Mberaand 11:27 - NQAARIIT NE ROOG

²⁷ Keeke ndefu a kon ake na xa taan axe Teerax: Teerax rimu a Abram, Nakoor fa Haran, soo Haran a rim a Lot.

Mberaand 11:27 Referans Kwoze

Mberaand 14:12

A ndam’a itam a Lot fee o ƥiy no ndeɓ Abram, a njang ke ta jegna fop soo a ndet, yaam oxeene Sodoom a genoogu.

Mberaand 12:4

Abram a reta, ne o Yaal oxe a layit’uuna o ten, soo Lot a yoon fo ten. Abram a jeg’a xa kiid qarɓeen ɓetuu ƭik fo xa kiid xa ƥetaq ye ta inoorna Xaraan.

Mberaand 11:31

Teerax a xota a Abram fee o ƥeem fa Lot fee o ndaan um fa Saarayi fee o seemir um refna o tew Abram. Den fop a inoora Uur fee no Kaakalde we, ndax da ndet no saax laa Kanaan. A mbadiida Xaraan, soo a ngenaa maaga.

2 Piyeer 2:7

Na jamaane faaga, a mucla a Lot fee reeƭna o koor o cofu, naqadiloox’ina no xeeñ um yaam caasaay ne wiin weene a saq’ina na pesoorooƭ a paaxeer ale den.

Yosuwe 24:2

Maaga, Yosuwe a laya xeet fee fop ee: «Keeke o Yaal oxe Roog fee Isra’el a layu: ‹Daan we nuun kaa xottoonga na Teerax fee faap Abraham fa Nakoor ngenoogna yaaga no saax o lakas ole no xuluɓ o maak ole Ofrat kaa mbaɗooxoogu roog lakas.

Mberaand 12:5

A xota a Saarayi fee o teem fa Lot fee o ƥiy no ndeɓ um fo kalal ke da njeg’ina fop fo faɗ we da njegit’ina Xaraan. A inooxa soo a ndet no saax le Kanaan. Ye Abramiin a mbadiidna no saax le Kanaan,

Mberaand 22:20

Yaa kaaga a faafna, Abraham a yegne yee Milka fee o tew no ndeɓ um Nakoor a rima fa Nakoor

1 Caloori ke 1:27

Teerax a rim a Abram fee ne’’ateena Abraham.