taaƥ a Abraham fa Isaak fa Yakoob, yaam ndeefiraam fo ngor.

Mberaand 12:8

Cinj kaaga, a ɗisa ƭiif ke ten, ndax ta ret na xa coong axaa no batand naa Betel. A sipa ƭiif um ndeer Betel refna no mudand fa Ay refna no batand. A maxana o Yaal oxe maaga o sadaxand, soo a ƴufginoor gon le no Yaal oxe.

Hebre 11:13

Wiin weene fop a nqona kam o ngim onqe. Ndaawee paax ke Roog a reg’ina a den. Den fa qoox den sax a laya yee genar fo waa laqooxiidna na adna feeke a ndefu. Kaa ƈookoogu paax keene koƭu, soo a simnaa a den.

O leetar ole Pool a bindna GIMU WE NGENNA ROM 9:8

Keene kaa tekit ee fog no tim ole Abraham soom taxee o ref o ƥiy Roog. Xa ƥeem ndefu we mbogna na tegit ale, too sax weene a ƭeete tigi nen xa taan axe Abraham.

Mberaand 22:9

Ye da mbadiidna no mbiñ onqe Roog a layuuna, Abraham a fi’a o sadaxand, soo a doon xa cuuƭ axe took fee. Cinj kaaga, a dura a Isaak fee o ƥeem, soo a doonin took xa cuuƭ axe no sadaxand ole.

Mberaand 17:3

Abram a dalfooxa o gung a lanq, soo Roog a layin ee:

Mberaand 15:18

A koom o Yaal oxe a dalna ngiɓoor fa Abram ee: «Saax leeke, ci’aanum xa taan of no ke xotitna no xuluɓ olaa Misira boo no xuluɓ o maak olaa refna ref Ofrat,

Galati 4:28

Yaaga koy fog es, xa teɓandoong Roog nu ndefu no ndegit ne, ne Isaak a refit’uuna.

A cangatin ale 30:20

Mbexyo o Yaal oxe Roog nuun, nanan o ñuxur um soo ndamoox no ten, yaam no keene o ñoow nuun fo o xuuɗ-o-ñis nuun a ngaɗooxu, too neene nu mbaagkaa o ngenit kam saax le o Yaal oxe a daaɓooxna fo daan nuun Abraham fa Isaak fa Yakoob ee xan a ci’in a den.»

A cangatin ale 6:10

«O Yaal oxe Roog nuun xan a rokin a nuun kam saax le ta daaɓoox’ina fo daan nuun Abraham fa Isaak fa Yakoob ee xan a ci’in a nuun. Xan nu njeg teen teeru maak mosu kaa nu maxeerna

A cangatin ale 1:8

Keene refu saax le ci’uuma a nuun. Ndetyo njang saax le reg’uuma a Abraham fa Isaak fa Yakoob, mi o Yaal oxe, daaɓoox o ci’in a den, da njegkin, den fo xa taan den.› »

A sutax ale 6:3

Feeñooxaam a Abraham fa Isaak fa Yakoob nen a ‹ROOG O CEGU-KATIL OXE›, ndaa koy, andnooriim a den ke gon es le refna ‹O YAAL OXE› a tekitna.

Mberaand 33:20

A maxa taaga o sadaxand, soo a ne’in El-Elohe-Isra’el.

Mberaand 28:13

O Yaal oxe koy, kaa geenoox’u paam um, soo a layaa yee: «Mi refu o Yaal oxe Roog fee no taan of Abraham, Roog fee Isaak. Lanq ke wondooxoona, xam ci’ong a den, wo fo xa taan of.

Mberaand 26:3

Moofi no saax lene. Xam ref fa wo, too xam barke’ong, yaam cooxe kene fop, xam cooxong o ten, wo fo xa taan of, too xam gay a taaƥ ale fi’uuma fa Abraham fee faap of.

Mberaand 8:20

Nowe a maxana o Yaal oxe o sadaxand, a xot no muumeen qoolu ke fop fo no tiiƭ qoolu ke soo a ɓoxot sadax toxel took o sadaxand ole.

A pi ake 7:5

Roog ci’iran dara kaa ta warna o jeg no saax le mbaat maa ta doonna o jaf um sax. Kaa koy, a regaan ee xan a ci’in o ten, xa taan um a njegkin a cinj um. Yaaga Abraham jeg’ee o ƥiy sax.

Hebre 11:8

O ngim tax’u Abraham a jaaɓ o xoy ole Roog, a ret no saax jan le Roog a reg’uuna. Naaga, Abraham a reta, too andee me ta hakkaa.

Mberaand 24:7

O Yaal oxe Roog fee na asamaan suttaxama no mbind faap es fo no mbaafaap es, a layaam fo a taaƥ ee: ‹Saax lene xam ci’in xa taan of!› ten fa xoox um xan a heblanong malaaka um ta adooxanong. Maaga boog, o waaƭanitkaa o ƥees o tew.

A sutax ale 6:4

Dalnaam ngiɓoor fa den, ndax um coox a den saax le Kanaan, saax le da ngenoogna, a ndef teen xa kataakoon.

A sutax ale 32:13

Wetandooxi a Abraham fa Isaak fa Isra’el, dag we wo daaɓooxoona wo fa xoox of ee: ‹Xam saqtin xa taan nuun, da mayit nen xa qoor axe na asamaan, coox a den saax le regtuuma, da njegkin boo faw.› »

A cangatin ale 9:5

Refee muk ee nu njarin mbaat a qeeñ a cofu nuun taxu nu njang saax le den, njegkin. Coxod ne no qeet keene mat fo ke o Yaal oxe Roog nuun a daaɓoox’ina fo daan nuun Abraham fa Isaak fa Yakoob taxu ta raxit a den mbaambir nuun.

A cangatin ale 34:4

Maaga, o Yaal oxe a layaan ee: «Keene refu saax le daaɓooxuuma fa Abraham fa Isaak fa Yakoob ee xam ci’in xa taan den. Lalaaxoong o ten na kid of, ndaa rokkiro teen.»

1 Caloori ke 16:16

Ten refu ngiɓoor ne ten fa Abraham, soo a woornitin a Isaak fo a taaƥ.

Mberaand 13:17

Inooxi o wid saax le bo ta xet, yaam xam ci’ong o ten.»

Mberaand 28:4

Yaasam Roog a ci’ong barke fee Abraham, wo fo xa taan of, ndax o jegik saax le refoona o gataakoon, too ta ci’in a Abraham.»

Mberaand 35:7

A maxa o sadaxand, soo a ne o mbiñ onqaaga El-Betel, yaam maaga Roog a feeñoor’un ye ta ƴufaa o maag um.

Mberaand 35:12

Xam ci’ong saax le ci’uuma a Abraham fa Isaak, too xam ci’in xa taan of.»

Mberaand 50:24

Yoseef a laya fog faap we ten ee: «Andaam ee ndiiki um dab daan es. Kaa koy, a woora yee xan Roog a ƴufgiid a nuun, soo a sut a nuun no saax lene, a ɓis a nuun no saax le ta daaɓooxna yee xan a ci’in a Abraham fa Isaak fa Yakoob.»

A sutax ale 17:15

Moyiis a maxa o sadaxand too a ne’aan: «O Yaal oxe refu a laay es.»

A sutax ale 24:4

Moyiis a binda fop ke o Yaal oxe a lay’uuna. No feet olaa, a inooxa ƥiiɓ cuc, a max o sadaxand na caf ale no joong ole, a dendand maaga a ƥil xarɓaxay fo a ƥil a ƭak, luu refna teen a refan a carind na carind xarɓaxay fo a carind a ƭak ake na xeet fee Isra’el.

A lim ale 26:53

«Fat o las a carind akeene saax le, reefandin no ne wiin den a mbodna.

Yosuwe 1:6

Saƭakinooxi too saq njambaar, yaam wo o mat na xaajrandkaa xeet fene saax le daaɓooxuuma fo daan den ee xam ci’in a den.

Yosuwe 8:30

Maaga, Yosuwe a maxana o Yaal oxe Roog fee Isra’el o sadaxand took o joong olaa Ebal.

Yosuwe 22:10

Ye da mbadiidna na coonand ale Yordaan too a maad’u o ndefaa kam saax le Kanaan, a maxa maaga o sadaxand o ga’nooxu.

Haahate we 6:24

Gedeyon a maxana maaga o Yaal oxe o sadaxand, a ne’in «O Yaal oxe refu jam». Boo xaye o sadaxand olaaga a maada Ofra fee a qaw ale Abiyeseer a njegna.

1 Sami’el 7:17

Cinj kaaga, a gatooga Rama, me mbind um a reeƭna. Maaga a ɗoxtoogu xeet fee Isra’el, a maxan maaga o Yaal oxe o sadaxand.

2 Sami’el 24:25

A maxana maaga o Yaal oxe o sadaxand soo a ɓoxot sadax toxel fo sadax camsa’oor. Maaga, o Yaal oxe a yirma saax laa Isra’el, soo taamaala fee a finqoox.

1 Maad we 18:32

Fo a ƥil akaaga a maxana o Yaal oxe o sadaxand, a waq me widuuna a ƥaaxaand alaa waagna o yip ngap xa liitar qarɓeen ƥetik.

1 Caloori ke 16:18

ye ta layna yee: «Xam cooxong lanq ke Kanaan, o jegkin, wo fo xa taan of.»

2 Caloori ke 20:7

Wo refu Roog in fee raxna we ngen’ina no saax leeke mbaambir Isra’el fee xeet of, soo ci’in xa taan axe Abraham mbexoonga da njegkin boo kili.

2 Caloori ke 20:11

ga’angi ke da ndabdiidna a in, a ngara ndax da ndaxit a in no lanq ke ci’oona a in.

Esdaraas 3:2

Yesuwa fee o ƥiy Yosadak fo fog um saasadax we, Serubabel fee o ƥiy Se’alti’el fo fog um a inooxa soo a maxatin o sadaxand ole Roog fee Isra’el, ndax da ƥoxot teen sadax toxel, ne kebil ke Moyiis fee o kiin Roog a simtituuna.

Yeremi 3:18

A koom, we Yudaa xan a soƥik we Isra’el, soo den fop da yoonandoortiid no saax le no ɓemb-roog o janoon, a njagin no saax le ci’uuma daan nuun nen lamatir.»