Mberaand 1:29 - NQAARIIT NE ROOG

²⁹ Roog a layahina a den ee: «Daaƭ le fo taxar ke na ndimaa fop, cooxaanum a nuun, da ndefik ñoowir nuun.

Mberaand 1:29 Referans Kwoze

Mberaand 9:3

Ke na yo’nooxaa fop too a ñoowaa fat a refik ñaamel nuun. Ci’aanum a nuun ne fi’tanuuma no duufe le.

A kim a tedu ke 24:1

A kim a tedu laa fogna na ke Dawid oo. O Yaal oxe jegu lanq ke fo ke refna teen fop, a jeg adna fee fo we ngenna teen,

A pi ake 17:28

Yaam no ten i njegtu o ñoow, yo’nooraa no ten, ndefit no ten itam. ‹In o mat oo, na xeet um i mbogu.› Keene o mat, leng-leng no jeejeek we nuun a layu.

A pi ake 14:17

Yaag oo toox de, Roog mosee o ñak o lalit ke ta refna na pexey paax ke ta fi’aa: Kaa ci’taa a nuun na asamaan a teƥ fo tiig paax, a ci’aa a nuun ñaamel ke ndeyna, soo a mayƭandaa a qeeñ nuun fo o ɗaay.»

A kim a tedu ke 147:9

O ten na ci’aa muumeen ke ñaamel boo na xa woynaar axe na tooq ale na loolaa yaam nqeex.

A kim a tedu ke 136:25

ten oxe na ci’aa fop ke na ñoowaa ñaamel, yaam o mbeq um xan a maadaa boo faw.

Mace 6:11

Ci’i a in xaye ñoowir in no mbeet oo mbeet.

Ke bindeena no xe ne’eena YOB 36:31

Kaa ñoownitaa qeet ke a teƥ ale, a ci’aa a den ñaamel bo ta dey sik.

Mberaand 2:16

O Yaal oxe Roog a hebla o koor oxe yee: «Waagaa o moɗ xa tim axe no taxar ke na ƭing ale fop,

1 Timote 6:17

Maƭooxi we ndefna yaal kalal ke ndiiki, ndax magnandooxkee, too a mbañ o ƥek yaakaar den na halal fa ngenee sen. Layi a den koy, da ndoon yaakaar den na Roog, ten fee na cooxaa a in fop, a mayƭandin boo muut, ndax i mbelakinoorin.

Hoose 2:8

Ten taxu xam wegit a ƭat um taxas kiƈ, widnin o ɗiiɗing, ndax suurkee na ƭat um.

Esayi 33:16

Oxeene xan a gen no fo mbiñ ne took-ee-took, a ƥil a saƭku koŋ xan a ndef njaɓnooxand um. Xan a cooxel ñaamel boo ta dey sik, too foofi um daŋkee.»

A kim a tedu ke 146:7

O Yaal oxe kaa ɓoxotaa we ñagadileena wargal den, a ci’aa we nqeexeena ñaamel, a woktaa we ndameena mbaƭ.

A kim a tedu ke 115:16

Asamaan fee asamaan no Yaal oxe yoo, ndaa xa ƥiy Aadama a cooxu lanq ke.

A kim a tedu ke 111:5

Kaa ci’aa we saɗaruuna ñaamel, a wetandooxaa ngiɓoor um boo faw.

1 Timote 4:3

Kaa ngeblaa yee dolnirel waree, a layaa yee ba o leng a ñaam kene mbaat kaana. Kaa koy, ñaamel keene, Roog saku a den, ndax gimu we andna ndigil ne a ñaam a den fo o ngidim.

Mberaand 6:21

Wo o mat, waaƭi no fop ke waageena o ñaam, yaxandooxeen paam of ndax keene a ref ñaamel of, wo fa den.»