Mberaand 1:28 - NQAARIIT NE ROOG

²⁸ Roog a barke’a a den soo a lay a den ee: «Ndimikyo, mayƭand lanq ke, ke ta saqna fop a ref no ɓay nuun: Liƥ ke no maag ole, tiiƭ ke na asamaan fo muumeen ke na ñoowaa took lanq ke, fop no ɓay nuun a ndefkaa.»

Mberaand 1:28 Referans Kwoze

Mberaand 9:1

Roog a barke’a a Nowe fo xa ƥeem, a lay a den ee: «Ndimikyo, mayƭandik lanq ke.

Mberaand 9:7

Nuun o mat, ndimikyo, mayƭandik lanq ke.»

A paɗax ale 26:9

Xam geleeroox farna fa nuun, ci a nuun ƥasil, dam ngiɓoor es fa nuun.

Mberaand 1:22

Roog a barke’a a den ee: «Ndimikyo, siw too mayƭandik poofi ke na xa maag axe. Fat tiiƭ ke itam a siw took lanq ke.»

Esayi 45:18

O Yaal oxe saku asamaan fee, ten refu Roog fa leng kut fee fiisna lanq ke, a sip a den soo a saƭkand a den koŋ. Sakee a den koy, ndax da yoq o ƥor, ndaa ndax da ngenel. Ndiiki keeke a layu: «Mi refu o Yaal oxe. Jegee roog fa lakas.

Mberaand 17:20

No kaa farna na Isma’el koy, nanaaxoong, xam barke’in, ci’in xa taan xa mayu. Xan gelwaar xarɓaxay fo gelwaar ɗik a ngat no ten, too xam fi no ten xeet fa maak.

Mberaand 8:17

Suti xa qos muumeen axe ndefna fa wo fop, tiiƭ ke fo muumeen ke fo ƥood ke. Fat da pictoor no lanq ke, a ndimik, a mayƭandik adna fee.»

A kim a tedu ke 107:38

O Yaal oxe a barke’a a den, da mayat, too xaƴee cegel den da kasaara’oox.

1 Caloori ke 4:10

Yabes a ƴufginooxa a Roog fee Isra’el ee: «Ngela barke’aam, ɗaay o saawit es, saytooxaam fo o ɓay of too guutatirandaam fo taamaala fo coono!» Roog a ci’aan ke ta xeɗ’ina.

Mberaand 26:24

No yeng olaaga, o Yaal oxe a feeñooxaan, a layin ee: «Mi refu Roog fee na faap of Abraham. Xam barke’ong soo mayƭand xa taan of yaam o tag es Abraham.»

Mberaand 17:16

Xam barke’in, too xam ci’ong fo ten o ƥiy itam. Xam barke’in too xan a rim qeet mayu, maad no qeet mayu a ngat no ten.»

Mberaand 49:25

Kaam ee, Roog fee na faap of xan a ƴufgiidong, o Cegu katil oxe xan a barke’ong. Yaasam ta fod took-ee-took a barke’tiidong a teƥ fo itam poofi ke na juwaam fee fo xa ƥiy xa mayu fo xa siir xa pagkatar.

1 Caloori ke 26:5

Ami’el, Isakaar fa Pe’ultay. Roog a barke’a koy a Obed-Edoom.

Mberaand 33:5

Esawu a yoɗa a kid um, soo a ga rew we fo xa caaƈ axe, a laamtin ee: «Weeke yoonna fa wo, aniin oo?» Yakoob a doonaan ee: «Xa caaƈ axe Roog a ci’na o tag of kam yirmande um oo.»

Mberaand 24:60

A salana a Rebeka yee: «O cigeen in, yaasam o ref ya no cuni-cuni, xa taan of a ngarit fañ den took.»

A kim a tedu ke 69:34

yaam o Yaal oxe kaa nan-gilooxaa ñaatu we too naagee yapatilaa we njengeena yaam ten.»

Ke bindeena no xe ne’eena YOB 42:12

O Yaal oxe a barke’a ke yoqna no ñoow ole Yob kupu ne ta fi’it’uuna eetaand. Neene, Yob a jeg’ata cegel cuni xarɓaxay fo cuni nahik na ked ake ten fo na xa siir naak axe ten, keeleemb ke a ndef cuni ɓetuu fa leng, qoox ke a ndef cuni ƭik, soo xa paam xa tew axe a ndef juni.

1 Timote 4:3

Kaa ngeblaa yee dolnirel waree, a layaa yee ba o leng a ñaam kene mbaat kaana. Kaa koy, ñaamel keene, Roog saku a den, ndax gimu we andna ndigil ne a ñaam a den fo o ngidim.

Mberaand 5:2

Roog a saka o koor, a sak o tew, a barke a den, a ne a den o kiin ye da sakeena.

A kim a tedu ke 8:6

Fi’aano ta mat o fodir fa wo, widnin o ndam fa tedaanga,

Mberaand 6:1

Ye wiin we a siwiidaa took lanq ke, boo a ndimaa xa ƥiy xa tew,

Ke bindeena no xe ne’eena YOB 39:11

Ndax xan o hoolooxin, yaam ne ta mayna doole? Ndax xan o xaƴin fo ke waroona o jal?

A kim a tedu ke 8:7

ci’in ta maadoox took no ke sakoona fop, doon fop na xa ƥay um,

A kim a tedu ke 115:16

Asamaan fee asamaan no Yaal oxe yoo, ndaa xa ƥiy Aadama a cooxu lanq ke.