Mberaand 10:25 - NQAARIIT NE ROOG

²⁵ Ebeer a jeg’a xa ƥiy xa ƭaq, o leng oxe Peleg a ne’’e, yaam na jamaane um lanq ke a nqaajoox’u, soo o ndeɓ um a ne’el Yoktan.

Mberaand 10:25 Referans Kwoze

1 Caloori ke 1:19

Ebeer koy a jeg’a xa ƥiy xa ƭaq: o eetaand oxe Peleg a ne’’e, yaam ne ta rim’eena no hiid olaa lanq ke a nqaajooxna, o lakas oxe a ne’el Yoktan.

A pi ake 17:26

No kiin o leng a saktu qeet ke fop, a dalin a den na adna fee fop. Xeet fuu refna, ta hapanin camaane, a ɗeganin me ta warna o gen.

A cangatin ale 32:8

Ye oxe Took-ee-took a lasrandna qeet ke lanq ke, a xaaj xa ƥiy Aadama, a fiisa xa ŋat axe no qeet ke, a coox xeet fuu refna malaaka faa na saytooxan.

Mberaand 10:32

Keene ndefu a qaw ake na xa ƥiy axe Nowe a reefandel no ne da ndeepatiritna kam qeet ke. Na den qeet ke a mbaqaqooru soo a pictoor took lanq ke.

Mberaand 10:21

Seem a jeg’a xa ƥiy itam, ten refu o taan no Ee-ebeer we. Seem feene refu o maag Yafet, a ref taaw Nowe.

Mberaand 10:26

Xa ƥiy axe Yoktan ndefu: Almodaad, Selef, Hacarmawet, Yerax,

Mberaand 10:5

Weene ndefu we mayƭandna a pimb ake no qeet ke no saax den, a ngen’u na xa kos axe fo paam o maag ole, wuu ndefna na lak den a reefandel na qaw den kam xeet den.

Ke bindeena no xe ne’eena YOB 15:19

Den soom Roog a ci’u saax le, too o kenar o leng ɓislooxee a den.