Mberaand 12:2 - NQAARIIT NE ROOG

² Xam sutit na wo xeet fa maak, too xam barke’ong. Xam fi’ong o yaal gon maak, too a cur barke tigi o refkaa.

Mberaand 12:2 Referans Kwoze

2 Sami’el 7:9

Muu retoogoona, kaam refoogu fa wo, saŋkaa fañ we wo fop mbaambir of, too xam fi gon of a siwit nen a kon ake no wiin maak we ndefna no lanq ke.

Galati 3:14

Neene we ndefeerna Yaawuur a ndaawtaa na Kiristaa Yeesu barke fee Abraham a barke’eena, too in itam, i ngimangaa, xan i ndaaw Yiif le Roog regteena.

Mberaand 18:18

Xan Abraham a ref o taan no xeet fa maak fa njegu doole, too qeet ke no lanq ke fop no ten a mbarke’itkeel.

Mberaand 35:11

Roog a layaan ee: «Mi refu Roog o Cegu katil oxe. Xam ci’ong xa ƥiy fo xa taan xa mayu. Saax fa xeet fa muum sax xan a mbaqaqoor na wo, maad a sutoor na wo.

Mberaand 46:3

Roog a layaan ee: «Mi refu Roog, Roog fee na faap of, ba o saɗar o ret Misira, yaam maaga um fi’itkang o refat xeet fa maak.

Mberaand 26:4

Xam mayƭand xa taan of, da mayit nen xa qoor axe na asamaan. Cooxe kene fop, xam ci’in xa taan of, too qeet ke no lanq ke fop na xa taan of a mbarke’itkeel,

Mberaand 24:35

O Yaal oxe a barke’a o yaal mbind es, too o kiin o maak oo ndiiki. O Yaal oxe a ci’aan a ked fo xa siir, xaaliis fa wurus, dag fo jeefeer, keeleemb fo xa paam.

Galati 3:7

Yaaga koy, fat nu and xil ee we njegna o ngim ndefu xa taan Abraham tigi.

A sutax ale 1:7

Kaa koy, Ii-isra’el we a ndimatira, a mayat bo. A ƥaatooxa too a moƴa o njeg doole. Maaga, a suxa saax le fo wiin.

Mberaand 13:16

Xam fi xa taan of a mayit nen pep lanq, a may boo mbaagkaand o lim ne pep lanq a mbaagaandeena o limit.

Mberaand 15:5

A ɓisaan tafil faa soo a layin ee: «Limi xa qoor axe, o waagangaa lim a den!» A ɓaata teen ee: «Neene mat xa taan of a mbodkaa!»

A cangatin ale 26:5

Maaga, fat nu layahin mbaambir no Yaal oxe Roog nuun ee: ‹O taan in kaa reeƭu o Aa-araam oxaa na molaa, too wiin leng-leng soom a yoonit’u, ye ta retaa Misira ndax ta ñoow maaga nen o gataakoon. Kaa koy, a ndeeƭata maaga xeet fa maak fa njegu doole too a may.

A sutax ale 32:10

Ndiiki koy, xaƴaam fa den, xam fuuxan a den, xuuf xa ñis den soo sutit na wo xeet fa maak.»

Mberaand 28:14

Xa taan of xan a mayit nen pep lanq. Xan a ndal no ke xotitna no batand boo no mudand, fo no ke xotitna no ɓemb-roog o janoon boo no ɓemb-roog o ñamaak. Qeet ke no lanq ke fop no xaa faqaqoorna na wo a mbarke’itkeel.

Mberaand 27:29

Yaasam qeet a ƥoxotoox na wo, a saax ake a ngungaa mbaambir of! Yaasam o ref o yaal no fog of, we fogtoona yaay a ngungaa mbaambir of. Yaasam oxuu salooxoonga a salooxel, soo oxuu xeɗanoonga barke a barke’el!»

Mberaand 19:29

Ye Roog a saŋkaa teeru ke no jegel olaaga Lot a gen’ina, a wetandooxa a Abraham, soo a ci a Lot ta daɗ yaq faaga.

O leetar ole Pool a bindna GIMU WE NGENNA ROM 4:11

Cinj ye ta gimna boo a ƴut, a daawa nquc ne nen o ñaas. Kaa reeƭu o anddiloor no cofel ole ta daawit’ina na pexey o ngim um yaaga xucooxafulee. Abraham reeƭatu o taan no we nqucooxeerna fop, too a ngim na Roog, ndax da ƭeetel nen jofu.

A lim ale 14:12

Xam xawit a den piste soo tas a den. Kaa koy, xam sutit na wo xeet faa moƴna o magin fene too a moƴin o jeg doole.»

1 Maad we 1:47

Dag we no maad oxe a ngara, a ndokle’iid o maad Dawid, a layaa yee: ‹Yaasam Roog a fi boo gon Salomo a moƴ o joot le wo, a ci maat um o ndam onqaa hupna onqe wo!› Maaga, o maad Dawid a gunga no njong um,

Mise 7:20

Xan o lal xa taan axe Yakoob ngor of, feeñil we mbaqaqoorna na Abraham o mbeq of, ne daaɓoortanoona fo daan in no camaane kaa yaaga.

Mberaand 18:19

Feek kaam jil a Abraham, ndax ta hebil xa ƥeem fo wiin mbind um da ngayaa a ƭat ale no Yaal oxe, a ndeefaa a ƭat fo o cofel, xam fadnanin a tegit ake fi’ananuuma.»

Mberaand 24:1

Abraham a nogoy’ata lool, too o Yaal oxe a barke’aan no kuu refna.

Mberaand 25:11

A cinj fa nqon fee Abraham, Roog a barke’a a Isaak fee o ƥeem gen’atna paam a ngas alaa Laxay-Ro’i.

Mberaand 26:3

Moofi no saax lene. Xam ref fa wo, too xam barke’ong, yaam cooxe kene fop, xam cooxong o ten, wo fo xa taan of, too xam gay a taaƥ ale fi’uuma fa Abraham fee faap of.

A lim ale 22:12

Kaa koy, Roog a laya a Balam ee: «Yoonkiro fa den too salooxkiro xeet feene, yaam barke’aanum.»

A lim ale 23:20

Mi, kaa um heblel, ndax um barke xeet fene. Roog a barke’aan, yaaga koy, supitkiim teen dara.

A kim a tedu ke 107:38

O Yaal oxe a barke’a a den, da mayat, too xaƴee cegel den da kasaara’oox.

Heseki’el 34:26

Xam fi a den fo me widna ñaang le mi a cur barke. Xam hebliid a teƥ ale na waxtu um, too xan a ref a teƥ barke.

Sakari 8:13

Nuun mbind Yudaa fo nuun mbind Isra’el, ne nu ndefit’ina saloor a ndeer qeet ke, neene nu ndefitkaa we na mbarke’tateel, a cinj yaa um mucilkaa a nuun. Ba nu saɗar dara ndaa saqyo njambaar!

Mberaand 17:20

No kaa farna na Isma’el koy, nanaaxoong, xam barke’in, ci’in xa taan xa mayu. Xan gelwaar xarɓaxay fo gelwaar ɗik a ngat no ten, too xam fi no ten xeet fa maak.

Ke bindeena no xe ne’eena YOB 35:8

Kañaan ne wo de, o kiin nen a wo doŋ a waaganu tig. O cofel of o mbindeef soom a jeganu o njiriiñ.

Esayi 51:2

Ƭeetyo Abraham fee o taan nuun fa Saara fee axna a nuun. Abraham jeg’ee o ƥiy o leng ye xoyanuuma, ndaa barke’aanum, fi’in o taan na xeet fa maak.»