Mberaand 12:5 - NQAARIIT NE ROOG

⁵ A xota a Saarayi fee o teem fa Lot fee o ƥiy no ndeɓ um fo kalal ke da njeg’ina fop fo faɗ we da njegit’ina Xaraan. A inooxa soo a ndet no saax le Kanaan. Ye Abramiin a mbadiidna no saax le Kanaan,

Mberaand 12:5 Referans Kwoze

Mberaand 14:14

Ndak fo ndak, ye Abram a yegna yee o pog um kaa ɓisel took o hup doole, a fokata goor teemeed tadik fo goor xarɓaxay fo goor ɓetuu daduk no we moƴna o njambaar no dag we ten ndimteena no mbind um, soo a daab maad waaga boo Dan.

Mberaand 11:31

Teerax a xota a Abram fee o ƥeem fa Lot fee o ndaan um fa Saarayi fee o seemir um refna o tew Abram. Den fop a inoora Uur fee no Kaakalde we, ndax da ndet no saax laa Kanaan. A mbadiida Xaraan, soo a ngenaa maaga.

A pi ake 7:4

Na waxtu faaga sax, Abraham a sutooxa saax laa no Kaakalde waa, soo a genik na teeru faa Xaraan. A cinj ye faap um a ñakna koy, Roog a sektiidaan no saax leeke nu ngenna ndiiki.

Mberaand 14:21

O maad oxe Sodoom a laya a Abram ee: «Ngela ɓoxotaam wiin es, jang halal fee!»

Mberaand 10:19

O fiisel ole no Kaakanaan we oxaa xotta Sidoŋ, a sag Geraar boo a damik Gaasa, a puloox a jagin Sodoom, Gomoor, Adma fa Seboyiim boo a damik Lesa.

Mberaand 13:5

Lot fee yoonoogna fa Abram a jeg’a itam a ked fo xa siir fo ƭiif.

Mberaand 13:6

Saax le da ndeeƭna deyee a den ndax da mbokatoor yaam o jeg ole den kaa may’u boo mbaag’ee ndef o mbiñ o leng.

Mberaand 28:10

Yakoob a inoora Beer-Seeba, a waasooxan a Xaraan.

Mberaand 36:6

Esawu a xota rew we ten, xa ƥiy xa koor fo xa tew axe ten, wiin mbind um fop, xa siir axe ten fo kalal ke ta jeg’ina no saax laa Kanaan fop, soo a xot a ƭat, a ret no saax lakas maa goƭna a Yakoob fee o ndeɓ um.

A paɗax ale 22:11

Kaa koy, o paɗ oxaa o saasadax oxe a jikitna xaaliis fo we ndimteena no mbind um itam, a mbaaga o ñaam no ñaamel ke ten.

Mberaand 11:27

Keeke ndefu a kon ake na xa taan axe Teerax: Teerax rimu a Abram, Nakoor fa Haran, soo Haran a rim a Lot.