Mberaand 1:27 - NQAARIIT NE ROOG

²⁷ Roog a saka o kiin ta ref nitaal um, a nand fo ten. Roog a saka o koor, a sak o tew.

Mberaand 1:27 Referans Kwoze

Mace 19:4

A doona a den ee: «Ndax kaa nu njangee kam a Pind a Tedu ke yee o Saasak oxe, o koor fo o tew a sak’u no mberaand naa?

Efees 2:10

Yaam Roog saku a in, a fokat a in na Kiristaa Yeesu, ndax i ngen na pi a paax akaa Roog a jagandanna a in yaaga.

Mark 10:6

ndaa no mberaand naa na sak ale, ‹Roog a saka o koor, a sak o tew.›, ne ta bindteena.

Efees 4:24

Ndokooxyo ngiin nqas ne sakeena a nand fa Roog, soo a feeñ kam o ñoow o jofu le saqna ndigil ne, too a ted.

A kim a tedu ke 139:14

O Yaal oxe, mexe gidmang, yaam ne saktoona cer es a wega xoox. Ke o fi’aa kaa jom’andit, andaanum a qool qac.

Esayi 43:7

Nomtiidyo we na nqoyooxaa gon es, fop we sakuuma, mool a den, fi a den, ndax da lalit o ndam es.»

Kolos 1:15

Kiristaa refu nitaal Roog fee a ngid a waageerna o ga, a ref taaw um yaaga dara sakafulaand.

Malaki 2:15

Ndax o Yaal oxe fi’ee boo nu ndefat o leng no njer fo no yiif? Ndi xar o lengel oleene a bugu? Ten refu Roog a ci’in xa ƥiy! Mbootooxyo boog boo ba o leng a hod o tew oxe ta dolnirna no ndeƥandoong um!

Mberaand 2:18

Cinj kaaga, o Yaal oxe Roog a laya yee: «O koor oxene a yoq koƭong-a-koƭongin faaxee. Kaam jaɓin o fi’an oxaa nandna fo ten, a dimle’an.»

Kolos 1:26

Keene refu kunpa fee refna naa adna ferooxu, too a feeñlel tedu we ndiiki.

Kolos 3:10

Ndiiki koy, nu ndokooxa ngiin nqas ne na jib’atintaa no nand Roog fee sakuuna, ndax ta fadnoox no andin tigi.

Mberaand 9:6

O kiin oxuu ɓaxna fo’oy no kend um, xan o lakas a ɓax fo’oy um, yaam Roog kaa sak o kiin ta ref nitaal um.

A cangatin ale 4:32

«Laamityo no kaa farna no ñaal peraand kaa, yaaga nu ndimafulaand, no kaa xotitna yaa Roog a sakna o kiin took lanq ke. Ƥaalyo ke xewna na adna fee, a xotit no cat boo no cat lakas. Ndax kaa magnitna neene a mosa o xew? Ndax kaa nandna neene a mose o nan?

O baawaare xe 7:29

Kaa koy, ke ga’uuma refu yee: Roog kaa sak wiin we da njof, ndaa den o mat kaa njafeñin tige.

Mberaand 2:7

Naaga, o Yaal oxe Roog a xota no fo ut ole no lanq ke, a muul o kiin soo a wuuɗ o ñoow na xa ñis um. O kiin oxe a dalfooxa o jeg o laaw olaa na fiɗaa.

Haahate we 21:22

Paap den mbaat jamin den a ƭomatooxiidangaa me in, xan i lay a den ee: ‹Yirimyo a den, yaam i mbaaƭan’ee oxuu refna o tew ye fa xire fee. Refee yee nuun ci’u a den xa ƥiy xa tew axe nuun, yaam a reeƭangaa neen, nuun tooñkoogu.› »

Yeremi 29:6

Ngiligyo, ndimik xa ƥiy xa koor fo xa tew, ngilgan xa ƥiy xa koor axe nuun soo ci’it xa ƥiy xa tew axe nuun a tolax, ndax da ndim xa ƥiy xa koor fo xa tew. Mayƭandyo meene nu ndefna too ba nu mbañoox.