Mberaand 12:10 - NQAARIIT NE ROOG

¹⁰ Biim a yena kam saax le, soo Abram a ret Misira ndax ta moof maaga, yaam biim le kaa ɗom’u lool no saax le.

Mberaand 12:10 Referans Kwoze

Mberaand 43:1

Biim le kaa moƴ’u moƴ o ɗomaa no saax le.

A pi ake 14:22

A ndif’ooga a qeeñ ake no daalbe we, a saƭakinaa a den da sax no ngim onqe, too a layaa a den ee: «Kaa i mbar o ngom coono mayu, soo ndokkaa no Maat ne Roog.»

A pi ake 7:11

Maaga, biim a rokiida kam saax laa Misira fo laa Kanaan. Xij le a magin’a lool, too daan waa in njeg’atee kaa da ñaamna.

YEGIL MBAAX NE YEESU ne Saŋ a bindtuuna 16:33

Kaam lay a nuun keene, ndax nu njegit jam na mi. Xan nu njeg coono maak na adna fee, ndaa koy saƭakinooxyo, yaam mi gartu adna fee took.»

Yeremi 14:1

Keeke o Yaal oxe a layu a Yeremi ye fo feñ ole:

A kim a tedu ke 107:34

lanq qaaɗu ke, ta supit a den o tan yaam kañaan no we ngen’ina teen.

A kim a tedu ke 105:13

Kaa njoqooyooxoogu a ndeer saax fo saax, a ndeer maat fo ngend um.

A kim a tedu ke 34:19

O Yaal oxe xe paam no we a qeeñ den a naqadilooxna, too kaa muclaa we a yiif den a njaqna.

2 Maad we 6:25

Maaga, biim maak a jeg’a kam teeru faa. Xiixire we kaa miñ’u o mbid teeru fee o kurul-keƥ boo sax xoox o faam a jarataa maaga xa qanjar qarɓeen ɓetuu tadik xaaliis fa nqoolu, soo liibar ndeep a nuukuur a jaraa xa qanjar xa ƥetaq.

2 Maad we 4:38

Eliise a nomtooxiida Gilgal. A jeg’a koy biim kam saax le. Ne duleer we a ndeeƭna fo ten, a laya surga fee ten ee: «Deeni a kaleera maak ale, jawan duleer we laalaap.»

2 Sami’el 21:1

Ye fo maat Dawid a jeg’a biim maak laa fi’’ina xa kiid xa tadaq xa tuqrandu. Dawid a ƴufginooxa o Yaal oxe, soo ta layin ee: «Keene kaa xew, yaam a bar ale Sawul fo ƥasil um a mbar’ina no Giigibe’on we.»

Ruut 1:1

No camaane ke haahate we a maadooxaa kam Isra’el, a jeg’a biim maak kam saax laa. O koor a inoora Betleheem, no lanq kaa Yudaa, ten fo o teem fo xa ƥeem xa koor xa ƭaq, a ngenik na xa saawit axaa Mowaab.

Mberaand 47:13

Ñaamel leng njeg’atee kam saax le boo saax le a xet, yaam biim le kaa ɗom’atu. We no saax le Misira fo we no saax le Kanaan kaa saŋkooxoogatu yaam biim le.

Mberaand 42:5

Xa ƥiy axe Isra’el fop a njikiida bele nen lakas we ngaroogna, yaam biim le a fad’a boo no saax laa Kanaan.

Mberaand 41:57

Wiin we kaa inooroogu muu refna na saax ake, a njikiidaa bele me Yoseef, yaam biim le kaa ɗom’atu tigi na saax ake fop.

Mberaand 41:56

Biim le a roka kam saax le fop. Yoseef a weta tap ke ten, soo a jikooxaa Miimisira we bele. Biim le kaa moƴ’u moƴ o ɗomaa kam saax le Misira.