Mberaand 11:29 - NQAARIIT NE ROOG

²⁹ Abram fa Nakoor a ngilga. O tew oxe Abram Saarayi a ne’’e, oxe Nakoor a ne’el Milka fee refna o ƥiy o ndew Haran fee rim’ina a Milka fa Yiska.

Mberaand 11:29 Referans Kwoze

Mberaand 22:20

Yaa kaaga a faafna, Abraham a yegne yee Milka fee o tew no ndeɓ um Nakoor a rima fa Nakoor

Mberaand 17:15

Roog a laya a Abraham ee: «Saarayi fee o teef ne’kataand Saarayi ndaa Saara a ne’kateel.

Mberaand 24:15

Ye ta maadna o layaa, Rebeka a fadiida. Rebeka koy kaa reeƭu o ƥiy Betwel fee o ƥiy Milka fa Nakoor fee o ndeɓ Abraham.

Mberaand 20:12

Kaa jolna keene sax, ndigil oo kañ o cigeen es oo, yaam o ƥiy faap es oo, ndaa i mbogee a yaay. Ten taxu ta refat o tees.

Mberaand 22:23

Betwel feene rimu a Rebeka. Weene ndefu xa ƥiy ɓetaa tadaq axe Milka a rimna fa Nakoor fee o ndeɓ Abraham.

Mberaand 24:10

O tag oxe a xota keeleemb xarɓaxay no keeleemb ke no yaal mbind um, soo a ret no saax laa Mesopotami na teeru faa Nakoor. A ɓislooxa itam halal fa mayu na halal fee no yaal mbind um. A inooxa, a ret.

Mberaand 24:24

O toog oxe a doonaan ee: «O ƥiy Betwel fee o ƥiy Milka fa Nakoor refum.»