Mberaand 10:32 - NQAARIIT NE ROOG

³² Keene ndefu a qaw ake na xa ƥiy axe Nowe a reefandel no ne da ndeepatiritna kam qeet ke. Na den qeet ke a mbaqaqooru soo a pictoor took lanq ke.

Mberaand 10:32 Referans Kwoze

Mberaand 9:19

Xa ƥiy xa tadaq axeene na Nowe axu qeet ke na adna fee fop.

A pi ake 17:26

No kiin o leng a saktu qeet ke fop, a dalin a den na adna fee fop. Xeet fuu refna, ta hapanin camaane, a ɗeganin me ta warna o gen.

Mberaand 10:1

Keeke ndefu a kon ake na xa taan axe na xa ƥiy axeeke na Nowe: Seem fa Xaam fa Yafet. A ndima xa ƥiy cinj o jaɓ o maak ole.

Mberaand 10:25

Ebeer a jeg’a xa ƥiy xa ƭaq, o leng oxe Peleg a ne’’e, yaam na jamaane um lanq ke a nqaajoox’u, soo o ndeɓ um a ne’el Yoktan.

Mberaand 10:20

Weene ndefu xa taan axe Xaam, a reefandel na qaw den, na lak den, na saax den fo no qeet den.

Mberaand 9:7

Nuun o mat, ndimikyo, mayƭandik lanq ke.»

Mberaand 9:1

Roog a barke’a a Nowe fo xa ƥeem, a lay a den ee: «Ndimikyo, mayƭandik lanq ke.

Mberaand 10:31

Weene ndefu xa taan axe Seem, a reefandel na qaw den, na lak den, na saax den fo no qeet den.

Mberaand 11:1

We no lanq ke fop lak fa leng kut a layoogu, a njiriiñooraa xa ƭelem xa leng kut axe.

Mberaand 10:5

Weene ndefu we mayƭandna a pimb ake no qeet ke no saax den, a ngen’u na xa kos axe fo paam o maag ole, wuu ndefna na lak den a reefandel na qaw den kam xeet den.

Ke bindeena no xe ne’eena YOB 15:19

Den soom Roog a ci’u saax le, too o kenar o leng ɓislooxee a den.